Ezekieli 23:47 - KITABU KITAKATIFU

⁴⁷ Ndaleka muganda gwa vandu yava guvalase na magina kandi guvingiliri ni vivavi, viiti avakaana kandi avayaayi vaavo, nu kusamba zinyumba ziavo.

Ezekieli 23:47 ပူးပေါင်းရင်းမြစ်များ

Jeremia 32:29

Valahambiza muliru ku lidaala liene yili, nukulisamba ligali; harara ni zinyumba zia avandu vaanomba kuva nu vutima ku lisaamba vimuli ku Baali ku visegese vie zinyumba, kandi ku lisundula vihaanwa vie Iwaini ku avanyasaye vandi.

Jeremia 39:8

Inyima wa yaga, avandu va Babiloni vasamba inyumba yu vwami kandi zinyumba zia avandu ma nivaasambula amadigi gi lidaala linene lia Jerusalemi.

Jeremia 52:13

Yasamba Litembeli, inyumba yu vwami, harara ni zinyumba ziosi zia avandu vanene mu Jerusalemi;

Ezekieli 23:25

Kigira mbeeye nu vutima nivi, ndaleka vakole goosi ga vanyara ku ivi mu vutima vwavo. Valakalaga amatu googo kandi amuru googo na valitigala valitwa ni kivavi. Valavugula vayaayi na vakana vovo na valasambwa nu muliru nivaveeye mwoyo.

Ezekieli 23:29

Kigira vandu yava vakudunyira, valavugula vuli kindu choosi cha wanyoola kologeli lwulwo, na valakoleka umwere kandi ni chahonyo. Uvudamanu vwuvwo vulaloleka havulavu. Uvudamanu vwuvwo nu vulaya vwuvwo

Ezekieli 23:48

Kunangwa ndakaherizi uvudamanu mu kivala, na lilava lieganihiza ku vakali vosi vavuli kokora ovoheyi kuli vaakora.

Ezekieli 24:21

mbolere munyi avandu va Isiraeli makuva yaga: munyi mwigingiraa kigira Litembeli liezingulu. Mwayaanza kulihenza kandi kuzia mulio, navuzwa Yahova azizaa kuliononyia. Avana vinyu avakaana na vayaayi avalitigala mu Jerusalemi valakitirwi mu vulwani ni kivavi.

Ezekieli 24:6

Yaga nigo ga Yahova Wuvunyali avoora: “Kivi keveeye ku lidaala linene lia valumindi! Liveeye kuli inyingu yi zisisinia itanyala kwogizwa mba. Vidonye vie zinyama vimali kutulizwa muyo, kandi sikeveeye ho kedonye kali kilala ikimali kutigala mu mba.

Ezekieli 9:6

Mwiti avasaakulu, avayaayi avasoleri kandi avakaana vasoleri, avakali kandi avana vakekeeke. Navuzwa mutadiiri ku mundu woosi oveeye ni kelolero ku vweni vwivwe mba. Mutangili hano mu Litembeli liange.” Kunangwa vatanga kwita aviimiliri vaali nivasingiyi ha Litembeli.

Kyavalevi 20:10

Niiva umundu aheyaa nu mukali wu mutende weve, avaheyi vombi, musaza nu mukali, kuduuka viitwi.

Kwidzulitsa 13:16

Muleete harara miandu josi ja avandu vamenyi mu lidaala yilio na muvivungizi hagati hi lidaala zana. Maku mulasaamba lidaala liosi harara ni vindu viosi viveeye mulio kuli kihanwa ku Yahova Nyasaye winyu. Kuduuka lilekwe mang'anye mihiga ni mihiga, kandi litumbakwa vuhia mba.