Ezekieli 21:7 - KITABU KITAKATIFU

⁷ Lwa vakoteeva kigira ki okenyaa, uvavoolere ndi nikigira amakuva mageni gaazaa. Lwa nagaaze, navave nuvuti ligali, makono gaavo nagave madedekere, valavula kuva nu vuluviliri kandi amalu gaavo galadegera. Ing'inga imali kuduuka; eveeye hano.” Yahova Wuvunyali umali kovora.

Ezekieli 21:7 ပူးပေါင်းရင်းမြစ်များ

2 Samweli 17:10

Ahene yaho, kali avasaza valuviliri kuvita vosi, avataveeye nuvuti kuli zisimba, valatia kigira avandu vosi mu Isiraeli vamanya ndi baba woovo nu musikari mululu wi liihi kandi avandu vasaza veve vaveeye avalwaani vadinyu kandi avaluviriri.

2 Avami 21:12

Na kigira yaga, Inzi, Yahova Nyasaye wa Isiraeli, ndaleta ikivi ku Jerusalemi kandi Ivuyuda, na mundu woosi uhulira amakuva gi kivi yiki alahuga.

Zaburi 58:7

Na vagote kuli amazi gavitaa vwangu; leka vaduvagwe kuli indiva kunzira.

Kutwula 15:15

Aviimiliri va Edomu vadegeliziywi. Avasaza vizingulu va Moabu vadegera; avandu va Kanaani vagotizi vuluviliri vwavo.

Isaya 13:7

Amakono gaavo galava amadedekere, kandi valakuza mioyo jaavo.

Isaya 28:19

Kilamuduya vuli ing'inga, vuli mugamba. Kuduuka mwikuziri kucho mbasu nuvudiku. Vuli likuva lihia kutura ku Nyasaye lilakaleete uvutihizi vonene!

Isaya 35:3

Haana zinguru kumakono galuhi kandi ku amalu gadegeraa kigira vodedekere.

Isaya 7:2

Lwi likuva liaduuka ku mwami wi Ivuyuda ndi, amahi ga Siria gaali ni gaveeye mu kivala cha Isiraeli, oyo harara na vandu veve vosi vatimukwa engolo nokodegera kuli misaala jihunguzwa nimbuuza.

Jeremia 26:12

Kunangwa ndaavoora, “Yahova yanduma nandizi vindu viosi viamwahulira nembora kigira Litembeli kandi nilidaala yili.

Jeremia 49:23

Yaga nigo aga Yahova yavoola kigira Damasiko: “Avandu mu madaala ga Hamazi na Aripadi vaveeye mulihenda mioyo kandi mulinyangizwa kigira vamali kuhulira amakuva madamanu. Vakukuza mioyo nukunyangizwa kuli inyanza itaveeye novosoosi.

Jeremia 50:43

Mwami wa Babiloni uhuliyi makuva mageni, kandi makono geege sigaveeye nizinguru kali hakuzu mba. Umali kugumirwa muvuzunu, uvuzunu kuli vwumukali oveeye mu lilumwa liu mwana.

Jeremia 8:18

Ovovereri vwange si vunyala kohonywa mba; mwoyo gwange gulwaye.

Lisyoma lya Jeremia 5:17

Kigira yaga mioyo jiitu jiveeye midedekere; kigira ivindu yivi zimoni zietu zizengeye.

Ezekieli 20:49

Maku ndaavoora, “O, Yahova Wuvunyali! Avandu vavoola ndi, uyu aveeye mundu omoloma mu zing'ano?”

Ezekieli 21:15

Yaga gakoraa avandu vange kogeeha vuluviliri kandi kwikigatira. Inzi ndihizaa avandu vi lidaala liavo ni kivavi kehemahemaa kuli loheni kandi chetegeki kwita.

Ezekieli 21:6

“Kunangwa okenye, Mwana wu Mundu! Okenye imbiri wavo nu mwoyo mudedekere kandi novovereri vunyingi ligali.

Ezekieli 21:8

Yahova yambolera,

Ezekieli 22:14

Na musuuviraa mulazizagilira kuva nuvuluviliri anoho mulava ni zinguru mulidiku lia namudivizi? Inzi Yahova mali kovora kandi ndakakole ndio.

Ezekieli 24:19

Maku avandu vandeva, “Unyala kokovoolera makuva yaga gaveeye na kivuni ki ku kunyi, kigira nokora kuli ndio?”

Ezekieli 6:2

Yavoola, “Mwana wu Mundu, henza kuvigulu via Isiraeli ma ovoolere avandu makuva gange.

Ezekieli 7:17

Makono ga vuli mundu galakaleme na amalu goosi galakave madedekere kuli amazi.

Ezekieli 7:26

Kivi kenene kilaaza vuli kase kandi ulusuma lwa makuva govovehi lulaza. Valageliza konyoora malola kutura ku muporofeti; liegiza lielilaga navasaalisi lilagota, kandi lihaana zing'anagani kutura ku vakulundu lilagota.

Danyeli 5:6

Maku ligodo lilie lia girung'ana, kandi zing'anagani zizie ziagota, vivero vivie viadegera kandi amalu geege gakubagana.

Kyavalevi 26:36

“Ndakora yavo ku munyi avaveeye mu kivala chovogeni, vizuri vuti vonene ligali kali liyoga lie liitu lihuuzwa ni imbuza lilamukola mwiruki zimbiru. Mulanyagula kuli vakungwa mu vulwani; kandi mulagwa lwu musigu ataveeye himbi ni munyi.

Nahum 2:10

Lidaala lia Nineve limali kudivizwa, limali kolekwa kandi litigaye hazwa! Avandu vizuyi uvuti, amalu gaavo gadegeraa, kandi zinguru ziavo zifeye. Mumoni mwavo kusamuka.

Luka 21:26

Avandu valakakindi kigira uvuti lwa vavava nivalindira ikizaa kwekoleka lirova liosi; kigira zinguru ziu muvwerefu zilakalegerizwi.

Kwidzulitsa 20:8

“Avanene vavasikali valameeda kovoolera avasikari vuvulwani: ‘Nivwaha oveeye nuvuti kandi nu mwoyo mudedekere? Nigaveeye ndio, kuduuka yirani yengo weve; Gase mioyo ja avamwavo veve jilakuza kuli mwoyo gwigwe.’

Vahebraina 12:12

Kunangwa gingi igulu makono ginyu gamali kuluha kandi mulungikizi amaru ginyu gamali kodedekera.

Joshua 5:1

Avami vanene va vandu va Amori vosi kolovega lwi imadioli wu mugera gwa Jorodani kandi avami vanene va vandu va Kanaani avivivala viavo viveeye himbi ninyaanza ya Meditareniani vahulira ndi Yahova ukaminyi Jorodani kuduuka lwa vandu va Isiraeli vaali nivakambuka. Vaatia ligali kandi nivagotiza uvuluviliri vwavo kigira avandu va Isiraeli.

Joshua 7:5

Ahene yaho avasaza va Ayi vavakunga kutura mu kirivwa chi lidaala, kuduuka Shebarimu, aha magina gayavwa kandi vita ahimbi vandu salasini na sita kunzira yikisulungutu. Maku vandu va Isiraeli vagotiza uvuluviliri vwavo; kandi vaali nuvuti vonene ligali.

1 Petro 4:7

Keheri chi vindu viosi keveeye ahimbi. Kuduuka kandi mwilinda kandi, mwetegeke kunangwa munyalizi kusaala.