Ezekieli 24:17 - KITABU KITAKATIFU

¹⁷ Utaleka likenya liilio lihuliriki mba. Uviiki virato mu virenge vivio kandi uviiki igudwa ku mutwi gugwo keve kuli kelolero chu kusioma. Utafuuma mumoni mumwo anoho umanyie ovovereri vuvwo mba, kandi utalia chukulia cha yavo avasioma mba.”

Ezekieli 24:17 ပူးပေါင်းရင်းမြစ်များ

2 Samweli 15:30

Daudi yanigira kiguru cha mizeituni nasiomaa; yaali vugira vilato mu virenge. Yaali nafuumi mutwi gwigwe kuli kelolero chovovereri. Avandu vosi avaari avamulonda vaakunika mitwi jaavo kandi ni vasioma.

Zaburi 37:7

Wikuziri kandi usuuviri Yahova, utahenda mwoyo kigira yavo avaveeye ni linyola mu zinzira ziavo mba, anoho yavo avanyoora kigira lilohiza lie zing'anagani ziavo zindamanu mba.

Zaburi 39:9

Inzi ndakiring'ana machiriri, kandi si ndavoora likuva kali lilala mba, kigira ni ivi wagira ninyoola vusaliri kuli yivu.

Zaburi 46:10

Avoora, “Muchiring'ane kandi mumanye ndi inzi mbeeye Nyasaye! Inzi nzizominywa hagati hi zihiiri ziosi; inzi nzizominywa ku lirova liosi!”

Isaya 20:2

Lwi mihiga jivaga jaali nijiviti, Yahova yaali niyavoolera Isaya mwana wa Amozi atulizi virato mu virenge vivie, kandi atulizi zinguvu zizie ziamagunia zia yaali niyiviiki. Isaya yalonda lilago lia yahova, na yagenda chahonyo kandi vugira vilato.

Jeremia 13:18

Yahova yambolera, “Ovolere umwami harara na mama weve vatuli kondeve yu vwami vwavo, kigira zitaji ziavo zindahi zimali kugwa hasi kutura ku mitwi jaavo.

Ezekieli 24:18

Kunangwa ndavolera vandu ing'inga ya mugambazuri, na hamugorova ndi mukali wange alakuza! Na lidiku lialondaku, ndaakola kuli Yahova yaali nandagi.

Ezekieli 44:18

Valivika viremba ku mitwi jaavo kandi inguvu yu luvaala mu vikenge viavo. Si valivika kindu choosi kinyala kuvakola kutura ologeri mba.

Hosea 9:4

Si mulaleeta vihaanwa vie iwaini ku Yahova mba, kandi si mulamuyaanziza ni visiuviliru vienyu mba. Viukulia vienyu vilava kuli via yavo avasioma, kandi vosi avaalia ku viukulia yivi valoneka. Viukulia yivi vilava kigira inzara yaavo aveene, si valavileeta mu Litembeli lia Yahova mba.

Kyavalevi 10:6

Maku Musa yavolera Haruni na vayaayi veve vandi Elieza na Izamara, “Mutaleki liisu lienyu livuli kusanulwa mba, kandi mutatanduli zinguvu zienyu kumanyia ndi musiomaa mba. Nimukora ndio, mulakuza, na Yahova alava nu vutima na avandu va Isiraeli vosi. Navutswa avache vinyu avandu va Isiraeli vosi, vanyara kusiomera yavo vosi va Yahova yasamba nu muliru gwa yatuma.

Kyavalevi 13:45

Mundu oveeye novogere kuduuka yiviiki zinguvu zia madali, atasanula liisu lilie mba, afuumi mumoni mwimwe, ma alangilizi, “Mudamanu! Mudamanu!”

Kyavalevi 21:10

“Musaalisi Munene uva navakiywi amaguta ha vamwavo veve, uwa gukutakasa ku mutwi gwigwe, kandi uwaatakaswa nu kwiviikwa zinguvu ziu vusaalisi, alavula kusanula liisu lilie mba, anoho ataanduli zinguvu zizie kumanyia ndi aveeye mulisioma mba.

Amosi 8:3

Ku lidiku liene yilio, zinyimbu mu Litembeli zilagwa izinyimbu zie lisioma. Halava ni miviri ja vakuzu minyingi havundu hoosi. Na jilateevwa makiriri.”

Mika 3:7

Avaloli valava muzisoni; kiyira ligutwa liavo. Vosi valakunika minwa jaavo, kigira Nyasaye sialavativulira mba.”

Habakuk 2:20

Yahova aveeye mu Litembeli lilie Litakatifu; gaduukanaa vuli mundu woosi akiring'ane imbiri weve.

Matayo 9:23

Lwa Yeso yingira munyumba yu munene uyu yalora avakubi vi visiliva, kandi kiduma cha vandu ichakolaa liyoga ni vasioma.