Ezekieli 27:30 - KITABU KITAKATIFU

³⁰ Vosi vasioma vululu kigira munyi, vuhulanyia luguchi ku mitwi jiavo, kandi nivagalagala mu ligoke.

Ezekieli 27:30 ပူးပေါင်းရင်းမြစ်များ

2 Samweli 1:2

Lidiku lialonda ku, umusoleri mulala yaduuka kutura mu hokososa ha Saolo. Kumanyia ovovereri vwivwe, yaali naatanduyi zinguvu kandi naviiki marova ku mutwi gwigwe. Yazia ku Daudi nasigama hasi kumuha uluyali lonene.

Ayubu 2:12

Lwa vaali nivaveeye ahimbi kuduuka, valora Ayubu, navuzwa sivamumanyiriza mba. Navuzwa lwa vamumanyiriza, vatanga kukuba zikwiri ni valira, kandi vataandula zinguvu ziavo muvovereri, ni vaduuminya luguchi igulu ku mitwi jaavo.

Ayubu 2:8

Ayubu yazia niyikara mu ligoke, navugura kijonjo natanga kwiyagira.

Ayubu 42:6

Kunangwa, inzi mbeeye nizisoni ku goosi aga inzi mali kovora, kandi nzivakaa luguchi ni ligoke ukumanyia lieganira liange.”

Jeremia 25:34

Muliri, munyi aviimiliri, munyi aviimiliri va avandu vange, mukubi zikwiri vudinyu! Musiome kandi mugalagale mu luguchi. Ing'inga imali kuduuka kumunyi kusinzwa kuli amagondi amamigu.

Jeremia 6:26

Yahova avooreraa avandu veve, “Mwiviki zinguvu ziamagunia na mugalagale muligoke. Musiome vululu kuli unyala kusioma mwana muderwa, kigira oyo uzaa kudiviza munyi nonoho alamwingiira.

Lisyoma lya Jeremia 2:10

Avakulundu va Ziyoni viikara hasi ni vachiring'ani machiriri, niviiyuhiyi uluguchi ku mitwi jaavo kandi viviki zinguvu zia magunia. Avakaana va Jerusalemi vinaminyi mitwi jaavo hasi.

Ezekieli 26:17

Valakamwimbiri lwimbu lwi lisioma yilu: Lidaala linene liamanyikana limali kudivizwa! Zimeri zialio zimali kutulizwa mu zinyanza. Avandu vi lidaala linene yili vamiiha kivala keveeye ahimbi ku inyanza, kandi vatihiza vosi avamenyi ahimbi ku inyanza.

Jona 3:6

Lwu mwami wa Nineve yahulira goosi agaali nigekolekaa, yatura kondeve yu vwami, natuliza iganza yeye yu vwami, ni yiviika zinguvu ziamagunia, ma niyikara mu ligoke.

Mika 1:10

Mutavoolera avasigu vitu mu Gazi kigira liguutwa lietu mba; mutaleka valore lirira lienyu mba. Avandu va Bezi Leafara, mugalagale mu luguchi kumanyia vodedekere vwinyu!

1 Samweli 4:12

Mundu kutura mu ihiiri ya Benjamini yanyagula kutura mu kiguti chuvulwaani kuduuka Shilo naduuka yo lidiku liene yilio. Kumanyia ovovereri vwivwe yaali naatanduyi zinguvu zizie kandi naavaki vodohi ku mutwi gwigwe.