Ezekieli 22:2 - KITABU KITAKATIFU

² Yavoola, “Mwana wu Mundu, ivi oveeye mwetegeku kukalagira avandu vi lidaala linene iliveeye navandu aviti vanyingi? Uvavoolere vulahi vindu viosi viukuvihiliriza viavamali kokora.

Ezekieli 22:2 ပူးပေါင်းရင်းမြစ်များ

2 Avami 21:16

Mwami Manase yita avandu vanyingi ligali avaari vugira kisaalia, kuduuka kali zinzira zia Jerusalemi zidorokaa amasahi; yakola yaga komeeda ku limilira avandu vi Ivuyuda mu lisigamira vifananyi navakola kokora uvwoni imbiri wa yahova.

Isaya 58:1

Yahova avoora, “Hanzuka vudinyu ligali kuli unyala! Kuba ulwanga kuli kisiriva! Wilwaziri avandu vange - Isiraeli mahiolo gaavo. Volera visukululwi via Yakobo uvwoni vwavo.

Jeremia 2:30

Ndaamuha amageri, navuzwa yago goosi sigali kindu ku munyi mba. Simwambugirira kumulungikiza mba. Kivavi chiinyu aveene kimali kwita avaporofeti vinyu, kuli isimba induru yukwononyia.

Jeremia 2:34

Mumali kwita vandu vadaka avataveeye nimbala; si mwavanyoola ni vaveeye a viguliri kandi a vivi mba. “Navuzwa mu likora yaga goosi, muvooraa,

Ezekieli 11:6

Munyi mumali kwita vandu vanyingi mu lidaala linene yili kunangwa miviri javakuzu jizuyi muzinzira du.

Ezekieli 20:4

“Mwana wu Mundu, oveeye mwetegeke kuvakalagira? Maku kola ndio, uvizulizi uvudamanu vwa vababa vaavo vaakora.

Ezekieli 22:1

Yahova yamoloma ninzi.

Ezekieli 22:3

Ovoolere avandu vi lidaala linene aga Inzi, Yahova Wuvunyali, mboraa: Kigira munyi mumali kwita avandu vinyu vanyingi kandi mumali kweyonogonyia mulisigamira ivifananyi, ing'inga yinyu yokohevwa mageri yiza.

Ezekieli 24:6

Yaga nigo ga Yahova Wuvunyali avoora: “Kivi keveeye ku lidaala linene lia valumindi! Liveeye kuli inyingu yi zisisinia itanyala kwogizwa mba. Vidonye vie zinyama vimali kutulizwa muyo, kandi sikeveeye ho kedonye kali kilala ikimali kutigala mu mba.

Ezekieli 24:9

Yaga nigo ga Yahova Wuvunyali avoora: “Kivi keveeye ku lidaala linene lia valumindi! Inzi mwene ndavungiza zinganya zie zingu!

Ezekieli 9:9

Nyasaye yativura, “Avandu va Isiraeli na vandu vi Ivuyuda vamali kokora vwoni vudamanu ligali. Vamali kwita vandu mu kivala choosi kandi vamali kuviika likalaga litaveeye lirungi mu Jerusalemi. Vavoola ndi inzi Yahova, mali koleka kivala chavo kandi si mbalolaa mba.

Hosea 4:2

Valomba malagano kandi sivatwekizaa mba. Vavoola vovehi, vita, viva, kandi vakora voheyi. Zimbi ziamedeka, kandi iliitana liveeye linyingi ligali.

Nahum 3:1

O, vayaayi, kivi keveeye ku lidaala liu vugadi kandi lilumindi! Liizula vutugi vunyala kulanywa kandi kuvugulwa!

Matayo 23:35

Kulwa yaga, amaduywa goosi galava ku munyi kigira amasahi ga valungi agaatahizwa mu lirova. Yee, kutura ku liitwa lia Habili utaali na mahiolo kuduuka ku liitwa lia Zakaria, umwana wa Berekia, wa mwitira hagati hi Litembeli nu vwali.

Matayo 27:25

Avandu vosi vavoola, “Amasahi geege gave ku kunyi, kandi ku vana viitu!”

Luka 11:50

Kunangwa likula yili lilakanyoole mageri kigira masahi gavaporofeti agasunduka kutura mulitanga lie lirova,

Vikolwa 7:52

Yaali ku ho nu muporofeti wa avaguuga vinyu vavura kudambiza? Vita avatumwa va Nyasaye, avalandiza ku maziambiri iliiza liu Mutumikiri mulungi. Na kalunu, munyi mumali kumuzaama nu kumwita.