Ezekieli 25:7 - KITABU KITAKATIFU

⁷ Kigira mwakora ndio, ndamuviiki muvunyali vwi zihiiri zindi iziaza zimunuuli kandi zimulanye. Ndamudiviza ligali kuduuka; si namuve ihiiri kandi mba, anoho si namuve kandi ni kivala chiinyu aveene mba. Maku namumanye ndi inzi mbeeye Yahova.”

Ezekieli 25:7 ပူးပေါင်းရင်းမြစ်များ

Isaya 33:4

Kunyi kwingiliraa avasigu viitu kuli kekoonya chi zisigi; kunyi kuvuguraa ivindu viavo viosi.

Jeremia 49:2

Navuzwa ing'inga yiza lwa nangore avandu vi lidaala linene lia Raba kuhulira liyoga liu vulwani, kandi lilava hazwa na amadara gayo galasambwa. Maku avandu va Isiraeli valavugula kivala chavo kutura ku avandu vaali nivakivugura.

Lisyoma lya Jeremia 1:14

“Yahova yaamanyiriza uvwoni vwitu ma navuviika harara yaavusunga mu magoti giitu vwali vuliduhu ku kunyi ligali kandi nikuva vadedekere kigira vuliduhu. Yakuviika mu makono ga vasigu viitu avaari nizinguru ligali.

Ezekieli 14:9

“Niiva muporofeti alagadwa nu kumoloma makuva gataveeye gagiligali, gaveeye kigira Inzi Yahova mali kumugada. Ndahaana mageri kuye kandi Ndamutuliza hagati ha vandu vange Isiraeli, kunangwa muduuki kumanya ndi mbeeye Yahova.

Ezekieli 21:31

Vutima vwange vululu vulamusaliriza kuli muliru. Ndakuvika mu makono gavandu valulu avamanya kudiviza ligali.

Ezekieli 21:32

Muliru gulamudiviza. Ndamwitira mu kivala chiinyu aveene, umundu kali mulala sinamwizulizi kandi mba.’ ” Yahova umali kovora.

Ezekieli 25:10

Ndakaleke zihiiri zie changalangwi chi Ivugwi kuguuta vandu va Moabu, harara na vandu va Amoni, kunangwa vandu va Moabu si navave ihiiri kandi mba.

Ezekieli 25:13

Kalunu nandizaa ndi, ndahaana mageri ku vandu va Edomu, kandi ndiita vuli mundu nizinyama. Ndakora Edomu kuva mang'anye kutura mu lidaala lia Temani kuduuka mu lidaala lia Dedani, kandi avandu valitirwa mu liihi.

Ezekieli 25:16

Inzi nandizaa ndi, ndingilira vandu va Filisitia nukuvadiviza. Ndadiviza vuli mundu uwatigala kukisulu chinyanza.

Ezekieli 26:5

Munyanza hagati, halava havundu hukuvagala zineti ziavaluvi. Inzi, Yahova Wuvunyali, mali kovora. Zihiiri zilakalanye Tiro,

Ezekieli 35:3

Ovoolere avandu aga Inzi, Mwami Munene Yahova mboraa: Inzi mbeeye musigu winyu, munyi avandu va Edomu! Ndahaana mageri ku munyi kandi ndamukora muve hazwa.

Ezekieli 6:14

Yee, ndanyira mukono gwange nukudiviza kivala chavo. Ndakekola kuva amang'anye kutura mwigendanyama kuduuka mu lidaala linene lia Ribula Ivaale, vugira koleka havundu hoosi ha vandu va Isiraeli vamenya. Maku vuli mundu namanyirizi ndi inzi mbeeye Yahova.”

Zefania 1:4

“Ndakahaane mageri ku vandu va Jerusalemi halalani Ivuyuda. Ndakonogonyie vandu vosi avasigamiraa Baali. Sialakaveho nu mundu kali mulala ulakizulirizi avasaalisi vi vifananyi avatumikiraa Baali mba.