Ezekieli 23:18 - KITABU KITAKATIFU

¹⁸ Lwa yaali ni yakakola uvulaya, kandi namanyi uvudamanu vwivwe havulavu, ndaamuleka kuli ndaaleka amwavo weve.

Ezekieli 23:18 ပူးပေါင်းရင်းမြစ်များ

Zaburi 106:40

Kunangwa Yahova yaali nu vutima vonene ku vandu veve, kandi yavihilirizwa ligali navo.

Zaburi 78:59

Nyasaye yasinyika lwa yalora vindu yivi ligali; Kunangwa yasura avandu veve Isiraeli.

Isaya 3:9

Lihenza lie zimoni ziavo lilorekiza kuva liu kuhing'ana. Vamali kokora uvwoni havulavu, kuli lidaala linene lia Sodoma. Vamali kudiva! Vamali kwivika mu vudamanu aveene.

Isaya 57:8

Musingirizaa vifananyi vienyu viukuvihiliriza inyima wi viliango vienyu vie imbiri. Munyi mundeki; munavuuyi zinguvu zienyu kandi munini igulu ku vidali vienyu vivambalalu harara na vayanze vinyu, avamutungaa mitungu ku vaduuki kogona ni munyi. Hene yaho mwigutizaa likayirwa lienyu liu muviri.

Jeremia 12:8

Avandu vange vatovole vamali kusuura; vamali kufuumira kuli isimba yu mulitu, kunangwa mali kuvadunyira.

Jeremia 15:1

Maku Yahova yambolera, “Kali niiva Musa na Samweli vakasingiyi hano nokogoonya inzi, sindakamanyi avandu yava livererera liange mba. Vakole vazie ihale; vakole vatuli imbiri wange.

Jeremia 6:8

Avandu va Isiraeli leki linyangiza yili live chukwiganihiza ku munyi, anoho inzi ndamuleka; ndagirung'anyia lidaala lienyu kuva changalangwi, havundu humundu kali mulala atamenyaa.”

Jeremia 8:12

Avandu vange, mwaali ni zisoni kigira mwakora vindu viukuvihiliriza yivi? Awa, simwali nisoni mba sivahendaa mioyo jaavo kali hakuzu mba; si mwamanya kali lwa mwaali mu zisoni mba. Kulwayago, mulagwa kuli avandi vamali kugwa. Lwa mbana amageri ku munyi, yicho kilava keheri chienyu. Inzi Yahova mali kovora.

Lisyoma lya Jeremia 2:7

Yahova amali kusura uvwali vwivwe kandi yamala koleka Litembeli lilie Litakatifu; yaleka avasigu kusambula madigi gi zinyumba ziavo ziu vwami. Vahaanzuka nokokola liyoga mu Litembeli kuli lidiku lie lisavo.

Ezekieli 16:36

Yaga nigo ga Yahova Wuvunyali avoora: “Munyi mwatuliza zinguvu zienyu kandi kuli liraya mwihaana munyi aveene kuvayaanze vinyu kandi ku vifananyi vinyu viosi viukuvihiliriza. Kandi mwitaa avana vinyu kuli visiuviliru ku vifananyi.

Ezekieli 21:24

Yaga nigo aga Inzi, Yahova Wuvunyali, mboraa: Uvwoni vwinyu vuvikiywi havulavu. Mahiolo ginyu gamanyikani ku vuli mundu. Mumanyia uvwoni vwinyu mu vuli kindu choosi chamukolaa. Gamuduukira mukalagilwi, kandi inzi ndamuviika ku vasigu vinyu.

Ezekieli 23:10

Vamutuliza zinguvu natigala chahonyo, nivavugura vana veve avakaana na vayaayi, maku nivamwita ni kivavi. Avakali vandi vaamoloma havundu hoosi ku agaali nigekoleki ku Ohola.

Ezekieli 23:19

Yaazizagilira kokora uvulaya ligali kuvita ing'inga yindi yoosi. Yizuliza kokora kuli yakola nakikiri mukaana musoleri, lwa yakola uvulaya lwa yaali mu kivala cha Egebeti.

Ezekieli 23:9

Kunangwa ndamuviika muvunyali vwa vandu va Siria, avayaanze veve avayaakolaa navo uvulaya.

Hosea 2:2

Avana vange, mugoonye mama winyu, kali niiva si aveeye mukali wange, kandi inzi si mbeeye musaza weve mba. Mumugonye aleke kokora ovoheyi kandi uvulaya.

Hosea 7:1

“Lwa inzi nyenya kohonyia avandu vange Isiraeli nukuvakola vazizagiliri kandi, goosi agandolaa nuvuchamu vwavo kandi nizimbi ziavakola. Vagaadana aveene ku aveene; viguula muzinyumba niviva; vanuraa vandu muzinzira.

Amosi 5:21

Yahova avoora, “Ndunyiraa amasavo ginyu gi idini. Sinyanzizaa na mavugano ginyu gizidini mba.

Amosi 6:8

Yahova Nyasaye Wanyala Viosi mu zinguru zizie umali kuhaana lieganihiza lie liesuha yili: “Mbihirirwa luyali lwa avandu va Isiraeli: Ndegelizaa zinyumba ziavo zie lielemeza. Ndahaana amadara gaavo manene harara na avandu vamenyi mugo ku avasigu vaavo.”

Zekaria 11:8

Si ndaali ni liekuzira na vayi vandi vavaga avandunyira mba. Ndavadiviza vosi ku mweli mulala.

Kwidzulitsa 32:19

“Lwa Yahova yalora yaga, yavihilirwa kandi yasura vakana na vayaayi veve.