Ezekieli 22:18 - KITABU KITAKATIFU

¹⁸ “Mwana wu Mundu, avandu va Isiraeli si vaveeye kindu ku Inzi mba. Vaveeye kuli izahabu, mugasa kandi kivia kimali kwoneka lwi ifeza imali kutulwa mu muliru.

Ezekieli 22:18 ပူးပေါင်းရင်းမြစ်များ

Zaburi 119:119

Ivi usiuvaa avadamanu vosi vu mu lirova kuli amandu vuzwa, kunangwa inzi nyanza amigizu googo.

Tsing'ano 17:3

Izahabu ni ifeza zigelizwa kuvitira mumuliru, kandi Yahova agerizaa mwoyo gwu mundu.

Tsing'ano 25:4

Nutuliza mandu ku ifeza ma uhaane kumutuli, muturi uyu alalomba kindu keveeye kilahi ligali kutura ku mandu yaga.

Isaya 1:22

Jerusalemi, ivi waali kuli ifeza ku ing'inga ndala, navuzwa kalunu sioveeye novokoonyi mba; waali kuli iwaini indahi, navuzwa kalunu oveeye vuzwa amazi.

Isaya 1:25

Ndamuha amageri. Ndamutakasa vuzwa kuli kivia kitwulwa vulahi, kandi ndatuliza uvudamanu vwinyu vwosi.

Isaya 31:9

Mwami wavo aliruka mu vuti vonene, na vatumikiri valatiihizwa nokoleka ibendera yaavo yu vulwani.” Yahova wukusigamirwa mu Jerusalemi, kandi wu muliru gwadukaa yo kigira visiuviliru - Yahova umali kovora.

Isaya 48:10

Inzi mali kumugeriza mu muliru gwu kusaliriza, kuli ifeza isiyangwa mu muliru, navuzwa mali kunyoola ndi munyi simuveeye kindu mba.

Isaya 48:4

Inzi ndaamanya ndi munyi mulaloreka kuva avahindagirizi, kandi avi mitwi midinyu kuli kivia kandi mugasa.

Ezekieli 22:17

Yahova yamoloma ninzi kandi yavoola,

Ezekieli 22:19

Kunangwa kalunu Inzi, Yahova Wuvunyali, mbavooleraa ndi, vaveeye vuzwa kuli kindu kitakonya. Inzi ndavaleta vosi harara mu Jerusalemi,

Ezekieli 22:20

munzira indara nzere yamagina gizahabu, kivia kandi mugasa vivikwa mu muliru kutulwa. Vutima vwange vululu vulavayingura kuli muliru guyingura magina.

Danyeli 3:6

Mundu woosi uvula ku chinamira kandi kukisigamira, alasuuvwa mu lomemo lwu muliru.”