Ezekieli 28:5 - KITABU KITAKATIFU

⁵ Wameeda uvutugi vuvwo kigira ovogeri ovonene vwi limanya mu likiranyia. Oveeye ni liegingira, kigira uvutugi vuvwo uvunyingi!

Ezekieli 28:5 ပူးပေါင်းရင်းမြစ်များ

2 Avami 14:10

Kalunu Amazia, ivi umali kuguuta Vaedomu, ma wizuyi liigingira. Yaanza wigutizwi nu luyali lulwo kandi omenye hango hoho. Kigira ki utangizi vudinyu no kweretera kivi ku ivi mwene na vandu vovo?”

2 Kyetsinyinga 25:19

Kalunu mwami Amazia, ivi welolaa ndi umali kuguuta vandu va Edomu, navuzwa inzi ng'ogelihiza ove hango; Kigira ki utaangiza uvudinyu vulileta ikivi ku ivi mwene na vandu vovo?”

Zaburi 52:7

“Heenzi mundu uyu si yenya kweleda ku Nyasaye amusoore mba, navuzwa yasuuvira mu vutugi vwivwe ovonene, kandi yenya uvuhaliru mu vutugi vwivwe.”

Zaburi 62:10

Mutaviika lisuuvira lienyu litumikira lidambiza; mu lienyolera uvutugi mu vugadi mutasuuvira mu lienyolera vindu ku linuura. Kali niiva uvutugi vuvwo vomedeka, uteeleda kuvwo mba.

Zaburi 62:11

Mali kuhulira haali kanyingi Nyasaye navoora, ndi zinguru ziveeye iziizie;

Tsing'ano 11:28

Yavo avaviika zing'anagani ziavo mu vutugi vwavo valavunguluka kuli matu gi misaala mu ing'inga yiligesa, navuzwa valungi valazizagilira kuli matu gimisala mung'inga yumbasu.

Tsing'ano 26:12

Mundu musiru ligali aveeye mulahi kuvita mundu uganagana aveeye mugeri lwa ataveeye ndio mba.

Tsing'ano 30:9

Niimba ni chukulia kinyingi, nyara kuvoola ndi si ngwenyaa mba. Navuzwa nimbeeye mudaka nyara kwiva ma mbane izisoni ku Nyasaye wange.

Isaya 23:3

Kuzia kukiranyia uvuswage vwameraa mu kivala cha Egebeti, kandi kukiranyia ni zihiiri zindi ziosi.

Isaya 23:8

Yaali vwaha uyu, uwalohiza kwononyia Lidaala linene lia Tiro, lidaala liali linene ligali, iliavakiranyi valio vaali avanene, avasaza vaali vuluyali olonene ligali mu lirova?

Isaya 5:21

O, vayaayi, kivi keveeye ku yavo aviiganaganaa ndi vaveeye avageri, kandi aviganaganaa ndi vaveeye nilimanya!

Jeremia 49:4

Kigira ki munyi avandu vataveeye nilisuvira mwidayaa? Munyi muguutwa. Kigira ki musuuviraa mu zinguru zienyu kandi muvooraa siaveeyeho unyala kogeliza kumwingilira mba?

Ezekieli 16:49

Oyo harara navakaana veve velola kigira vaali niviukulia vinyingi kandi vamenya mu mirembe, navuzwa si vahendera mwoyo avadaka navandu vaali nilienya mba.

Ezekieli 28:17

Waali ni liegingira kigira waali mundu wi ligondo lilahi ligali, kandi limanyikana liilio liakokola vindu kuli musiru. Kigira yaga, ndaakusiuva mu kivala kandi ningunaavula havulavu imbiri wa vami, vaduuki kokolola.

Ezekieli 28:2

Yavoola, “Mwana wu Mundu, ovoolere mwamihi wa Tiro aga Inzi Yahova Wuvunyali mboraa kuye: Oveeye ni liegingira mu mwoyo gwugwo, wevoola ndi oveeye munyasaye. Ovola ndi wikala kondeve yu vwami kuli munyasaye, hagati hi zinyanza. Unyala kwevoora kuva mugeri kuli mu nyasaye, navuzwa si oveeye mu nyasaye mba, oveeye mundu vuzwa.

Danyeli 11:12

Alakekonye nukwigingira kigira vuguuti vwivwe kandi kigira kwiita vasikari vanyingi, navuzwa si alakazizagiliri kuva muguuti mba.

Danyeli 4:30

yavoola, “Henza kuli Babiloni eveeye enene! Ndajumbaka kuli lidaala linene kumanyia zinguru nu vunyali vwange, kandi vukumi harara nu vwami vwange.”

Danyeli 4:37

“Kalunu, Inzi Nebukadineza ndizominya, nimbana luyali kandi nu vukumi ku mwami wu mwigulu. Vuli kindu choosi chakolaa keveeye kilungi kandi chi likalaga lirungi, kandi agehizaa vuli mundu woosi oveeye ni liegingira.”

Hosea 13:6

Navuzwa lwa mwaduuka mu kivala kilahi yiki, mwalia kuduuka ni mwiguta. Maku mwatanga liegingira kandi ni munzivilira.

Zekaria 9:3

Lidaala lia Tiro liayumbaka zimbinga kandi liavungiza ifeza ni izahabu inyingi kuli luguki!

Varumi 12:16

Mumenye mu vuhambani mulala nuwache. Mutava avigingiri, navuzwa muvugiliri kutumikira kali vihanzahanza. Mutiganagana kuva avageri na vukweyenyera ovonene mba.

Kwidzulitsa 8:17

Kunangwa mutiiganagana ndi mumali kwekola avatugi munyi aveene kuzinguru nuvunyari vwa makono ginyu mba.