Ezekieli 22:25 - KITABU KITAKATIFU

²⁵ Aviimiliri vaavo vaveeye kuli zisimba zihuumira ku zinyama ziaimali kwita. Vita avandu, mavavugula mabese harara ni miandu josi javanyala konyoora, kandi muliita liavo valeka avakunzakali vanyingi.

Ezekieli 22:25 ပူးပေါင်းရင်းမြစ်များ

1 Avami 22:23

Na Mikaya yamaliriza, “Yiki nicho chekoleki. Yahova umali kokora vaporofeti vovo yava vakugaade. Navuzwa oyo mwene amali kulaga ndi ivi uduuki konyoora kivi!”

Isaya 56:11

Vaveeye kuli zimbwa zimbuvaalu izitanyara gwigutaa. Aviimiliri yava sivaveeye nilimanyiriza. Sa mulala akolaa kuli ayaanza kandi yenyaa viambeti vivie umwene.

Jeremia 11:9

Maku Yahova yambolera, “Avandu vi Ivuyuda na Jerusalemi vaveeye ni liebaala ku inzi mu vwivisu.

Jeremia 15:8

Vaveeye ho avakunzakali avanyingi mukivala chienyu kali kuvita zinzaro ziu muyeke mu inyanza. Ndiita avasoleri vinyu mu vosooleri vwavo; kandi ningora avamama vaavo nivasalirizwa ligali Nonoho ndaavakuya vululu ligali kandi nindeeta litihiza kuvo.

Jeremia 18:21

Navuzwa kalunu, Yahova, oleke avana vaavo vakuzi kigira inzara; oleke vakuziri mu liihi. Oleke avakali vagotizi avasaza vaavo navana; oleke avasaza vakuzi kigira uvulwaye kandi avasoleri vakuziri mu vulwani.

Jeremia 2:30

Ndaamuha amageri, navuzwa yago goosi sigali kindu ku munyi mba. Simwambugirira kumulungikiza mba. Kivavi chiinyu aveene kimali kwita avaporofeti vinyu, kuli isimba induru yukwononyia.

Jeremia 2:34

Mumali kwita vandu vadaka avataveeye nimbala; si mwavanyoola ni vaveeye a viguliri kandi a vivi mba. “Navuzwa mu likora yaga goosi, muvooraa,

Jeremia 23:14

Navuzwa inzi mali kolola vaporofeti mu Jerusalemi ni vakora uvudamanu ligali: vakolaa ovoheyi nokovoora ovovehi; vakonya avandu kokora uvudamanu, kunangwa siaveeyeho kali mundu mulala olekeraa kokora agaveeye amadamu mba. Ku inzi vaveeye vosi avuvudamanu kuli avandu va Sodoma na Gomora.

Jeremia 6:13

Siavuli mundu, mukuzuzu ku munene agerizaa kwenyolera mabese muinzira itaveeye yuvusuvilifu; kali kuli avaporofeti navasaalisi vagada avandu.

Lisyoma lya Jeremia 2:14

Avaporofeti vinyu vaamugada na malola gataali gagiligali; mu voporofeti vwavo, si vavoola havulavu uvwoni vwinyu kunangwa muduuki kwiranya miandu jinyu mba, navuzwa vaamuvolera malola gataali gagiligali kandi gu kuvachaminya.

Lisyoma lya Jeremia 4:13

Navuzwa gekoleka kigira avaporofeti vakora vwoni kandi avasaalisi vaavo vaali namashioro gukwita avandi vatali nimbara.

Ezekieli 13:19

Munyi mwavura kuhaana luyali ku inzi imbiri wa vandu vange kunangwa muduuki konyoora uvuswage vokekeeke kandi migadi mikekeeke. Mwita vandu vataduukanaa kwitwa kandi muhonyia vandu vataduukanaa vavuli kuva mwoyo. Kunangwa muvooraa makuva gu vugadi ku vandu vange, kandi vamusuuvira.”

Ezekieli 13:2

“Mwana wu Mundu, ukalagiri uvudamanu vwa vaporofeti va Isiraeli avaporofetaa amakuva gi zing'anagani ziavo aveene. Uvavoolere vahulirizi likuva liange.”

Ezekieli 22:7

Baba na mama si vahevwa luyali mba. Avageni vadambizwa kandi avavisandu na vakunzakali vakolerwa vudamanu.

Ezekieli 34:2

Yavoola, “Mwana wu Mundu, oporofete uvudamanu vwa avami va Isiraeli. Porofeta kuvo, uvavoolere aga inzi, Yahova Wuvunyali mbavooleraa: Kivi keveeye ku, munyi aviimiliri va Isiraeli! Munyi mwehendera mwoyo, navuzwa si mulinda magondi gange mba.

Ezekieli 34:3

Munwezaa maveere, mwivikaa zinguvu zialombwa ku uvwoya, kandi mwita ligondi lilahi ligali ma mulia. Navuzwa si mulinda magondi gange mba.

Hosea 6:9

Avasaalisi vaveeye kuli muganda gwa vanuuri avagonekaa avandu kuzinzira. Kali vita avandu kunzira izizaa Shekemu havundu hatakatifu. Vakora uvudamanu yivu vwosi mu liyanza liavo.

Matayo 23:13

“O, vayaye, kilaamo keveeye ku munyi, avigizi vi Lilaga kandi Avafarisayo! Avagaadi munyi! Kigira muhanaa ikiliango chingira mu Vwami vwu mwigulu mu zimoni zia avandu, navuzwa munyi aveene si mwingira mu mba, anoho si muhaanaa uvwiyangu ku yavo avagerizaa kwingira mu mba!

Marko 12:40

Vanuraa nukudambiza zinyumba zia vakunzakali ni vasaala masaala matambi nu vugadi! Mu lidiku lie likalaga, yavo valakanyore amaduywa manene kuvita.”

Luka 20:47

vavugura vindu viosi via vakunzakali kandi vavihira mu zinyumba ziavo, kigira venya kufumilira agavakolaa, vasaala amasaala matambi. Yava valanyora mageri manene ligali kuvita!”

Likunula 13:11

Ndaalora kandi iking'ang'a kindi nikizaa kutura mu lirova. King'ang'a zana chaali ni zinziga ziviri kuli zie kememe chi ligondi, kandi chamoloma kuli enzoka.

Likunula 13:15

Nyasaye yaakivugilira kuviika umwika gwi livamwoyo mu kifananyi chi king'ang'a chu kutanga kuduuka kemolome, nu kwita yavo vosi avatasigamiraa kifananyi chi king'ang'a yiki.

Likunula 17:6

Ndaalora kandi umukali zana nahambiki amasahi ga vandu va Nyasaye, kandi gayavo viitwa kigira vaali vasuuvirifu ku Yeso. Lwa ndaamulola, ndaali niligenya linene ligali.

Likunula 18:13

ni viomudalasini, ni vie iliki, ni viekimuli, ni viamaguta, ni viuvubani, ni iwaini, ni via maguta, ni viuvusie uvunyuki, ni via ingano, ni viezing'ombe, ni viamagondi, ni viezibarasi, ni viamagare gu uvulwani, ni via avatugwa, ni vie mioyo ja avandu.