Ezekieli 28:10 - KITABU KITAKATIFU

¹⁰ Ulakitwi kuli imbwa navageni vataveeye avasuuvirifu. Inzi Yahova Wuvunyali, mali kovora.”

Ezekieli 28:10 ပူးပေါင်းရင်းမြစ်များ

Jeremia 25:9

‘Ndatuma na avandu vosi kutura Ivaale harara nu mutumikiri wange, mwami Nebukadineza wa Babiloni. Valaza kulwaana avandu vi Ivuyuda, harara ni zihiiri ziosi ziveeye ahimbi. Ndadiviza ihiiri yiyi harara ni zihiiri zindi zimenyi ahimbi nayo, na zilatigala hazwa, kilava kindu chokogenyia kandi chukutiihiza ligali mihiga ni mihiga. Inzi Yahova mali kovora.

Jeremia 6:10

Inzi ndaativura, “Ivwaha unyala kuhulira inzi niiva ndamoloma kuvo nukuviganihiza? Vaveeye avahindagirizi kandi vasuura kuhulira amakuva googo; vasekeriza aga ombolela mbavoolere.

Ezekieli 11:9

Ndamuvugura kutura mu lidaala linene nukumuhira kuvageni. Inzi mali kumukalagira likuza,

Ezekieli 28:11

Yahova yamoloma ninzi kandi.

Ezekieli 28:7

Ndaleta avasigu vukutihiza kuza kukwingilira. Valakulwaana nukwononyia vindu vivio vilahi via wanyoola novogeri vuvwo, kandi nuvutugi vuvwo vwosi.

Ezekieli 28:9

Lwa vaza kukwita, ulazizagilira kovora oveeye nyasaye imbiri wavo? Si ulava nyasaye mba, navuzwa ulava mundu vuzwa imbiri wa yavo avakwita.

Ezekieli 31:18

“Musaala yigu goveeye kuli mwami wa Egebeti harara na vandu veve vosi. Si jiveeye ho misaala mu Edeni jiveeye mitambi kandi jukuyaanziza mba. Navuzwa kalunu, alazia mu kivala cha vakuzu kuli misaala ja Edeni. Alakahambane harara na yavo avataveeye avasuuvirifu kandi yavo aviitirwa mu vulwani. Inzi Yahova Wuvunyali mali kovora.”

Ezekieli 32:19

Uvavoolere: “Muganaganaa muveeye avandu vi ligondo lilahi ligali kuvita mundu wundi woosi? Mulazia hasi mu kivala cha vakuzu kogona harara na vandu vataveeye avasuuvirifu.

Ezekieli 32:21

Avanene vi zinguru harara na vimiliri va Egebeti valakavagenihizi mu kivala cha vakuzu. Valakahanzuki: ‘Avandu vataveeye avasuuvirifu, aviitirwa mu vulwani vamali kuduuka hano, mbava vaagoni hano!’

Ezekieli 44:7

Vamali kwonogonyia Litembeli liange, nokoleka avageni vataveeye avasuuvirifu, avandu vavura kutia kwingira mulio lwahaana vindu vinolu kandi amasahi gi visiuviliru ku inzi. Kunangwa avandu vange vamali kuvunaga lilagana liange mulikola vindu viosi viu kuvihiliriza.

Ezekieli 44:9

“Kulwayago, Inzi Yahova Wuvunyali mboraa ndi, sialavaho mundu kali mulala utaveeye musuuvirifu omenyi hagati ha vandu va Isiraeli, anoho avulaho mundu kali mulala utatiza inzi, ulingila mu Litembeli liange mba.”

Kyavalevi 26:41

Kandi nivangola kuvagirung'ana kandi kuvahila vazie mu kivala cha avasigu vaavo. Mu limalirika, lwi visukululwi vienyu viagehizwa kandi ni vamali kukindukizwa kigira uvwoni vwavo, kandi liebaala.

Yohana 8:24

Yiki nicho kivuni chagira nimuvoolera ndi, mulakakuziri mu vwoni vwinyu. Mulakakuziri mu vwoni vwinyu niiva si musuuviraa ndi ‘Inzi mbeeye wa inzi mbeeye.’ ”

Vikolwa 7:51

Sitefano yaazizagilira kovora “Munyi ava amagoti gadinya! Mioyo jinyu na amatu ginyu gaveeye kuli aga yavo avatamanyi Nyasaye. Munyi muveeye kuli avaguuga vinyu: Munyi kandi muhingiraa Roho Mutakatifu amadiku goosi.

Vafilipi 3:3

Avandu vakevwa mugiligali ni kunyi kigira ni kunyi avasigamiraa Nyasaye mu Roho kandi avakusangalaa mu ilihambanywa lietu ku Kristo Yeso. Kandi kunyi sikuviikaa ilisuuvira mu likevwa mba.

1 Samweli 17:26

Daudi yateeva vasaza vaali nivaveeye ahimbi naye, “Musaza uva niyiita mundu Mufilisitia uyu nokovoholola Isiraeli kutura mu zisoni yizi alahevwaki? Kali ndio nivwaha, Mufilisitia musiindi uyu olegeriza liihi lia Nyasaye oveeye mwoyo?”

1 Samweli 17:36

Inzi, mutumikiri woovo ndayita ving'ang'a kandi ni zidubu, kandi ndakora malala mere ku Mufilisitia musiindi uyu, umali konyega liihi lia Nyasaye, oveeye mwoyo.