Ezekieli 22:27 - KITABU KITAKATIFU

²⁷ Vimiliri vuvwamihi vaveeye kuli vivwi vitanduranyia mu vidonye zinyama ziavamali kwita. Varumindaa kunangwa vanyoore vutugi.

Ezekieli 22:27 ပူးပေါင်းရင်းမြစ်များ

2 Kyetsinyinga 36:14

Komeeda ku gene yago, aviimiliri vosi vi Ivuyuda, avasaalisi, kandi avandu vosi valonda liiva lio vwoni lia vizihiiri vavakumbiriza; mu lisigamira vifananyi viukuvihiliriza kunangwa vonogonyia Litembeli lia Yahova mwene yatakasa mu Jerusalemi.

Tsing'ano 17:23

Vakalagi vadamanu vavugilira vaimbeti mu vwivisu, sivakora vulungi mba.

Isaya 1:23

Aviimiliri vovo vaveeye aviibaali kandi avalina va aviivi; vuli kazozo vavugilira kuvugura vihaanwa kandi viambeti. Sivakingaa avavisandu mu viyaalo mba anoho lwa avakunzakali vahaana livaala lie kiyaalo chavo mba.

Jeremia 34:19

Aviimiliri vi Ivuyuda na Jerusalemi, vatumikiri vumugizi gwi inyumba yu vwami, avasaalisi kandi avandu vosi vikivala vavitira hagati hividonye viekemoli,

Jeremia 41:7

Nonoho lwa vaali nivakaduuka hagati hi lidaala, Ishimaeli harara na avandu veve vavita ma nivasiuva miviri jaavo mu vogo.

Jeremia 5:6

Kulwayago avasigu valaza kutura mu militu kuli zisimba nukuviita, kandi valaza kulia vivwi kutura mu changalangwi nu kuvatandulanyia mu vidonye. Avasigu yava valavagoneka kuli zingo mu madaala gaavo. Niiva avandu yava valatura ichova, valatandulanywa mu vidonye kigira uvwoni vwavo voveeye uvunyingi. Vuli ing'inga vagirung'ana kutura ku Nyasaye.

Lisyoma lya Jeremia 4:13

Navuzwa gekoleka kigira avaporofeti vakora vwoni kandi avasaalisi vaavo vaali namashioro gukwita avandi vatali nimbara.

Ezekieli 13:19

Munyi mwavura kuhaana luyali ku inzi imbiri wa vandu vange kunangwa muduuki konyoora uvuswage vokekeeke kandi migadi mikekeeke. Mwita vandu vataduukanaa kwitwa kandi muhonyia vandu vataduukanaa vavuli kuva mwoyo. Kunangwa muvooraa makuva gu vugadi ku vandu vange, kandi vamusuuvira.”

Ezekieli 22:13

“Ndadiviza avandu vamali kwenyolera viambeti kandi avandu vamali kwita avaveeye mu munyi.

Ezekieli 22:25

Aviimiliri vaavo vaveeye kuli zisimba zihuumira ku zinyama ziaimali kwita. Vita avandu, mavavugula mabese harara ni miandu josi javanyala konyoora, kandi muliita liavo valeka avakunzakali vanyingi.

Ezekieli 22:3

Ovoolere avandu vi lidaala linene aga Inzi, Yahova Wuvunyali, mboraa: Kigira munyi mumali kwita avandu vinyu vanyingi kandi mumali kweyonogonyia mulisigamira ivifananyi, ing'inga yinyu yokohevwa mageri yiza.

Ezekieli 22:6

Heenzi kuli aviimiliri vosi va Isiraeli avaveeye mu munyi kuli vatumikira zinguru ziavo kwita.

Ezekieli 33:31

Kunangwa avandu vange vazaa kuhulira makuva aga oveeye nago, navuzwa si vakora aguvavoolela vakole mba. Vavoola makuva gu kuyaanziza, navuzwa vazizagiliraa muliiva liavo liokolomba vukala vunyingi.

Ezekieli 34:3

Munwezaa maveere, mwivikaa zinguvu zialombwa ku uvwoya, kandi mwita ligondi lilahi ligali ma mulia. Navuzwa si mulinda magondi gange mba.

Ezekieli 36:12

Ndamuleeta munyi, avandu vange Isiraeli, kwirana komenya mu kivala yiki kandi. Kilava chiinyu, kandi si ndaleka vana vinyu vakuzi kigira inzara mba.

Ezekieli 45:8

Kidieli yiki kilava chu mwamihi munene mu kivala cha Isiraeli, kunangwa navuli kudambiza vandu, navuzwa naleke kivala kindi choosi nakitigale ku zihiiri zia Isiraeli.

Ezekieli 45:9

Yahova Wuvunyali yavoola, “Munyi avamihi va Isiraeli, mwakora uvwoni ku ing'inga indambi! Mulekere kolola kilage kandi lidambiza. Mukore agaveeye amalungi kandi likalaga lirungi. Mutakungi avandu vange vatuli mu kivala chavo kandi mba. Inzi Mwami Munene Yahova muvooleraa yaga.

Ezekieli 46:18

Mwami wamihaa si alavugula miandu jaavandu mba. Mulimi gwosi gwa aha avayaayi veve kuduuka gove kutura mu mulimi gwa yahevwa, kunangwa avuli kudambiza mulala ku avandu vange nu kuvugura mulimi gwaavo.”

Mika 7:8

Mutasangalira kivi change, O, muinyi avasigu viitu lwakugwa, kulavuuka kandi. Kali ninzikala mu kisundi, Yahova alava uvulavu vwange.

Habakuk 2:9

O, vayaayi, munyi mwalaamwa kigira mumali kuhaana ku vandu vi zinyumba zienyu vutugi kutura ku vindu via mwanyaga vandi kuzinguru. Mugerizi kukinga hango hinyu kutura ku vusaliri kandi vuhimwa!

Zefania 3:3

Aviimiliri valio vafuuma kuli zisimba, avakalagi valio vaveeye kuli vivwi viveeye ni inzara, avahuvali valiza kali kigumba kuduuka mugambazuri, si vanyara koleka kali kigumba mba.

Matayo 21:13

Yavavolera, “Gang'odwa mu Mang'oda Matakatifu ndi Nyasaye yavoola, ‘Litembeli liange lilalangwa inyumba yu kusaala.’ Navuzwa munyi mugekoli kuva luhangaywa lwa vanuuri.”

Matayo 7:15

“ Mugerihi ku avaporofeti vo vovehi. Valaza ku munyi niviviiki zinguvu zia magondi, navuzwa mu mioyo jaavo vaveeye visalang'ongo vilulu.

Vikolwa 20:29

Inzi manyi vulahi ligali ndi, inyima wu litura liange, vivwi vilulu vilamwingilira, navio si vilavererera ichayo mba.

Vikolwa 24:9

Avayuda vahambana kandi kudinyiriza amayaalo yago kuva agiligali.