Ezekieli 22:10 - KITABU KITAKATIFU

¹⁰ Valala kuvo vagona navakari va vababa vaavo. Valala vatumikira zinguru kogona navakari ing'inga lwa vaziyi mu mweli.

Ezekieli 22:10 ပူးပေါင်းရင်းမြစ်များ

Litanga 35:22

Lwa Yakobo yaali na menyi mukivala yiki, Rubeni yaali harara na Biliha, mulala ku vakali vatumikiri vababa weve. Lwa Yakobo yahulira makuva yaga, yavihilirwa ligali. Yakobo yaali na vayaayi 12:

Litanga 49:4

Ivi oveeye kuli migelera ja mazi gafuriana; Navuzwa si ulava munene mba, kigira waali harara nu mukali wange umbika. Kandi wononyia kidali cha baba woovo.

1 Kyetsinyinga 5:1

Yivi nivio visukululwi via Rubeni, muyaayi munene wa Yakobo. Rubeni yagotiza vonene vwivwe vwi livulwa, kuli muyaayi wu kutanga na vonene yivwo vwaheevwa Josefu. Kigira yaheya na mulala ku vakali vaviikwa vababa weve.

Ezekieli 18:6

Mundu uyu siasigamiraa vifananyi via vandu va Isiraeli anoho kulia visiuviliru ku vigulu mba; anoho si yonogonyaa mukali wu mutende weve anoho kulia visiuviliru ku vigulu mba; anoho siagonaa nu mukali mu madiku geege gu mweli mba.

Kyavalevi 18:19

Utaheya nu mukali lwa veeye mu ing'inga yeye yu mweli mba kigira aveeye mudamanu.

Kyavalevi 18:6

Mundu woosi ataheya nu mwiko weve mba. Inzi mbeeye Yahova.

Kyavalevi 20:11

Niiva umundu ava harara nu mulala ku vakali vababa weve, oyo umali kuhaana zisoni ku baba weve. Yava vombi kuduuka viitwi. Sivaladula umundu ku likuza liavo mba.

Kyavalevi 20:18

Niiva musaza agona numukali mu ing'inga yeeye yumweli, kuduuka vombi vakungwi kutura hagati ha vandu vaavo kigira vamali kuvunanyia malago.

Amosi 2:7

Vaduvagira, hasi vandu avadedekere na vanyilizaa nukulumba avadaka vatuli kunzira. Mundu na baba weve vagona numukaana mutugwa mulala mwere. Nandio vonogonyiaa lieta liange litakatifu.

1 Vakorintho 5:1

Kalunu gamali kulanda ligali ndi muveeye ni kifavwi cho voheyi hagati hinyu. Voheyi voveeye vudamanu ligali kuvita kali uvundi vwosi vutaveeye ku hagati ha yavo avatamanyi Nyasaye. Mali kovoolerwa ndi, umundu aheyaa na mama weve wakaviri.

Kwidzulitsa 27:20

“ ‘Alaamwe oyo ogonaa numukali wa baba weve, kigira umali kuviika baba weve mu zisoni!’ “Avandu vosi valavoora, ‘Amini!’

Kwidzulitsa 27:23

“ ‘Alaamwe oyo ogonaa na navizara weve.’ “Avandu vosi valavoora, ‘Amini!’