Ezekieli 28:26 - KITABU KITAKATIFU

²⁶ Valamenya mu kivala yiki mu mirembe. Valakumbake zinyumba kandi valakalimi milimi nukutaga Mizabibu. Ndahaana mageri ku zihiiri ziosi zia vaakolera kehenyahenye, kandi vandu va Isiraeli valakamenye mu mirembe. Maku valakamanye ndi Inzi mbeeye Yahova Nyasaye wavo.”

Ezekieli 28:26 ပူးပေါင်းရင်းမြစ်များ

1 Avami 4:25

Ku lohono lwa yaali mwoyo kuli mwami, avandu muvivala viosi vie Ivuyuda na Isiraeli kutura Dani kuduuka Beerisheba vamenya mu mirembe; vuli vandu vinyumba vaali ni vizabibu kandi makuyu gaavo.

Zaburi 149:9

ukuhaana mageri ku zihiiri zindi kuli Nyasaye amali kulaga. Yili nilio liguuta lia vandu va Nyasaye. Mwizominye Yahova!

Kutwula 29:46

Valamanya ndi, inzi mbeeye Yahova, Nyasaye wavo wavaleeta kutura mu kivala cha Egebeti kunangwa nduuki komenya hagati haavo. Inzi mbeeye Yahova Nyasaye wavo.

Tsing'ano 14:26

Liitia Yahova lihaana vuluviliri kandi likinga ku mundu harara na vinyumba yeeye.

Isaya 17:14

Valeta vutihizi vonene hamugorova, navuzwa vaatura ho mugambazuri. Yiki nicho keheri cha yavo avalanyaa miandu jietu; kandi kidieli cha yavo avakunuulaa kivala chietu.

Isaya 33:1

Kivi keveeye kumunyi avadiviza, na munyi aveene mukikiri kudivizwa; munyi avagaadi vu mundu akikiri kumugadaa. Lwa mumala kolekera kudiviza mulakadivizwi kandi lwa muduuka ku keheri chu vugadi, munyi kandi mulakagadwi.

Jeremia 12:14

Yahova avoora, “Inzi mbeeye nichokovoola ku vatende va Visiraeli avamali kwononyia kivala chandaha avandu vange Isiraeli. Ndahira avandu vachamu yavo ihale kutura muvivala viavo kuli musaala gwihiywi, kandi ndasoora avandu vi Ivuyuda kutura muvo.

Jeremia 29:28

Yavolera avandu mu Babiloni ndi mulamenya mu lihaminywa ku zing'inga zinyingi. Kunangwa, mwumbake zinyumba mumenye mu kandi mulimi milimi na mulie ku via mugesa.”

Jeremia 30:16

Navuzwa kalunu, vosi avamudiviza navo kandi ndavadiviza, kandi avasigu vinyu vosi valahirwa ihale kuli vahambe. Vosi avamudambizaa navo kandi valadambizwa, kandi vosi avamuranya navo valaranywa kandi.

Jeremia 32:15

Yahova Wuvunyali, Nyasaye wa avandu va Isiraeli, umali kovora ndi, zinyumba, milimi kandi vizabibu vilagulwa kandi mukivala yiki.”

Jeremia 32:37

Inzi ndaleta avandu vosi harara kutura muvivala viosi via ndaavahilamu muvutima vwange kandi mu livihirirwa liange, ndavilanyia havundu hano na ndavakora vamenye nimirembe.

Jeremia 32:43

Milimi jilagulwa kandi mukivala yiki, ja avandu vavoola ndi jiveeye kuli changalangwi, havundu ha avandu vatamenya mba, anoho zinyama zitamenya mba, kandi kilahanwa ku avandu va Babiloni.

Jeremia 33:16

Avandu vi Ivuyuda na Jerusalemi valahonywa kandi valamenya mu mirembe. Lidaala linene yili lilangwa ‘Yahova Muhonyi Wiitu.’

Lisyoma lya Jeremia 1:8

Avandu va Jerusalemi vaakora uvwoni vwi livereriza ligali, na vagwiyi kuli kindu kifunyaa vugundu. Vosi avahaana uluyali kuvo vavalegerizaa kigira vamali kolola chahonyo chavo. Vakenya aveene kandi agirung'ana nukwivisa mu zisoni.

Ezekieli 28:22

Ovoolere avandu mu lidaala yilio ndi, Inzi Yahova Wuvunyali mboraa yaga kuvo: Mbeeye musigu winyu, avandu va Sidoni; avandu vandi valanzizominya kigira agaamali kokora ku munyi. Valamanya ndi Inzi mbeeye Yahova, lwa manyia kuli mbeeye mutakatifu mu lihaana mageri ku yavo avamenyaa hagati hinyu.

Ezekieli 28:24

Yahova yavoola, “Avandu va Isiraeli si valakumbirizwa kandi ni zihiiri ziveeye zinduru kuvo mba; avaveeye kuli zindavati anoho amafa gavasalirizaa mba. Maku valakamanye ndi Inzi mbeeye Yahova Wuvunyali.”

Ezekieli 34:14

Nangakole nagaye mu lisoolwa mu vulimu vwu mu kiguru kandi mu mavoona nu muvwayiru vwosi vulahi vwi kivala cha Isiraeli.

Ezekieli 34:31

“Munyi muveeye magondi gange, chayo cha nindaa ekeveeye avandu vange kandi mbeeye Nyasaye winyu,” Mwami Munene Yahova avoora.

Ezekieli 36:9

Inzi mbeeye harara ni munyi, na kuduuka mulalima milimi jinyu kandi mulataga.

Ezekieli 38:11

Notovole kwingilira kivala kitinyaliza wa vandu vamenyi mu mirembe kandi mulikingwa, mu madaala gataveeye na madigi kandi vugira likingwa.

Ezekieli 38:8

Inyima wi mihiga minyingi, ndakamulage yingiliri kivala uwa vandu viranywa harara kutura mu zihiiri zinyingi vamenyi vugira uvuti vwu vulwani. Alakingiliri vigulu via Isiraeli, iviali hazwa kandi vialekwa ku ing'inga indambi, navuzwa uwa avandu vosi kalunu vamenyi mu mirembe.

Ezekieli 39:10

Sivalakazie kwenya zingu mu mulimi anoho kotema misaala mu mulitu mba, kigira valakave nivaveeye ni viugi kuhambizira muliru. Valakatege nukugumira yavo avavatega, kandi valanuule yavo avavalinuula.” Yahova Wuvunyali umali kovora.

Hosea 11:11

Valaza vwangu kuli manyonyi kutura Egebeti, kandi valaza vwangu kuli makuulu kutura Asiria. Inzi ndakaviranyie yengo wavo kandi. Inzi Yahova, mali kovora.”

Hosea 2:15

Wene yeyo, inzi ndamwiranyira milimi jije jie mizabibu, kandi ndakora Livona liu vudinyu kuva kiliango chi Lisuuvirizwa. Wene yeyo alakandivuliri kuli yativura lwa yaali nakikiri musoleri kandi lwa yaza kutura mu kivala cha Egebeti.

Hosea 2:18

Ing'inga yene yeyo, ndakalombe lilagana liange ni zinyama ziu muvulimu, na manyonyi kandi ni vilombe viosi, vimolaa ku lirova, kunangwa vivuli kusaliriza avandu vange. Ndatulizaho uvuta, kivavi kandi uvulwani kutura mu kivala, nokoleka vandu vange vamenye mu mirembe.

Habakuk 2:8

Mwalanya vandu vi zihiiri zinyingi, navuzwa kalunu yavo avamali kohononoka valamulanya kigira vulumindi vwamwakola kandi kigira kivihiri cha mukoleraa vandu vi kivala na madaala manene.

Zekaria 1:15

Navuzwa mbeeye nu vutima vunyingi ligali ni zihiiri zisangaliraa vweremerizi ni mirembe. Lwa ndaali nengehizi vutima vwange ku vandu vange, zihiiri yizi ziameeda vusaliri ku vandu vange.

Kwidzulitsa 12:10

Lwa mwambuka mugera gwa Jorodani, Yahova Nyasaye winyu alaleka muvuguli kivala zana kuva miandu kandi mulamenya yo. Alamukinga kutura ku vasigu vinyu vosi na mulamenya mu ni mirembe.