na mwami Jehoyakini, harara na mama weve, avayaayi veve, avanene veve, na vanene vi inyumba yu vwami, vihaana aveene ku vandu va Babiloni. Mu muhiga gwa munane gwi liamiiha lia Nebukadineza yaahira Jehoyakini mu vuhambe
Ku lidiku lie likomi ku mweli gwa katano mu muhiga gwa saba gwu muvuhambe vwitu, valala ku vimiliri va Isiraeli vaza nivikara imbiri wange. Venyeleriza kutura ku inzi kigira lienya lia Yahova.
Yavoola, “Mwana wu Mundu, ong'ode lidiku lia kalunu live liu kwizuliziraku, kigira yili ni lidiku liu Mwami wa Babiloni atangaa Likumberiza lidaala linene lia Jerusalemi.
Ku lidiku lia katano ku mweli gwa sita mu muhiga gwa sita gwi lihaminywa lietu, ndaali ninzikaye munyumba yange harara na vimiliri vi lihaminywa kutura Ivuyuda. Nonoho ndaahulira zinguru ziu Mwami Munene Yahova ziizi ku inzi.