8 Valakwita kandi valakusiuva hagati hinyanza.
Lilasulungutaa kuduuka mu kirindwa? Liliika harara ninzi kuduuka mu luguchi?
Sialavaleka vadivi mba; avahonyiaa kutura ku likuza.
Nyasaye umali kombonyia mburi kudivila mu kilindwa, kandi ndamenya kolola uvulavu.”
O, Yahova, mukingi wange, nzanira ku ivi, huliriza ku lilira liange! Niiva ulavula kundivulira, ndava mulala ku yavo aviikaa mu kivala cha vakuzu.
Ulanyora vukala ki kutura kulikuza liange. Ni vukala ki vwa onyoora kutura ku liitwa liange. Avandu vaakuza vaveeye avanyala kukwizominya? Vaveeye avanyala kulandiza uvulahi vuvwo vutali ne keheri?
Avasigu vakuzi inyinga yaavo nikikiri kuduuka, Vazie mu kihadisi nivakikiri mwoyo, kigira uvudamanu vuveeye mu limenya liavo, kandi hagati mu mioyo jaavo.
O, Nyasaye, oleete aviiti na avagaadi vazie mu kilindwa imbiri wi inusu yi livamwoyo liavo nilikikiri kuduuka. Navuzwa inzi, ndakusuuvira.
Vanyara kuva mwoyo kandi valamu lwakuvanyoola, navuzwa valava vakuzu lwa kuva nikwakayinzira ku vo.
Mundu onyooleka na mahiolo gukwita wundi alima kilindwa chichie vwangu ligali kuli anyala, utageriza kumugaya mba.
Navuzwa umali kwikizwa hasi mu luliva lwi kihadisi.
Vuliduhu vwu mwoyo gwange vulagilung'ana kuva mirembe, ombonyi kutura mu vuhimwa vwange vwosi; kandi usamihi uvwoni vwange vwosi.
Vasigu vinyu valakalanye vuhinda vwinyu, kandi navalanye likilanyia lienyu. Navadivizi madigi ginyu ni zinyumba zienyu zindahi. Navasiuvi mu inyanza magina ginyu, zimbaho zienyu kandi zigongodo zienyu munyanza.
Kalunu mumali kudivizirwa munyanza; miviri jinyu jiziiyi hasi mu luliva lwi inyanza. Viukukiranyia vienyu harara na yavo avamutumikiraa, vosi vamali kudiva harara ni munyi mu inyanza.
Lwa vaza kukwita, ulazizagilira kovora oveeye nyasaye imbiri wavo? Si ulava nyasaye mba, navuzwa ulava mundu vuzwa imbiri wa yavo avakwita.
