Ezekieli 28:18 - KITABU KITAKATIFU

¹⁸ Wakola vwoni vunyingi mu likiranyia liilio, kandi niwononyia vuli havundu hukusigamira misambwa. Kulwayago ndaaleeta muliru kusamba lidaala linene lidodoka. Yavo vosi vamuhenza kalunu vamulola kuva ligoke.

Ezekieli 28:18 ပူးပေါင်းရင်းမြစ်များ

Isaya 66:16

Yahova alaleeta likalaga lilie liu muliru kandi alahaana amageri gi kivavi ku vandu vosi. Yavo ava Yahova aliita valava vanyingi.

Ezekieli 28:15

Ivi waali vugira imbara kutura ing'inga ya walombwa, kuduuka lwa wataanga kokora uvudamanu.

Ezekieli 28:16

Mu vunyingi vwi likiranyia liilio, yaga gakokola kuva ni kirage kandi kokora uvwoni. Kulwayago, ndaakuniga kutura mu kiguru change kitakatifu, kandi engelosi yakulinda yaakukunga kutura hagati ha magina gu muliru.

Ezekieli 28:2

Yavoola, “Mwana wu Mundu, ovoolere mwamihi wa Tiro aga Inzi Yahova Wuvunyali mboraa kuye: Oveeye ni liegingira mu mwoyo gwugwo, wevoola ndi oveeye munyasaye. Ovola ndi wikala kondeve yu vwami kuli munyasaye, hagati hi zinyanza. Unyala kwevoora kuva mugeri kuli mu nyasaye, navuzwa si oveeye mu nyasaye mba, oveeye mundu vuzwa.

Ezekieli 5:4

Kandi uvuguli liisu lindi likekeeke ulisiuvi mu muliru na liduuki kuhia. Kutura mulio muliru gulalanda kuzia ku ihiiri yoosi ya Isiraeli.”

Amosi 1:14

Kunangwa ndatuma muliru ku madiji gi lidaala linene lia Raba na gulasamba zimbinga zialio. Lirira linene lilavaho mu madiku gu vulwani ni lifuliana kuli kihuzuzi.

Amosi 2:2

Kunangwa ndatuma muliru ku kivala cha Moabu na gulasamba zimbinga zia Keriozi. Avandu vi kivala cha Moabu valakuzira mu liyoga liu muliviti gwu vulwani na vasikari valakuba lwanga na visiliva.

Amosi 2:5

Kunangwa ndatuma muliru ku Ivuyuda na ndasamba zimbinga zie lidaala linene lia Jerusalemi.”

Zekaria 9:4

Navuzwa Yahova alakavuguri viosi viveeye mulio. Alasiuva vutugi vwalio munyanza kandi lilakasambwe kuduuka kumalova.

Malaki 4:3

Ku lidiku lia ndikola yaga mulakaguuti avandu vachamu kandi valakave kuli luguchi isi wi vilenge vienyu.

Marko 8:36

Ni vukala ki umundu anyoore lirova liosi, navuzwa agotizi livamwoyo lilie?

2 Petro 2:6

Nyasaye yakalagira amadara ga Sodoma na Gomora, kandi yaagadiviza nu muliru naagakora kelolero kiliekoleka ku yavo avatamanyi Nyasaye.

Likunula 18:8

Kigira yaga, alakahaane amaduywa lidiku lilala, agaveeye uvulwaye, likuza, ni liverera, ninzara. Kandi alasaambwa nu muliru ligali; kigira umukalagiraa ni Umwami Nyasaye, niyie oveeye ni zinguru.”

Vakalagi 9:15

Ulutavati lwavoolera imisaala, ‘Niiva mwenya Inzi mwamihi, nyenya munyi muuzi kwigama muchiriri change. Nigataveeye ndio, umuliru gwaduki mu lutavati lwange kandi gusambe imidalangwa ja Lebanoni.’

Vakalagi 9:20

Navuzwa nigataveeye ndio, umuliru gwake kutura mu Abimeleki na gusambe avandu va Shekemu harara na Bezimilo; Bezimilo gusambe Abimeleki.”