Ezekieli 22:21 - KITABU KITAKATIFU

²¹ Yee, ndavavungiza harara mu Jerusalemi, ndavaviika mu muliru nukuhia ligali, ndaviika vutima vwange vululu kuvo.

Ezekieli 22:21 ပူးပေါင်းရင်းမြစ်များ

2 Avami 25:9

Yasamba Litembeli lia Yahova, inyumba yu vwami, harara ni zinyumba zia avandu vanene mu Jerusalemi,

Zaburi 112:10

Mundu mudamanu alolaa yaga ma avihilirwa ligali; alumanyia amiinu kumanyia livihirirwa linene ma agota. Liegomba liu mundu mudamanu lilava hazwa.

Zaburi 21:9

Alavadiviza kuli muliru gusambaa lwa alolekaa, Yahova alavamira vugara mu vutima vwivwe na umuliru gulavasamba.

Zaburi 50:3

Nyasaye wiitu yaazaa nu mufuumu munene, muliru munene gwadukaa imbiri weve, ku zimbega zizie ziosi, alolekaa kuva kuli ikiihi kenene ligali.

Zaburi 68:2

Kuli mwochi guhuzangwa ihale, nindio akungaa avasigu veve. Kuli ihura isalulukaa imbiri wu muliru, nindio avachamu vakuza imbiri wa Nyasaye.

Isaya 30:33

Mu madiku ga kale, havundu haloombwa hukusambira mwami wa Asiria nu muliru munene. Haveeye havundu havambalaru kandi hazia musi, vaviika mu zingu zinyingi ligali. Mwika gwa yahova gulava kuli lomemo gwu kuhambiza muliru.

Isaya 64:2

Vigulu viladegela kuli amazi gatavagira ku muliru gudidimaa. Hamba uvuli zinguru zizio zinene ku vasigu vovo, kandi okole zihiiri zidegere imbiri woovo!

Isaya 64:7

Siaveeye ho mundu kali mulala usaala ku lieta liilio mba, anoho mundu kali mulala uzaa ku ivi anyoore ovokonyi mba. Ivi umali kwivisa kutura ku kunyi kandi umali kokoleka kigira uvwoni vwitu.

Jeremia 21:12

O, Ivisukulurwi via Daudi, yaga nigo aga Yahova avoora: Mukore vulungi vuli lidiku ohonyie oyo umali kunuurwa kutura mu zinguru ziavadambizi, gase vutima vwange vulaloleka kandi vulaaka kuli muliru kigira uvudamanu vwamumali kokora. Namusambwe nasialavaho na mulala ulisiminya mba.

Jeremia 8:13

“Ndeenya kuviika avandu vange harara kuli umulimi avungiza ligesa lilie harara navuzwa vaveeye kuli mizabibu vugira amakuyu; kali amatu gene gamali kuniara. Kulwayago, mali kuvugilira avageni kuvugura kivala chavo.”

Jeremia 9:7

Kigira yaga Yahova Wuvunyali avoora, “Inzi ndatakasa avandu vange kuli kivia kandi ndavageriza Avandu vange vamali kokora uvudamanu, nikindiki kindi ichanyala kokora?

Ezekieli 21:31

Vutima vwange vululu vulamusaliriza kuli muliru. Ndakuvika mu makono gavandu valulu avamanya kudiviza ligali.

Nahum 1:6

Lwaveeye nu vutima, nivwaha unyala kohononoka? Nivwaha unyala kwikuzira ku vutima vwivwe vululu? Aviikaa vutima vwivwe ku vandu kuli lomemo lwu muliru, kandi yatanyia zinyanda imbiri weve.

Zefania 1:18

Ku lidiku yilio lwa Yahova alakamanye vutima vwivwe vululu, kali zifeza ni zizahabu ziavo ziosi sizilakavahonye mba. Muliru gwu vutima vwivwe gu lakadivizi kivala choosi. Nonoho alakaleete keheri ku vuli mundu woosi omenyi ku lirova.

Kwidzulitsa 29:20

Yahova sialasamiiha mundu kuli uyu. Mu vogono yivwo, vutima vusamba vwa Yahova vulaaka kuye, kandi kivi chi vilaamo viosi viang'odwa mu kitabu yiki vilamugwira kuduuka lwa Yahova asiminya lieta lilie kutura mu lirova yili.

Kwidzulitsa 32:22

Vutima vwange vuladuuka kuvo kuli muliru kandi vulasaamba vindu viosi ku lirova. Vuladuuka isi wikivala vakuzu nu kuhakiza misingi ji vigulu.

Kwidzulitsa 4:24

kigira Yahova Nyasaye winyu aveeye kuli muliru gusambaa. Aveeye Nyasaye we likendeka.