Ezekieli 28:13 - KITABU KITAKATIFU

¹³ Ivi wamenyaa mu Edeni, mulimi gwa Nyasaye. Wiviika zinguvu zing'ano zinyingi ziu vuguli vudinyu; zinzakanyu, zia topazi, zie limasi, zie berulo, zie Sokamu, zie jasipi, zie safiro, zio vong'orang'ore, zie Saridoniki kandi zie zahabu. Zinguvu yizi zialomberwa ivi ku lidiku lia walombwa.

Ezekieli 28:13 ပူးပေါင်းရင်းမြစ်များ

Litanga 13:10

Loti yahenza muzimbega ziosi kandi nalora livona liosi lia Jorodani kutura Zohari liali na mazi manyingi kuli mulimi gwa Yahova anoho kuli kivala cha Egebeti. Yaga gaali imbiri wa Yahova yaali nakikiri kudiviza madaala manene ga Sodoma na Gomora.

Litanga 2:8

Maku Yahova Nyasaye yalomba mulimi gwa Edeni, kolovega lwi Ivugwi uwene yeyo yavika mu umundu wa yaali naalombi.

Ayubu 28:19

Etopazi ya Ezopia sinyala koleng'anywa kuvwo mba. Kandi uvuguli vwavwo sivunyala koleng'anywa ku vuguli vwi izahabu isiyiiywi mba.

Isaya 14:11

Ivi Waali ni wahevwa luyali ligali harara ni zinyimbu ziuvukana zia wimbaa, navuzwa kalunu oveeye harara ni kunyi mu kihadisi. Ogoni ku kidali chi zing'ende kandi umali kukunikwa nu muling'eti gwi zing'ende.’

Isaya 23:16

“Ivi Mulaya mudaka wiviriywi! Vugula uvukana, uzie mu lidaala linene, ukubi uvukana kandi wimbi zinyimbu kunangwa uduuki kwizulizwa kandi.”

Isaya 24:8

zinyimbu ziuvusangali ziuvukana kandi zie zindumba zikiring'ani.

Isaya 30:32

Lwa Yahova ahaanaa amageri ku vandu va Asiria vuli ing'inga, avandu veve valimba zinyimbu nu kukuba zindumba nu vukana. Nyasaye mwene alwaana avandu va Asiria.

Isaya 51:3

Inzi Yahova, “Ndaleminya Jerusalemi mwoyo. Kandi ndaleminya mwoyo yavo vosi avamenyaa mu mang'anye galio. Kali niiva kivala chalio keveeye ichangalangwe, ndakekola keve mulimi kuli gwa Edeni ugwa ndataaga. Uvuyanzi nuvusangali vilava yo, kandi zinyimbu zieliizominya kandi lisandiza ziliimbwa ku inzi.

Ezekieli 21:30

“ ‘Viika kivavi muchura cha cho! Inzi ndamukalagira havundu hamwivulirwa, kandi mu kivala cha vaguuga viinyu.

Ezekieli 26:13

Ndaheriza zinyimbu zienyu zieliyoga, kandi zinyimbu zienyu ziuvukana; si zilahulirika kandi mba.

Ezekieli 27:16

Avandu va Edomu vaakora likiranyia ni munyi kigira uvutugi vwinyu vunyingi. Vaamugulizira zinguvu ziu vulidadi vwi mizambarao, zinguvu ziu vong'orang'ore, zikatani zindahi ligali, na magina makanyu guvuguli. Vaamugulizira kigira vutugi vwinyu.

Ezekieli 27:22

Avandu va Sheba na Rama vakiranyia ni munyi. Mwagulana navo ku viosi vifunya mwayu mulahi ligali, amagina goosi guvuguli uvudinyu ligali, kandi izahabu.

Ezekieli 28:14

Ndaatovora engelosi yukutihiza ningekola kuva mulindi woovo, wamenya ku Kiguru change kitakatifu. Kandi wagenda hagati ha magina gu muliru.

Ezekieli 28:15

Ivi waali vugira imbara kutura ing'inga ya walombwa, kuduuka lwa wataanga kokora uvudamanu.

Ezekieli 36:35

Avandu yava valakavoole ndi, ‘Kivala yiki ichaali nichatigala hazwa, kalunu kimali kugwa kuli mulimi gwa Edeni. Amadara gaali nigaatigala mang'anye, kandi gadivizwa, kalunu avandu vamenyi mu kandi gumbakiywi zimbinga.’

Joeli 2:3

Ziliizaa vitagwa kuli muliru. Imbiri wazio kivala keveeye kuli mulimi gwa Edeni, navuzwa inyima wazio keveeye ichangalangwi kigumba. Sikeveho kinyala kohononoka mba.

Likunula 17:4

Umukali oyo yaali niyiviiki inguvu yi ligondo liu muzambarao kandi inzakanyu. Yaali niyiisiahi ni zahabu, kandi amagina amalahi guvuguli. Yaali ne kekombe chi zahabu mu mukono gwigwe ni chizuuyi vuvihilirizi kandi ovoheyi vwivwe.

Likunula 2:7

“Oyo oveeye nu gutu, ahuliri aga Roho avolera amakanisa! “Uyu ugutaa, ndamuha uvunyali aduuki kulia amakuyu gu musaala gwi livamwoyo, ogoveeye mu mulimi gwa Nyasaye.