Ezekieli 22:29 - KITABU KITAKATIFU

²⁹ Avandu vi kivala yiki vamali kudambiza nu kunuura. Vamali kudambiza avadaka na vageni, kandi si vavakolera likalaga liveeye lirungi mba.

Ezekieli 22:29 ပူးပေါင်းရင်းမြစ်များ

Zaburi 62:10

Mutaviika lisuuvira lienyu litumikira lidambiza; mu lienyolera uvutugi mu vugadi mutasuuvira mu lienyolera vindu ku linuura. Kali niiva uvutugi vuvwo vomedeka, uteeleda kuvwo mba.

Zaburi 94:6

Vita avakunzakali navavisandu, kandi vita avageni vamenya mu kivala chietu.

Kutwula 22:21

“Mutadambizi anoho kokolera mugeni uvudamanu mba, kigira kali na munyi mwaali avageni mu kivala cha Egebeti.

Kutwula 23:9

“Mutadambizi mugeni mba; munyi mumanya vulahi kuli liiva liu kuva mugeni liveeye, kigira munyi mwaali avageni mu kivala cha Egebeti.

Isaya 10:2

Mukora ndio kunangwa muduuki kwigalira avadaka vavuli konyoora uvulungi vwavo, kandi vavuli konyoora likalaga liu vulungi. Nindio mukoraa muduuki kuvugura miandu ja vakunzakali na vavisandu.

Isaya 5:7

Isiraeli eveeye kizabibu cha Yahova Wuvunyali, na vandu vi Ivuyuda vaveeye mizabibu ja Yahova yasimika. Yavalindilira vakole amalahi, navuzwa vakora uvudamanu vwu kwita. Yahova yavalindilira vakole amalungi, navuzwa vadambiza yavo avanira vanyoore vulungi.

Jeremia 5:31

Avaporofeti vavoola makuva guvugadi vuzwa; avasaalisi vamiiha kolondekana nilienya lia avaporofeti, na avandu vange si vagaya ivindu yivi mba. Navuzwa munyi, mulakola ki lwa vindu yivi viosi viduuka ku keheri?”

Jeremia 6:13

Siavuli mundu, mukuzuzu ku munene agerizaa kwenyolera mabese muinzira itaveeye yuvusuvilifu; kali kuli avaporofeti navasaalisi vagada avandu.

Ezekieli 18:12

kudambiza vadaka, kwiva, kuvula kutunga magovi, nu kuzia kusigamira misambwa kandi vifananyi viu kuvihiliriza

Ezekieli 22:7

Baba na mama si vahevwa luyali mba. Avageni vadambizwa kandi avavisandu na vakunzakali vakolerwa vudamanu.

Ezekieli 9:9

Nyasaye yativura, “Avandu va Isiraeli na vandu vi Ivuyuda vamali kokora vwoni vudamanu ligali. Vamali kwita vandu mu kivala choosi kandi vamali kuviika likalaga litaveeye lirungi mu Jerusalemi. Vavoola ndi inzi Yahova, mali koleka kivala chavo kandi si mbalolaa mba.

Kyavalevi 19:13

“Mutadambizi avatende vinyu anoho kuvanyaga ivindu viavo mba. Mutahaanda ku mitungu ja vatumikiri vinyu kali lidiku lilala mba.

Kyavalevi 19:33

“Mutadambizi avageni vamenyi mu kivala chiinyu mba.

Amosi 3:10

Yahova avoora, “Avandu yava sivakora agaveeye amalahi mba, avaviika ivindu via vanura nukwivila avandu mu zinyumba ziavo.

Mika 2:2

Lwa vakayirwa imilimi, vajivugula; lwa vakayirwa zinyumba vazivugula; vadambiza umundu na avinyumba yeye, nu kuvugura miandu jije.

Mika 3:3

Mulizaa zinyama zia vandu vange. Munyenya amagondo gaavo, kandi muvunanyiaa iviguumba viavo. Muvitemanyia kuli inyama iviikwa mu kifuria kandi kuli inyama iviikwa munyingu?

Mika 6:12

Avatugi vinyu vanyaga vadaka, kandi munyi mwosi muveeye avagaadi.

Matayo 25:43

Ndaali umugeni na simwanyingiriza. Ndaali chahonyo na simwambika mba; ndaali umulwaye kandi mu vuhambe, navuzwa munyi simwaninda mba.’

Yakobo 5:4

Mukikiri kutunga imituungu josi ja avandu avayinziraa mu milimi jinyu. Huliri ku lielilira liavo kigira munyi! Lilira liayavo avagesaa mumilimi jinyu, Nyasaye Wuvunyali kuhulira.