Ezekieli 26:13 - KITABU KITAKATIFU

¹³ Ndaheriza zinyimbu zienyu zieliyoga, kandi zinyimbu zienyu ziuvukana; si zilahulirika kandi mba.

Ezekieli 26:13 ပူးပေါင်းရင်းမြစ်များ

Zaburi 137:2

Kwasunga uvukana vwitu ku misaala ji kivala yicho.

Isaya 14:11

Ivi Waali ni wahevwa luyali ligali harara ni zinyimbu ziuvukana zia wimbaa, navuzwa kalunu oveeye harara ni kunyi mu kihadisi. Ogoni ku kidali chi zing'ende kandi umali kukunikwa nu muling'eti gwi zing'ende.’

Isaya 22:2

Avandu vi lidaala linene liosi vaveeye ni lihanzuka kandi liyoga liu vusangali vonene. Avasaza vinyu vakuzira mu vulwani yivu sivakuza nivalwana mba.

Isaya 23:12

Avandu vi lidaala linene lia Sidoni vuyanzi vwinyu vokoti, na vandu vinyu vaveeye mu lidambizwa. Kali niiva valirukira mu kivala cha Saipurasi, si valanyora vosoosi mba.

Isaya 23:16

“Ivi Mulaya mudaka wiviriywi! Vugula uvukana, uzie mu lidaala linene, ukubi uvukana kandi wimbi zinyimbu kunangwa uduuki kwizulizwa kandi.”

Isaya 23:7

Yili linyala kuva lidaala linene lia Tiro liu vusangali, lianyoreka mu madiku gakale? Yili ni lidaala linene lia avandu valio vaambuka inyanza kuzia kolomba ovomenyo muvivala vindi vie ihale?

Isaya 5:12

Mu lilia lienyu musangalaa nimukuba uvukana, amadungu, amarere, kandi zisugudi, kandi ni munwa iwaini. Navuzwa simuveeye ni limanyiriza miyinzi ja Yahova Nyasaye akola mba.

Jeremia 16:9

Hulira aga inzi, Yahova Wuvunyali, Nyasaye wavandu va Isiraeli mbora. Inzi ndaheriza uvusangari kandi uvuyanzi vwa oyo osererwa kandi osereraa. Avandu hano valakave mwoyo kolola yaga kwekoleka.

Jeremia 25:10

Ndatuliza kuvo uvusangari kandi uvuyanzi vwa yavo osererwa kandi osereraa, kandi uvulavu kuli vwi itaya vulatula kuvo harara ni viukulia.

Jeremia 7:34

Kivala yiki kilagwa ichangalangwe. Mu madaala amanene gi Ivuyuda kandi mu zinzira zia Jerusalemi, ndaheriza uvusangari kandi uvuyanzi vwa oyo osererwa kandi osereranga.

Ezekieli 28:13

Ivi wamenyaa mu Edeni, mulimi gwa Nyasaye. Wiviika zinguvu zing'ano zinyingi ziu vuguli vudinyu; zinzakanyu, zia topazi, zie limasi, zie berulo, zie Sokamu, zie jasipi, zie safiro, zio vong'orang'ore, zie Saridoniki kandi zie zahabu. Zinguvu yizi zialomberwa ivi ku lidiku lia walombwa.

Hosea 2:11

Ndaheriza lisangala lilie liosi, masavo gu mweli muhia kandi masabato geege goosi, kandi mavugano geege gidiini.