Ezekieli 28:2 - KITABU KITAKATIFU

² Yavoola, “Mwana wu Mundu, ovoolere mwamihi wa Tiro aga Inzi Yahova Wuvunyali mboraa kuye: Oveeye ni liegingira mu mwoyo gwugwo, wevoola ndi oveeye munyasaye. Ovola ndi wikala kondeve yu vwami kuli munyasaye, hagati hi zinyanza. Unyala kwevoora kuva mugeri kuli mu nyasaye, navuzwa si oveeye mu nyasaye mba, oveeye mundu vuzwa.

Ezekieli 28:2 ပူးပေါင်းရင်းမြစ်များ

Litanga 3:5

Nyasaye yavoola ndio kigira yamanya ndi lwa mulia makuyu ku musaala yigu, mulava vageri kandi mulava kuli oyo, mulimanyiriza uvulahi kandi uvudamanu.”

2 Kyetsinyinga 26:16

Navuzwa lwu mwami Uzia yagwa wizingulu ligali, yaali ni liegingira; na lielola lilie liamudiviza. Si yahulira Yahova Nyasaye weve lwa yazia mu Litembeli ukusamba kimuli ku vwali mba.

Zaburi 9:20

O, Yahova! Uvakole vatie ligali! Uvakole vamanye ndi vaveeye vuzwa avandu vakuzu.

Tsing'ano 16:18

Lielola liduukiza mundu mulidiva, kandi liegingira likora mundu kugwa.

Tsing'ano 18:12

Avulaho mundu unyala konyoora luyali, nategehizi, avandu vikirage vaveeye kunzira yu kudivizwa.

Isaya 2:12

Ing'inga yene yeyo, Yahova Wuvunyali alakagehize vosi avizingulu, kandi yavo vosi vikirage ni liegingira.

Isaya 23:8

Yaali vwaha uyu, uwalohiza kwononyia Lidaala linene lia Tiro, lidaala liali linene ligali, iliavakiranyi valio vaali avanene, avasaza vaali vuluyali olonene ligali mu lirova?

Isaya 31:3

Avandu va Egebeti sivaveeye vanyasaye mba, navuzwa vaveeye vuzwa avandu. Zibarasi ziavo si ziveeye roho mba, navuzwa ziveeye izinyama. Lwa Yahova ahaanaa amageri, ihiiri eveeye yi zinguru ilikigatala, kandi ihiiri eveeye endedekele yakonywa ilagwa. Vombi valadivizwa.

Isaya 47:8

“Kalunu muhuliri yaga, munyi avandu vamenya mu liiva liu kwiyaanziza, munyi avaganaganaa mwahona. Musuuviraa muveeye avanene kuli Nyasaye, kandi siaveeye ho nu mundu wundi kuli munyi mba. Mwaganagana simunyala kuva avakunzakali mba anoho avana vinyu sivanyala kukuza mba.

Ezekieli 16:49

Oyo harara navakaana veve velola kigira vaali niviukulia vinyingi kandi vamenya mu mirembe, navuzwa si vahendera mwoyo avadaka navandu vaali nilienya mba.

Ezekieli 26:17

Valakamwimbiri lwimbu lwi lisioma yilu: Lidaala linene liamanyikana limali kudivizwa! Zimeri zialio zimali kutulizwa mu zinyanza. Avandu vi lidaala linene yili vamiiha kivala keveeye ahimbi ku inyanza, kandi vatihiza vosi avamenyi ahimbi ku inyanza.

Ezekieli 28:1

Yahova yamoloma ninzi.

Ezekieli 28:17

Waali ni liegingira kigira waali mundu wi ligondo lilahi ligali, kandi limanyikana liilio liakokola vindu kuli musiru. Kigira yaga, ndaakusiuva mu kivala kandi ningunaavula havulavu imbiri wa vami, vaduuki kokolola.

Ezekieli 28:9

Lwa vaza kukwita, ulazizagilira kovora oveeye nyasaye imbiri wavo? Si ulava nyasaye mba, navuzwa ulava mundu vuzwa imbiri wa yavo avakwita.

Ezekieli 29:3

Omolome kandi ovoole, ndi yaga nigo aga Yahova Wuvunyali avooreraa Mwami wa Egebeti: Inzi mbeeye musigu woovo, ivi ingwina enene, egonaa mumugera. Ivi ovola ndi mugera gwa Naili nugwange kandi ndagolomba.

Ezekieli 29:9

Kivala cha Egebeti nakitigale amang'anye. Maku numanyilizi ndi inzi mbeeye Yahova. “Kigira wavoola ndi mugera gwa Naili nugugwo, kandi ni ivi wagolomba,

Ezekieli 31:10

“Kulwayago, Inzi Yahova Wuvunyali, ndaamuvolera aga ziza kwekoleka ku musaala yigu, ugwavirukaa kali kuduuka mu malesi. Lwa gwaviruka nigutambiha, gwaali ni liegingira.

Danyeli 11:12

Alakekonye nukwigingira kigira vuguuti vwivwe kandi kigira kwiita vasikari vanyingi, navuzwa si alakazizagiliri kuva muguuti mba.

Danyeli 11:36

“Mwami wa Siria alakakole kuli aliyaanza. Alakigingiliri no kovora ndi oyo, aveeye munene kali kuvita munyasaye Wundi woosi, munene kali kuvita Nyasaye Wuvunyali. Alakave nuvunyari kokora ndio kuduuka lwi ing'inga iliduuka lwa Nyasaye alakahaane kuye mageri. Nyasaye alakakole kuli yamali kolohiza.

Danyeli 11:37

Mwami alakasuuli nyasaye wa vaguuga veve vaasigamira kandi nyasaye wa vakali vayaanza. Mu giligali, alakasuuli vuli nyasaye kigira alakaganagane ndi aveeye munene kuvita vanyasaye vosi.

Habakuk 2:4

Yaga nigo makuva zana: ‘Yavo avaveeye vadamanu, sivalakahononoke mba; navuzwa yavo avaveeye avalungi valakave mwoyo kigira vaveeye avasuuvirifu ku Nyasaye.’ ”

Zefania 2:15

Yaga nigo galiekoleka ku lidaala liu kwigingira kigira zinguru zialio, niliganagana ndi liveeye mu mirembe. Avandu vi lidaala yili vagagana ndi lidaala liavo liveeye linene ligali mu kivala. Lidaala yili lilakave havundu haveeye vuzwa, havundu hi zinyama ziu muvulimu zilakasosere! Vuli mundu woosi ulivitira ahimbi nalio alakegose nuvuti.

Zekaria 9:2

Hamazi, eveeye ku lwako na Hadiraki, liveeye lidaala lia Yahova lilakakalagilwi harara na madaala manene ga Tiro na Sidoni nu vusiza vwago vwosi.

Luka 14:9

naye wagenihiza munyi vombi alaza akovolere, ‘Haana vwiyangu ku uyu.’ Hene yaho ulava soni imbiri wa avandi kuvugura endeve yukumaliriza.

Kwidzulitsa 8:14

maku mulole ndi muvuli kwigingira, ma mwiviliri Yahova Nyasaye winyu uwamuleta kutura Egebeti uwamwaali avatugwa.

2 Vatesalonike 2:4

Alahing'ana na yivio viosi ivilangwa nyasaye, anoho viosi visigamirwa; na aliviika umwene kuva igulu wavio viosi. Alingira nu kwikala mu Litembeli lia Nyasaye, nu kwekola umwene ndi aveeye Nyasaye.

1 Petro 5:5

Kali munyi avasaza vang'erere gamuduukira mwegehizi ku vakulundu vinyu. Kandi munyi mwosi mwegehizi, muduuki kutumikirana aveene na aveene; Mang'oda Matakatifu gavoora, “Nyasaye ahingiraa navuzwa ayanziliraa vegehizi.”

Likunula 17:3

Kunangwa ndizulwa na Roho kandi engelosi yang'inga niyambira mu changalangwi. Ndaalora mukali niyikaye ku king'ang'a ichakanyu. King'ang'a yicho chaali chizuuyi amita go konyega Nyasaye, agang'odwa ku muviri gwacho gwosi. Iking'ang'a zana chaali ni mitwi saba kandi ni zinziga likomi.

Likunula 18:7

Kigira uvusaliri uvunyingi no ovovereri, kuli uvukumi ni lieyaanziza lia liehaanira iliene. Liamenya ni lievolera iliene: ‘Ku nzikaye hano, inzi mwamihi wi kikali! Simbeeye mukunzakali mba sindakamanyi ho ovovereri vutangiraa!’