Ezekieli 25:6 - KITABU KITAKATIFU

⁶ “Yaga nigo aga Yahova Wuvunyali avoora: Mwakubaga makono kandi nimutumagira kigira vusangali. Munyi mwalegeliza kivala cha vandu va Isiraeli.

Ezekieli 25:6 ပူးပေါင်းရင်းမြစ်များ

Ayubu 27:23

Imbuza imukubiraa liyoga lwa anyaguraa. Kandi imutihiza ni zinguru ziu kwononyia.

Ayubu 34:37

Kigira amedaa uvwibaali ku vwoni vwivwe. Ahenyahenyaa Nyasaye imbiri wiitu nokomeda amakuva geege ku Nyasaye.”

Tsing'ano 24:17

Utayaanzilira lwu musigu woovo anyoora kivi mba kandi utasangala lwa yikigatiraa mba.

Jeremia 48:27

Mwizulizaa kuli mwakolera avandu va Isiraeli kehenyahenye? Mwavakolera kuli vaali ni vagumiliywi harara nu muganda gwa aviivi.

Lisyoma lya Jeremia 1:7

Mu madiku gu vusaliri vwavo uvululu, avandu va Jerusalemi vizulizaa vindu viosi vilahi via valange navio kutura mu madiku ga kale. Lwa vaagwa mu makono ga vasigu vaavo, si yaliho mundu waali anyala kuvakonya mba. Avasigu vaavo vaavasekeriza, mu liguutwa liavo.

Lisyoma lya Jeremia 2:15

Avandu vosi avavitaa ahimbi ni lidaala linene vamuhenza nu kumukolera kehenyahenye. Vasung'usa mitwi jaavo no kosekaa amang'anye ga Jerusalemi ni vavoola, “Yili ni nilo lidaala linene ilialangwa uvudukiru vwu vulahi kandi uvusangari vwi lirova liosi?”

Ezekieli 25:15

Yahova Wuvunyali avoora, “Avandu va Filisitia vamali kuvanza kisaalia nu mwoyo gwu kusaliriza ku vasigu vaavo vakale kandi ku vadiviza mulivihilirizwa liavo.

Ezekieli 25:3

Uvavoolere vahulirizi aga Inzi, Yahova, Wuvunyali, mboraa: Munyi mwayanzilira kolola Litembeli liange nilionogonywa, kivala cha vandu va Isiraeli nikitigaye chere kandi kolola avandu vi Ivuyuda nivahiliywi mu lihaminywa.

Ezekieli 35:15

kuli mwasangalira lidivizwa lia vandu Vaisiraeli miandu jange, kunangwa inzi ndamukora kuva hazwa, kiguru cha Seiri, yee, kivala choosi cha Edomu, ndakikola kuva hazwa. Maku vuli mundu woosi alakamanye ndi inzi mbeeye Yahova.”

Ezekieli 36:5

“Inzi Yahova Wuvunyali mali kovora mu vutima vwange vululu ku zihiiri ziamukumbeliza, kukila ligali avandu va Edomu. Vaavugura kivala change harara ni miandu jacho josi ni liekonya kandi ni lilegeriza.

Ezekieli 6:11

Mwami munene Yahova avoora, “Mukubage makono ginyu! Muduyi hasi virenge vienyu! Muliri novovereri kigira uvudamanu vwosi kandi vindu viosi vielivihilirizwa via vandu va Isiraeli vamali kokora. Vazizaa kukuzira mu vulwani, inzara, kandi vulwaye.

Obadia 1:12

Ng'ano mwavura kohenzerera avamwavo vinyu lwa vaali mu kivi Ivuyuda. Ng'ano mwavura kusangalira lidiku lia vadivizwa: ng'ano mwavura koseka lwa vaali mu vusaliri.

Nahum 3:19

Avulaho mundu unyala kohonyia lisalirizwa lienyu, kandi zingwagu zienyu sizinyala kohona mba. Avandu vosi avahulira makuva kigira lidivizwa lienyu, vakubagaa makono gaavo ni vasangara. Siaveeyeho numundu wahononoka kutura mu vusaliri yivu vutaveeye ne keheri mba.

Zefania 2:10

Nindio avandu vi kivala cha Moabu na Amoni valakanyore amageri kigira lielola kandi kilage harara ni ligemihiza lia vakolera vandu va Yahova Wuvunyali.

Zefania 2:15

Yaga nigo galiekoleka ku lidaala liu kwigingira kigira zinguru zialio, niliganagana ndi liveeye mu mirembe. Avandu vi lidaala yili vagagana ndi lidaala liavo liveeye linene ligali mu kivala. Lidaala yili lilakave havundu haveeye vuzwa, havundu hi zinyama ziu muvulimu zilakasosere! Vuli mundu woosi ulivitira ahimbi nalio alakegose nuvuti.

Zefania 2:8

Yahova Wuvunyali avoora, “Inzi mali kuhulira vandu vi kivala cha Moabu na Amoni, vagemehiza kandi vaageriza kokora vandu vange kuva vu vutima, kandi vigingira ndi vanyara kuvugura kivala chavo.