Ezekieli 27:16 - KITABU KITAKATIFU

¹⁶ Avandu va Edomu vaakora likiranyia ni munyi kigira uvutugi vwinyu vunyingi. Vaamugulizira zinguvu ziu vulidadi vwi mizambarao, zinguvu ziu vong'orang'ore, zikatani zindahi ligali, na magina makanyu guvuguli. Vaamugulizira kigira vutugi vwinyu.

Ezekieli 27:16 ပူးပေါင်းရင်းမြစ်များ

Litanga 10:22

Avayaayi va Shemu vaali, Elamu, Ashuri, Aripakishadi Ludi na Aramu.

Litanga 28:5

Isaka yatuma Yakobo kuzia Mesopotamia wa Labani, uwaali muyaayi wa Bezueli kutura mukivala cha Arameyani. Labani yaali mbozo Rabeka, uwaali mama Yakobo na Esau.

2 Samweli 10:6

Avandu va Amoni vamanya ndi vamali kokora Daudi kuva musigu wavo, kunangwa vatuungaa avasikari vuvulwani zielefu sirini va vandu va Siria kutura Bezirehobu na Zoba avasaza vu vulwani zielefu likomi na vaviri kutura Tobu, kandi mwami wa Maaka na avasaza elefu ndala kuvalwanira.

2 Samweli 15:8

Lwa ndaali ningemenyi mu Geshuru mu Siria, Ndasuuviriza Yahova ndi niiva alanziranyia mu Jerusalemi, ndakamusigamihi mu Heburoni.”

2 Samweli 8:5

Lwa vandu va Siria na Damasiko vaatuma liihi kuzia kokoonya Hadadezeri mwami wa Zobahi, Daudi yavingilira niyiita avasaza zielefu sirini na mbiri.

Ezekieli 16:10

Ndaamuvika zigaanza ziamangilinya kandi nimuviika vilato viekeselo kilahi, igudwa yikatani kumutwi ni inguvu indahi yuvwoya.

Ezekieli 16:13

Mwisiaha viuma vie ifeza nizahabu kandi mwivika vuli ing'inga zinguvu ziamangilinya gi katani kandi zindahi ligali. Mwalia mugadi gwalombwa kutura ku vusie vulahi ligali. Mwaakomba uvwuki namaguta gamuzeituni. Uvulahi vwinyu vwang'ereng'ana kandi nimuduuka kuliiva liu Mwami wikikali.

Ezekieli 16:18

Mwavugula zinguvu zienyu ziamangilinya ziandamuha nimuviika ku vifananyi, nimuhaana ku ivisiuviliru yivio maguta gange nivifunya mwayu gandaali nimuheye.

Ezekieli 16:57

kandi inyima wi zimbi ziamwali nimwakola nizikikiri kulang'aminywa? Kalunu muveeye vuzwa kuli yavo; kehenyahenye ku vandu va Edomu, avandu va Filisitia, kandi navatende vinyu vandi ava muvihilira.

Ezekieli 28:13

Ivi wamenyaa mu Edeni, mulimi gwa Nyasaye. Wiviika zinguvu zing'ano zinyingi ziu vuguli vudinyu; zinzakanyu, zia topazi, zie limasi, zie berulo, zie Sokamu, zie jasipi, zie safiro, zio vong'orang'ore, zie Saridoniki kandi zie zahabu. Zinguvu yizi zialomberwa ivi ku lidiku lia walombwa.

Vakalagi 10:6

Avandu va Isiraeli vaakora uvwoni imbiri wa Yahova lwa vasigamira vanyasaye va Baali kandi Asitate, harara na vanyasaye va Sidoni, Moabu, Amoni na vanyasaye va Filisitia. Vivilira Yahova nivaleka kumusigamira.