Ezekieli 26:3 - KITABU KITAKATIFU

³ “Kalunu yaga nigo aga Inzi, Mwami Munene Yahova, mboraa: munyi avandu va Tiro, Inzi mbeeye musigu winyu. Ndaleta zihiiri zinyingi kumwingilira, kandi zilaza kuli viguvuli vie inyanza.

Ezekieli 26:3 ပူးပေါင်းရင်းမြစ်များ

Zaburi 107:25

Yahova yahaana lilaga, kandi imbuza enene yaatanga kuhuuza ni induta enene ligali, kandi viguvuli nivitanga kwinuuya.

Isaya 5:30

Lwa lidiku yilio liliduuka, zilahumira Isiraeli vudinyu ligali kuli lihuma lie inyanza eveeye nu vutima. Henza ku kivala yiki! Kisundi ni kivi! Uvulavu vukunikiywi ni kisundi.

Jeremia 21:13

Munyi avandu va Jerusalemi mwikalaanga hadiguluku hilivona, kuli lwanda lusingilanga igulu mukeleremo. Navuzwa ndalwana ni munyi. Munyi muvolaanga ndi siaveeyeho umundu kali mulala unyala kumwingilira anoho unyala kuvunanyia likingwa lienyu mba.

Jeremia 25:22

Avami vosi va Tiro, Sidoni kandi na avami vosi vi visulu viveeye mu inyanza ya Meditareniani,

Jeremia 50:31

“Munyi avandu va Babiloni muveeye niliegingira, kunangwa Inzi, Mwami munene Yahova Wuvunyali mali kumudunyira! Ing'inga imali kuduuka ya inzi namuhe mageri.

Jeremia 50:42

Vamali kuvugura uvuta vwavo nivivavi; vaveeye avalulu kandi vugira zimbavasi. Vahulirika kuli inyanza ihuuma, lwa vahiraa zibarasi ziavo. Vaveeye avetegeke kulwaana vandu va Babiloni.

Jeremia 51:42

Inyanza imali kusunduka mu Babiloni kandi igikuniki kuli iviguvuli vihuumaa.

Jeremia 6:23

Vavuguyi uvuta na amatimu; vaveeye avalulu kandi sivaveeye nizimbavasi mba. Vahulirika kuli inyanza ihuuma lwahiraa zibarasi ziavo. Vazaa kuli avasaza muliihi nivalohizi kwingiira munyi, O, avandu va Jerusalemi.”

Ezekieli 21:3

ndi Inzi, Yahova, mboraa: Inzi mbeeye musigu winyu. Inzi ndasomola kivavi change mu chura chacho nu kwita munyi mwosi, avalahi navadamanu harara.

Ezekieli 26:19

Yahova Wuvunyali avoora: “Ndakamukole hazwa kuli lidaala liveeye mang'anye wumundu atamenyi. Ndakamukuniki na mazi gu mululiva lwinyanza.

Ezekieli 27:26

Avandu vinyu vi mivango ja maato vamuhira kuzia munyanza, Imbuza yu kudiviza kutura Ivugwi imali kumudivizira hagati hinyanza.

Ezekieli 28:22

Ovoolere avandu mu lidaala yilio ndi, Inzi Yahova Wuvunyali mboraa yaga kuvo: Mbeeye musigu winyu, avandu va Sidoni; avandu vandi valanzizominya kigira agaamali kokora ku munyi. Valamanya ndi Inzi mbeeye Yahova, lwa manyia kuli mbeeye mutakatifu mu lihaana mageri ku yavo avamenyaa hagati hinyu.

Ezekieli 29:10

Inzi mbeeye musigu woovo kandi musigu wumugera gwa Naili. Ndakora kivala cha Egebeti choosi kuva mang'anye, kutura ku lidaala linene lia Migidoli ku lovega lwa Ivaale kuduuka ku lidaala linene lia Aswani kulovega lwi Isavaalu, kuduuka ku zinzako zia Ezopia.

Ezekieli 38:3

kandi umuvolere ndi Inzi, Yahova Wuvunyali, mbeeye musigu weve.

Ezekieli 5:8

Kulwayago, Inzi Mwami Munene Yahova muvooleraa ndi, mbeeye musigu winyu. Ndahaana likalaga ku munyi imbiri wi zihiiri ziosi.

Mika 4:11

Zihiiri zinyingi zievungikizi ku mwingiliraa. Zivoolaa, “Lidaala linene lia Jerusalemi kuduuka liduuki kudivizwa! Kulalola lidaala linene yili ni ligwiyi amang'anye!”

Nahum 2:12

Isimba isaza yitaa inyama yayo, ma itandulanya mu vidonye, ma igavulira zisimba zingali harara na vana vayo. Yizuliza luhangaywa lwayo ni vidonye vie zinyama.

Nahum 3:5

Yahova Wuvunyali avoora, “Ndakahaane mageri ku munyi avandu va Nineve, ndakamunavuuli na ndakaleke zihiiri zilole viahonyo vienyu mu zisoni.

Zekaria 14:2

Yahova alakaleete zihiiri ziosi harara kulwaana Jerusalemi. Lidaala linene yili lilakavugulwi, zinyumba zialio zilakalanywe, na vandu vasaza valakonogonye vakali. Inusu ya vandu vamenyi mu valakazie mu vuhaambe, navuzwa valitigala sivalakatulizwi mu lidaala linene mba.

Zekaria 9:4

Navuzwa Yahova alakavuguri viosi viveeye mulio. Alasiuva vutugi vwalio munyanza kandi lilakasambwe kuduuka kumalova.

Luka 21:25

“Vilakave ho ivilolekizu viokogenyia ku liuva, ku mweli kandi ku zing'ereng'ani ku lirova; avandu muvivala viosi valakuza mioyo; nivatizaa umufumu gwi inyanza kandi vutima vwi viguvuli vinene vienyanza.