Ezekieli 28:4 - KITABU KITAKATIFU

⁴ Ovogeri vuvwo kandi limanyiriza liilio liakokola konyoora uvutugi, kandi wavungiza izahabu kandi ifeza mu mavikiru googo.

Ezekieli 28:4 ပူးပေါင်းရင်းမြစ်များ

Tsing'ano 18:11

Avandu vatugi vaganagana ndi, vutugi vwavo vuvakingaa kuli lidigi litambi lie zinguru liakumberiza lidaala.

Kohelethu 9:11

Ndaamanyiriza kindu kindi ndi, mu kivala yiki, avandu vanyagura vwangu, sivaveeye vosi avagutaa mu zimbiru mba, kandi avandu vaveeye valuviriri sivagutaa mu vulwani ing'inga yoosi mba. Avandu vageri sivanyoolaa chukulia mba kandi avandu vilimanya sivanyoola vutugi kazozo mba. Avandu vinyaliza sivanenehizwa vuli ing'inga kuva igulu wa vandi mba. Inga indamanu yiza ku vuli mundu.

Isaya 10:13

Mwami wa Asiria yigingira nokovoora ndi, “Mali kokora yaga goosi inzi mwene. Inzi mbeeye ni zinguru kandi mugeri wi limanyiriza. Mali kutulizaho zinzako hagati hi zihiiri, kandi mali kuvugura uvutugi vwavo kutura mu mavikiru gaavo goosi. Mali kuduvagira hasi avandu vamenyi yo kuli igiriki, nu kuvatuliza ku zindeve ziu vwami.

Jeremia 49:4

Kigira ki munyi avandu vataveeye nilisuvira mwidayaa? Munyi muguutwa. Kigira ki musuuviraa mu zinguru zienyu kandi muvooraa siaveeyeho unyala kogeliza kumwingilira mba?

Ezekieli 27:33

Lwa viukukiranyia vienyu viazia kuduuka muvivala viengeleka wi inyanza, mwigutizaa zihiiri zinyingi, Avami vaagwa avatugi kigira uvuhinda vwi vindu vienyu.

Ezekieli 29:3

Omolome kandi ovoole, ndi yaga nigo aga Yahova Wuvunyali avooreraa Mwami wa Egebeti: Inzi mbeeye musigu woovo, ivi ingwina enene, egonaa mumugera. Ivi ovola ndi mugera gwa Naili nugwange kandi ndagolomba.

Danyeli 5:11

Aveeye ho nu mundu mu vwamihi vuvwo oveeye na roho gwa vanyasaye. Lwa baba woovo yaali mwami, mundu uyu ya muha ovogeri, limanya kandi vogeri kuli vwa Nyasaye. Mwami Nebukadineza yamukola kuva munene wa valoli, avakumu, avalogi kandi avageri vi zing'ereng'ani.

Habakuk 1:16

Kali vasigamira miluvo jaavo kandi vahaana vihaanwa vie visiuviliru kuzio, kigira miluvo jaavo givahezaa choosi cha venya.