Ezekieli 27:12 - KITABU KITAKATIFU

¹² “Avandu va Tarishishi vaakora likiranyia ni munyi kigira mwaali nu vutugi vunyingi ligali. Vaakora likiranyia lie ifeza, kivia, libati kandi lisasi ku mitungu ju vutugi vwinyu.

Ezekieli 27:12 ပူးပေါင်းရင်းမြစ်များ

Litanga 10:4

Visukululwi via Javani viali avandu va Elisha, Sipeini, Saipurasi na Rode.

1 Avami 10:22

Solomoni yaali ni zimeri kunyanza Nene harara nizimeli zia Huramu. Vuli mihiga jivaga zimeri zizie ziranaa nizileeta izahabu, ifeza, amiinu gizinzogu, zingugi nivikondo.

1 Avami 22:48

Mwami Jehoshafati yalomba zimeri zie viasara kuzia mu kivala cha Ofura koleta izahabu, navuzwa sizielema kuduuka yo mba - ziavunanyirwa ha Ezionigeberi.

2 Kyetsinyinga 9:21

Mwami Solomoni yaali nizimeli ziukwelema ku nyanza enene, kandi zielemaa harara ni zimeri ziu mwami Huramu. Vuli mihiga 3 zimeri zizie ziranaa ni ziletaa izahabu, ifeza, amiinu gi zinzogu, zingugi ni vikondo.

Zaburi 72:10

Avami va Sipeini na vivisulu valamuha vihaanwa; avami va Sheba na Seba valamuleetera vihaanwa.

Isaya 2:16

Yahova alakakole zimeri ziosi zinene zia Tarishishi kandi ziveeye zindahi ligali kwiyina mu mazi.

Isaya 23:10

O, munyi avandu va Tarishishi; mwizuli mu kivala kuli mugera gwa Naili, kigira sihaveeye ho nu mundu unyala kumukinga kandi mba.

Isaya 23:14

O, munyi aveelemi va amato ga Tarishishi, musiome, kigira zimbinga zie Lidaala lienyu linene zimali kwononywa.

Isaya 23:6

Munyi avandu vamenyi muvisuru vie inyanza, mukubi zikwiri ni liverera! Mugerizi mwirukiri mu lidaala lia Tarishishi!

Isaya 60:9

Vaveeye kuli zimeri zia Tarishishi izitulaa mu visulu vie inyanza, ziletaa avandu va Nyasaye kutura muvivala vie ihale. Valaleta ifeza kandi izahabu kuhaana luyali ku lieta lia Yahova, Nyasaye Mutakatifu wa Isiraeli, uwa lomba zihiiri ziosi kuhaana uluyali ku vandu veve.

Jeremia 10:9

Ivifananyi viavo viakunikwa ni ifeza kutura mu kivala cha Sipeini, kandi viakunikwa nizahabu kutura Ufazi, miyinzi yijio jiosi ni jumusiza; vivikwa zinguvu zie irangi isahiriru kandi yumuzambarau ziinaviywi navasiza.

Ezekieli 27:11

Avasikari kutura Arivadi kandi Haleki vaalinda madigi ginyu, kandi avasaza kutura Gamadi vaalinda minaara jienyu. Vaasunga zinguva ziavo ku madigi ginyu. Vaali avasaza vamukola kuva avalahi ligali.

Ezekieli 27:13

Avandu va Javani, Tubali na Mesheki vaakora likiranyia ni munyi. Vaaguliza vandu kuli avahambe kandi viju viu mugasa mu likiranyia liavo.

Ezekieli 27:16

Avandu va Edomu vaakora likiranyia ni munyi kigira uvutugi vwinyu vunyingi. Vaamugulizira zinguvu ziu vulidadi vwi mizambarao, zinguvu ziu vong'orang'ore, zikatani zindahi ligali, na magina makanyu guvuguli. Vaamugulizira kigira vutugi vwinyu.

Ezekieli 27:18

Avandu va Damasiko vaakora likiranyia ni munyi kigira vutugi vwinyu uvunyingi ligali. Vaamugulizira Iwaini kutura Heliboni kandi uvwoya uvulavu kutura Zahari.

Ezekieli 27:33

Lwa viukukiranyia vienyu viazia kuduuka muvivala viengeleka wi inyanza, mwigutizaa zihiiri zinyingi, Avami vaagwa avatugi kigira uvuhinda vwi vindu vienyu.

Ezekieli 28:16

Mu vunyingi vwi likiranyia liilio, yaga gakokola kuva ni kirage kandi kokora uvwoni. Kulwayago, ndaakuniga kutura mu kiguru change kitakatifu, kandi engelosi yakulinda yaakukunga kutura hagati ha magina gu muliru.

Ezekieli 28:5

Wameeda uvutugi vuvwo kigira ovogeri ovonene vwi limanya mu likiranyia. Oveeye ni liegingira, kigira uvutugi vuvwo uvunyingi!

Ezekieli 38:13

Avandu va Sheba na Dedani kandi avakiranyi kutura mu madaala ga Sipeini, navakoteeve ndi, ‘Ivi umali kuvungiza liihi liilio nu kwingilira kuduuka ulanye? Uganagana konyoora izahabu, ifeza, mitugu kandi miandu nu kuzia navio viosi?’ ”

Jona 1:3

Navuzwa Jona yiruka kutura ku Yahova nazia Tarishishi. Yasulunguta kuzia Jopa, uwa yanyoora iliato iliali nilizizaa Tarishishi. Yahaana mitungu jije ma naniina harara na vavinziri yu muliato yilio kuzia Tarishishi, niyiruka kutura ku Yahova.

Likunula 18:12

Sihaveeyeho nu mundu ugula ivindu vie zahabu, ni viefeza, nivia magina malahi guvuguli mba. Ivindu viavo vie zinguvu zie katani indahi, ni vie zinguvu zinzesereru, ni vie zinzakanyu, kandi ivindu viavazwa vie misaala josi jifunya umwayu kandi iviju viosi vialombwa ku amiinu gi zinzogu, kandi iviju viosi nu musaala mulahi gwu vuguli ligali, ni viumugasa, ni viekivia, ni viamarimari,