Ezekieli 25:13 - KITABU KITAKATIFU

¹³ Kalunu nandizaa ndi, ndahaana mageri ku vandu va Edomu, kandi ndiita vuli mundu nizinyama. Ndakora Edomu kuva mang'anye kutura mu lidaala lia Temani kuduuka mu lidaala lia Dedani, kandi avandu valitirwa mu liihi.

Ezekieli 25:13 ပူးပေါင်းရင်းမြစ်များ

Litanga 36:11

Elifazi yaali na vayaayi 5: Temani, Omari, Zefo, Gatamu na Kenazi.

Litanga 36:34

Lwa Jobabu yakuza, Hushamu kutura mukivala cha Temani yamiha mu vogono vwivwe.

Litanga 6:7

ma navoora ndi, “Inzi ndadiviza avandu yava avandamala kolomba, kandi nizinyama namanyonyi, kigira mbeeye novovereri ndi ndaavilomba.”

Zaburi 138:7

Lwa ngumbirizangwa nikivi, ivi unindaa nukukinga inzi. Ivi uhingiraa avasigu vange vuvutima vululu; kandi ombonyia ni zinguru zizio zinene.

Jeremia 25:23

na avandu va amadara manene ga Dedani, Tema, Buzi kandi na avandu vosi avavegaa amasu gaavo,

Jeremia 49:13

Inzi mwene mali kwisuha ndi lidaala lia Bozira lilava havundu hukutihiza kandi changalangwi; avandu valali kolera kehenyahenye nukutumikira lieta lialio kuli kilaamo. Amadara goosi gahimbi galava hazwa kazozo. Inzi Yahova mali kovora.”

Jeremia 49:20

Maku hulira lilohiza lia mali kolomba kigira avandu va Edomu, kandi chang'anagana kokolera avandu vi lidaala lia Temani. Kali avana vaavo navahilwi ihale kandi vuli mundu natiihizwi.

Jeremia 7:20

Kulwayago, inzi Mwami Munene Yahova, ndaviika vutima vwange vululu ku Litembeli yili. Ndaviika kandi ku avandu harara ni zinyama, kali ni misaala harara ni vitagwa viu mumilimi. Vutima vwange vulava kuli muliru gutanyala kusiminywa nu mundu.

Ezekieli 14:13

“Mwana wu Mundu, niiva vandu valakola uvwoni kandi vavuli kuva vasuuvirifu ku inzi, ndahaana mageri kuvo nukwononyia linyola lie viukulia viavo. Ndatuma inzara kwita vandu harara ni zinyama.

Ezekieli 14:17

“Anoho niiva ndaleta iliihi ku kivala yiki nukutuma iviugi viu kudiviza vandu, harara ni zinyama,

Ezekieli 14:8

Ndahingira mundu uyu. Ndamukora ave kelolero cha maduywa. Ndamutuliza mu kivala cha vandu vange Isiraeli. Maku mulamanya ndi Inzi mbeeye Yahova.

Ezekieli 25:16

Inzi nandizaa ndi, ndingilira vandu va Filisitia nukuvadiviza. Ndadiviza vuli mundu uwatigala kukisulu chinyanza.

Ezekieli 25:7

Kigira mwakora ndio, ndamuviiki muvunyali vwi zihiiri zindi iziaza zimunuuli kandi zimulanye. Ndamudiviza ligali kuduuka; si namuve ihiiri kandi mba, anoho si namuve kandi ni kivala chiinyu aveene mba. Maku namumanye ndi inzi mbeeye Yahova.”

Ezekieli 27:15

Avandu va Dedani vaakora likiranyia ni munyi. Avandu vanyingi kutura muvivala viu ku inyanza vaamugulizira amiinu gi zinzogu kandi zimbaho ziu vuguli vudinyu kunangwa vanyoore ku ivindu vienyu.

Ezekieli 27:20

Avandu va Dedani vaakiranyia ni munyi zinguvu ziu vuguli vudinyu ziu kuninira ku zibarasi.

Ezekieli 29:8

Maku kalunu, inzi, Yahova, ngovolera ndi ndanyoora avasaza kukwingilira ni vivavi, kandi valiita vandu vovo ni zinyama zizio.

Ezekieli 32:29

“Virindwa via vandu va Edomu harara na vami vaavo kandi na vamiihi vaavo viveeye uwene yeyo. Vaali avasikari vi zinguru ligali, nakalunu vagona harara na vandu vataveeye avasuuvirifu mu kivala cha vakuzu, aviitirwa mu vulwani.

Ezekieli 35:3

Ovoolere avandu aga Inzi, Mwami Munene Yahova mboraa: Inzi mbeeye musigu winyu, munyi avandu va Edomu! Ndahaana mageri ku munyi kandi ndamukora muve hazwa.

Ezekieli 35:9

Ndamukora kuva hazwa mihiga ni mihiga, mundu kali mulala si alakamenye mu madaala ginyu kandi mba. Maku mulakamenye ndi, Inzi mbeeye Yahova.

Ezekieli 38:13

Avandu va Sheba na Dedani kandi avakiranyi kutura mu madaala ga Sipeini, navakoteeve ndi, ‘Ivi umali kuvungiza liihi liilio nu kwingilira kuduuka ulanye? Uganagana konyoora izahabu, ifeza, mitugu kandi miandu nu kuzia navio viosi?’ ”

Amosi 1:12

Kunangwa ndatuma muliru ku lidaala linene lia Temani na gulasamba zimbinga zia Bozira.”

Obadia 1:9

Avasaza vizingulu vu vulwani va Temani valakatiihizwi, kandi vuli musikari mu Edomu alakitwi.

Habakuk 3:3

Nyasaye yaazaa kutura Edomu kandi; Nyasaye mutakatifu yaazaa kutura mu vigulu via Parani. Vukumi vwivwe voveeye mwigulu; kandi kivala keveeye ni lizominya lilie linyingi.