Ezekieli 22:30 - KITABU KITAKATIFU

³⁰ Ndahenza umundu kutura muvo uwaali unyala kwumbaka lidigi, uwaali anyala kusingira ha vundu hamadigi gamali kugwa nukukinga vandu lwa ndaali ahimbi kuvadiviza, navuzwa sindanyola mundu kali mulala mba.

Ezekieli 22:30 ပူးပေါင်းရင်းမြစ်များ

2 Avami 14:26

Yahova yalora uvusaliri vululu vwa Visiraeli; sihaali ho nu mundu wu kuvakonya kali hakuzu.

Ayubu 35:8

Vandu vandi vasalira kigira uvwoni vuvwo, kandi uvulahi vwa okolaa vumukonyaa.

Zaburi 106:23

Lwa Nyasaye yavoola ndi aladiviza avandu veve, mutumikiri weve mutovole Musa yasingira kuhing'ana naye, kandi niyigalira uvutima vwa Nyasaye vuvuli kuviita.

Zaburi 94:16

Nivwaha wasingira mu vogono vwange ukuhingira avachamu? Nivwaha wangonya kuhingira avakoli vuvudamanu?

Isaya 59:16

Yahova ogenyi kolola ndi si haali nu mulala okonyaa avadambi mba. Kunangwa alatumikira zinguru zizie kuvasoora kandi kuvaha iliguuta.

Isaya 63:5

Na ndaali niligenya lwa ndahenza nokolola ndi sihali nu mulala wokongoonya. Ndahuga nukutia ligali kolola ndi si haali ho nu mulala wukunyunga mukono. Kunangwa ndanyoora liguuta kuzinguru ziange umwene, na uvutima vwange vululu vwangonya.

Isaya 64:7

Siaveeye ho mundu kali mulala usaala ku lieta liilio mba, anoho mundu kali mulala uzaa ku ivi anyoore ovokonyi mba. Ivi umali kwivisa kutura ku kunyi kandi umali kokoleka kigira uvwoni vwitu.

Jeremia 15:1

Maku Yahova yambolera, “Kali niiva Musa na Samweli vakasingiyi hano nokogoonya inzi, sindakamanyi avandu yava livererera liange mba. Vakole vazie ihale; vakole vatuli imbiri wange.

Jeremia 5:1

Munyi avandu va Jerusalemi, munyaguli yiyi ni yiyi mu zinzira! Muhenze vuli muzimbega na mwelolere aveene! Mwenyelerizi mu vilitu! Munyala konyoora mundu mulala okolaa agaveeye amalungi, kandi ogerizaa kuva musuuvirifu ku Nyasaye? Niiva mulamunyoola, Yahova alamusamiiha.

Jeremia 8:6

Ndaahuliriza vulahi ligali, navuzwa si mwavoora agiligali mba. Kali mundu mulala kumunyi siyaverera kigira uvuchamu vwivwe mba; kandi mundu mulala siyeteeva ku ndi, ‘Kindiki kidamanu cha inzi mali kokora?’ Vuli mundu azizaa kunzira yeeye umwene, kuli ibarasi inyagura zimbiru kuzia mu vulwani.

Ezekieli 13:5

Sivinyala kulinda havundu ha madigi gaayavuguka mba, anoho sivinyala kwumbaka uvuhia madigi ga vandu va Isiraeli mba. Kulwayago Isiraeli sinyala kukingwa lwu vulwani navuuzi ku lidiku liange lia Yahova mba.