Ezekieli 22:14 - KITABU KITAKATIFU

¹⁴ Na musuuviraa mulazizagilira kuva nuvuluviliri anoho mulava ni zinguru mulidiku lia namudivizi? Inzi Yahova mali kovora kandi ndakakole ndio.

Ezekieli 22:14 ပူးပေါင်းရင်းမြစ်များ

Ayubu 40:9

Oveeye ni zinguru kuli ziange? mwoyo gugwo gunyala kwatuluruka vudinyu kuli gwange?

Isaya 28:22

Mutaseki lieganihiza lia muheezaa mba! Niiva mulakola ndio, vulave vudinyu ligali ku munyi kohononoka. Mali kuhulira litovola lia Yahova Wuvunyali aganagana kudiviza kivala choosi.

Isaya 31:3

Avandu va Egebeti sivaveeye vanyasaye mba, navuzwa vaveeye vuzwa avandu. Zibarasi ziavo si ziveeye roho mba, navuzwa ziveeye izinyama. Lwa Yahova ahaanaa amageri, ihiiri eveeye yi zinguru ilikigatala, kandi ihiiri eveeye endedekele yakonywa ilagwa. Vombi valadivizwa.

Isaya 45:9

Yahova avoora, “O, kivi keveeye ku uyu uhing'anaa nu mulombi weve! Aveeye kuli lidohi lio kolonga inyingu mu makono gwu mulongi! Lidohi linyala koteeva mulongi, ‘Olomba kindiki?’ Anoho inyingu inyala kovoolera mulongi ndi, ‘Miyinzi jije sijiveeye milahi mba?’ ”

Jeremia 13:21

Mulakavoole ki lwa avandu va mwaganagana vaveeye avalina vinyu vamuguuta nukukwamiiha? Mulakave muvuzunu kuli vwumukali yenya kwivura.

Ezekieli 17:24

Misaala josi mu kivala jilamanya ndi Inzi mbeeye Yahova. Inzi ndemaa misaala mitambi kandi ngola misaala mimbi jiviruka kandi jitambiha. Nduminyaa misaala mivisi, kandi ngora misaala miumu kugwa mivisi. Inzi Yahova mali kovora kandi ndakora agaamali kovora ndakora.”

Ezekieli 21:7

Lwa vakoteeva kigira ki okenyaa, uvavoolere ndi nikigira amakuva mageni gaazaa. Lwa nagaaze, navave nuvuti ligali, makono gaavo nagave madedekere, valavula kuva nu vuluviliri kandi amalu gaavo galadegera. Ing'inga imali kuduuka; eveeye hano.” Yahova Wuvunyali umali kovora.

Ezekieli 23:34

Ulanyora mageri gokoheleriza, kali kuduuka umanyuli liisu liilio mu vovereri ligali. Inzi Yahova Wuvunyali mali kovora.”

Ezekieli 24:14

Inzi Yahova Wuvunyali, mali kovora. Ing'inga imali kuduuka kokora kekolwa, si ndagilung'anyia zing'anagani ziange kigira uvwoni vwinyu mba, anoho si ndamuverera mba. Ndamuha mageri ku aga mumali kokora.” Yahova umali kovora.

Ezekieli 28:9

Lwa vaza kukwita, ulazizagilira kovora oveeye nyasaye imbiri wavo? Si ulava nyasaye mba, navuzwa ulava mundu vuzwa imbiri wa yavo avakwita.

Ezekieli 36:36

Maku zihiiri ziatigala ahimbi zilakamanye ndi, Inzi Yahova, mali kwumbaka vuhia madaala goosi agaali ni gatigala mang'anye, kandi mali kulima nukutaga milimi jaali nijatigala hazwa. Inzi Yahova mali kulaga, kandi ndakora.”

Ezekieli 5:13

“Maku uvutima vwange uvululu vulava ku munye kuduuka lwa neminywa mwoyo. Lwayaga goosi gakolekaa, mulamanya ndi Inzi, Yahova, mali komoloma ku munyi kigira mbeeye nu vutima na munyi mulivula kuva avasuuvirifu.

Ezekieli 6:10

Navamanye ndi Inzi mbeeye Yahova; Inzi si ndatiihiza vugira koleta kivi kenene yiki kuvo mba.”

Ezekieli 7:17

Makono ga vuli mundu galakaleme na amalu goosi galakave madedekere kuli amazi.

Joeli 2:11

Yahova ahaanaa malago ku avasikari veve. Amahi gu vulwani agamuhuliraa gaveeye manyingi kandi agizingulu. O, lidiku lia Yahova liveeye liukutihiza ligali! Ivwaha ulihononoka kulio?

Malaki 3:2

Navuzwa nivwaha unyala kwikuzira kulindilira ku lidiku yilio lwaliza? Nivwaha ulakahononoke lwa aliloleka? Alakaze ni zinguru kuli Isavuni, kandi kuli muliru gwu kutura kivia.

Marko 13:31

Ligulu ni lirova vilavita navuzwa amakuva gange sigalavita mba.

1 Vakorintho 10:22

Anoho ilienya lietu liveeye ndi kokole mwami akendeke, kunyi si koveeye ni zinguru kumuvita mba.

Vahebraina 10:31

Keveeye kindu chu kutihiza ligali kugwa mu makono ga Nyasaye oveeye mwoyo.

1 Samweli 15:29

Nyasaye Wuvunyali, wa Isiraeli siaveehaa kandi siagirunganyia zing'anagani zizie mba. Siaveeye mundu kandi sianyala kugirung'anyia zing'anagani zizie mba.”