Ezekieli 24:23 - KITABU KITAKATIFU

²³ Si mulakagende vugira virato anoho vugira zigudwa ku mitwi jienyu mba, anoho mutasioma anoho muliri mba. Navuzwa mulang'aha kigira uvwoni vwinyu, kandi mulakakenye aveene na vene.

Ezekieli 24:23 ပူးပေါင်းရင်းမြစ်များ

2 Samweli 15:30

Daudi yanigira kiguru cha mizeituni nasiomaa; yaali vugira vilato mu virenge. Yaali nafuumi mutwi gwigwe kuli kelolero chovovereri. Avandu vosi avaari avamulonda vaakunika mitwi jaavo kandi ni vasioma.

Ayubu 27:15

Yavo avalihona, valakakuzi kigira uvulwaye vudamanu, kandi kali vakunzakali vaavo si valakavasiomele mba.

Zaburi 107:17

Avalala kuvo vaali avasiru kigira uvwoni vwavo, kandi vasaalira ligali kigira uvudamanu vwavo.

Zaburi 78:64

Avasaalisi vaavo viitwa nikivavi, na avakunzakali vaavo sivali vanyara kusioma mba.

Isaya 20:2

Lwi mihiga jivaga jaali nijiviti, Yahova yaali niyavoolera Isaya mwana wa Amozi atulizi virato mu virenge vivie, kandi atulizi zinguvu zizie ziamagunia zia yaali niyiviiki. Isaya yalonda lilago lia yahova, na yagenda chahonyo kandi vugira vilato.

Isaya 59:11

Kwosi kufuma kuli zidubu, kuliraa vuzwa kuli amakuulu. Kwenyelerizaa likalaga lirungi navuzwa siliveeye ho mba. Kwenyelerizaa ovohonyi, navuzwa voveeye ihale ni kunyi.

Jeremia 13:18

Yahova yambolera, “Ovolere umwami harara na mama weve vatuli kondeve yu vwami vwavo, kigira zitaji ziavo zindahi zimali kugwa hasi kutura ku mitwi jaavo.

Lisyoma lya Jeremia 4:9

Yavo aviitirwa mu vulwani vaali vulahi ligali kuvita yavo avakuza kigira inzara; vaang'aha kandi nivakuza kigira si vaali ni viukulia kutura mu mulimi mba.

Ezekieli 24:22

Maku mulakakole aga inzi mali kokora. Simulakafuumi mu zimoni zienyu anoho kulia chukulia cha yavo avasioma mba.

Ezekieli 33:10

Yahova ya moloma na inzi. Yavoola, “Mwana wu Mundu, ovoolere nu kwilanira makuva ga avandu va Isiraeli vavoola: ‘Vwoni vwitu kandi uvudamanu vwitu vwa kumali kokora voveeye vuliduhu ku kunyi; Kunyi kung'aha. Kunyala ndi komenya?’

Ezekieli 4:17

Ndakora ndio kunangwa vaduuki kudaka umugadi kandi amazi. Valahenzana aveene naveene muvuti, kandi valadekerana kigira uvwoni vwavo.”

Ezekieli 44:18

Valivika viremba ku mitwi jaavo kandi inguvu yu luvaala mu vikenge viavo. Si valivika kindu choosi kinyala kuvakola kutura ologeri mba.

Kyavalevi 26:16

Inzi ndamuha mageri. Ndaleta kivi kinene ku munyi kuli vulwaye vutahonaa mba kandi luhuuza lunyala kumukola muvakuli nokolomba livamwoyo lienyu kuva liavuzwa. Mulataga vitagwa vienyu, navuzwa sivilava novokonyi ku munyi mba, kigira avasigu vinyu valalia via mwatanga.

Kyavalevi 26:39

Avakeekeke ku munyi vatigara mwoyo, mu kivala cha avasigu vinyu valadedekera kigira uvwoni vwinyu vene kandi kigira uvwoni vwa vaguuga vinyu.