Ezekieli 22:4 - KITABU KITAKATIFU

⁴ Muveeye ni lihiolo kigira avandu va mwita kandi mwayonogonywa ni vifananyi via mwalomba. Kulwayago lidiku lienyu liveeye ahimbi kandi mihiga jiinyu jimali kuduuka! Yiki nicho kigira Inzi mali koleka zihiiri zimukolere ekehenyahenye kandi vivala viosi vimuseke mulilegelizwa.

Ezekieli 22:4 ပူးပေါင်းရင်းမြစ်များ

1 Avami 9:7

Maku ndatuliza vandu vange Isiraeli mu kivala cha mali kuvaha. Kandi ndaleka Litembeli yili lia mali kutakasa kuli havundu ha sigamirwa. Vandu havundu hoosi valakolera Isiraeli kehenyahenye

2 Avami 21:16

Mwami Manase yita avandu vanyingi ligali avaari vugira kisaalia, kuduuka kali zinzira zia Jerusalemi zidorokaa amasahi; yakola yaga komeeda ku limilira avandu vi Ivuyuda mu lisigamira vifananyi navakola kokora uvwoni imbiri wa yahova.

2 Kyetsinyinga 7:20

maku ndamutuliza mu kivala cha ndaamuha, kandi ndaleka Litembeli yili lia mali kutakasa kuli havundu ha sigamirwa. Avandu havundu hoosi valalichaya kandi valalikolera kehenyahenye.

Zaburi 79:4

Zihiiri zia kumberiza kunyi zikonyegaa vuli kazozo, zi kosekeliza nu kokokolera kehenyahenye.

Jeremia 18:16

Vamali kokora kivala yiki kuva kindu chilitiihiza, linene ligali, kandi vakekoli kuva chokoleganywa kazozo. Vosi avavitaa valagenya ku agavalolaa; valasung'usa mitwi giavo muligenya.

Jeremia 24:9

Ndaleta kivi yiki kuvo, na kilava litihiza linene ligali ku zihiiri ziosi ziu mulirova. Avandu valavasekeriza, nukuvakolera ekehenyahenye kandi nukuvalegeriza, nukutumikira amita gaavo kuva kuli kiramo havundu hoosi handakavasalanye.

Jeremia 44:8

Kigira ki mungolaa nimba nu vutima ku Lisigamira vifananyi kandi ku lihaana visiuviliru ku avanyasaye vandi mukivala cha Egebeti, havundu ha muuzi komenya? Mukoraa yaga kunangwa muduuki kwidiviza munyi aveene, kandi vuli ihiiri ku lirova iduuki kumukolera kehenyahenye kandi kutumikira lieta lienyu kuli kilaamo?

Ezekieli 16:57

kandi inyima wi zimbi ziamwali nimwakola nizikikiri kulang'aminywa? Kalunu muveeye vuzwa kuli yavo; kehenyahenye ku vandu va Edomu, avandu va Filisitia, kandi navatende vinyu vandi ava muvihilira.

Ezekieli 21:28

“Mwana wu Mundu, oporofete. Ulandizi aga Inzi, Yahova Wuvunyali, mbolera avandu va Amoni avanyegaa vandu va Isiraeli. Uvavoolere: ‘Kivavi chetegeki kwita; kishagaliywi, kehemahemaa kuli loheni.

Ezekieli 22:2

Yavoola, “Mwana wu Mundu, ivi oveeye mwetegeku kukalagira avandu vi lidaala linene iliveeye navandu aviti vanyingi? Uvavoolere vulahi vindu viosi viukuvihiliriza viavamali kokora.

Ezekieli 23:32

Yahova Wuvunyali avoora, “Ulanyora mageri malala mere, kuli aga mwavo woovo yanyoora; gaveeye manene kandi amalulu. Vuli mundu alakusekeriza kandi alakokolera kehenyahenye; amageri yaga gaveeye maduukiru.

Ezekieli 23:7

Yihaana kuli liraya ku vimiliri vosi va Asiria kandi niyeyonogonyia mu lisigamira vifananyi via vuli mundu woosi wayaakola uvulaya naye.

Ezekieli 24:7

Avandu va Jerusalemi vaaluminda vandu vataveeye nimbara mu lidaala linene. Sivaveeye avanyala kali kukunika masahi gasunduka ku lirova nuluguki mba.

Ezekieli 24:8

Kumanyia uvutima vwange, Inzi mali kuviika masahi ga vaatahiza kulirova liumu, kunangwa gavuli kukunikwa.”

Ezekieli 36:15

Sindavugilira zihiiri zimunyege kandi mba, anoho kumuchaya mba. Sindaleka ihiiri yinyu igwi mba. Inzi Yahova Wuvunyali mali kovora.”

Danyeli 9:16

O, Yahova, kolondekana ni vikolwa vivio viu vulungi, tuliza vutima vwuvwo ku lidaala lia Jerusalemi, kiguru kitakatifu. Jerusalemi harara na vandu vovo vaduuki mulichaywa hagati hayavo vosi avamali ku kukumberiza.

Kyavalevi 26:32

Ndadiviza kivala chienyu ligali kali avasigu vinyu vamenyamu valagenya kigira lidiviza yilio.

Livalidza 32:14

Kandi kalunu mumali kuvugura vwiyangu vwa vababa vinyu, likula lihia lia vandu voni aveetegeki kwilanyia vutima vululu vwa Yahova ku vandu va Isiraeli kandi.

Kwidzulitsa 28:37

Muvivala via Yahova alimusalanyira mu, avandu valegosa ku gamali kwekoleka ku munyi. Valamukolera kehenyahenye na manyego.

Kwidzulitsa 29:24

Maku lirova liosi, zihiiri ziosi zilateeva, ‘Kigira ki Yahova akoli yaga ku kivala chavo? Uvutima vululu vusamba yivu voveeye kigira ki?’

1 Vatesalonike 2:16

Kali vageriza kukugaya kuvuli kwilwaza ku avandu vi Zihiiri likuva linyala kuvaletera ovohonyi. Munzira yiyi vavungizaa uvwoni vwavo vwa vakora kazozo kandi kalunu vutima vwa Nyasaye vuduuki kuvo ligali mu limaliriza.