Ezekieli 21:3 - KITABU KITAKATIFU

³ ndi Inzi, Yahova, mboraa: Inzi mbeeye musigu winyu. Inzi ndasomola kivavi change mu chura chacho nu kwita munyi mwosi, avalahi navadamanu harara.

Ezekieli 21:3 ပူးပေါင်းရင်းမြစ်များ

Ayubu 9:22

Goosi gaveeye malala meere; kunangwa mboraa, Nyasaye adivizaa vombi, avalungi na vachamu.

Zaburi 17:13

O, Yahova, hing'ana na vasigu vange na uvaguute! Ombonyie kutura ku avadamanu nikivavi chicho.

Zaburi 80:17

Yaanza osoore avandu vovo avuwamala kotovola, ihiiri ya walomba kuva yizingulu ligali.

Zaburi 83:15

uvakungi ligali ni imbuza yi kiihi, kandi uvatiihizi ligali ni imbuza yooyo yi kihuzuzi.

Kutwula 15:9

Musigu yavoola, ‘Ndavalonderera na ndavagumira, ndagavulanyia vutugi vwavo nu kuvugura viosi viavaveeye navio.’

Kohelethu 9:2

Sihaveeyeho ni liavukana mba. Kivi kilala chere keveeye ku mundu mulungi kandi keveeye ku mundu muchamu, ku mundu mulahi kandi ku mundu mudamanu. Ku yavo avamanya idini, kandi ku yavo vatamanyi idini, ku yavo vahaana visiuviliru kandi ku yavo vatahaana. Mundu mulahi siaveeye mulahi kuvita mwoni mba; uyu wisuhaa siaviti uyu utisuha mba.

Isaya 10:5

Yahova yavoola, “Ivi Asiria! Ndumikila avandu va Asiria kuli imbimbu kuhaana amageri kuyavo avambeeye nu vutima navo.

Isaya 34:5

Yahova umali kwetegekiza kivavi chiche mu ligulu, na kalunu keveeye ahimbi kotema avandu vi kivala cha Edomu, ava Yahova amali kukalagira lidivizwa.

Isaya 57:1

Avandu valahi vakuza kandi siaveeyeho kali uvahenderaa mwoyo mba. Navuzwa lwavakuzaa, kivi sikinyala kuvasaliriza mba.

Jeremia 17:27

Navuzwa kuduuka vatie nu kulinda. Lidiku lie Lisabato kuva Litakatifu, kandi sigavaduukira kuginga misigo nu kwingira mu virivwa via Jerusalemi ku lidiku lie Lisabato mba. Ni vakora ndio ndahambiza muliru nu kusamba virivwa vie lidaala linene, kandi gulasamba zinyumba ziu vwami ziosi zia Jerusalemi kandi si gunyala kusiminywa mba.”

Jeremia 21:13

Munyi avandu va Jerusalemi mwikalaanga hadiguluku hilivona, kuli lwanda lusingilanga igulu mukeleremo. Navuzwa ndalwana ni munyi. Munyi muvolaanga ndi siaveeyeho umundu kali mulala unyala kumwingilira anoho unyala kuvunanyia likingwa lienyu mba.

Jeremia 21:14

Navuzwa inzi ndamuha amageri kigira agamumali kokora. Ndasaamba zinyumba zienyu ziuvwami kandi muliru gulasamba vuli kindu keveeye himbi. Inzi Yahova, mali kovora.”

Jeremia 50:31

“Munyi avandu va Babiloni muveeye niliegingira, kunangwa Inzi, Mwami munene Yahova Wuvunyali mali kumudunyira! Ing'inga imali kuduuka ya inzi namuhe mageri.

Jeremia 51:20

Yahova avoora, “Babiloni, ivi oveeye kuli inyundu yange, kandi ichugi chi iliihi liange. Ndaakutumikira kuduvuranyia zihiiri kandi kudiviza uvwami,

Jeremia 51:25

Babiloni, ivi oveeye kuli kiguru ikidivizanga kivala choosi, navuzwa Inzi, Yahova mbeeye musigu woovo. Ndakuvugura, ngusisuli kuduuka kumalova, ma ngoleke noveeye kuli ligoke.

Ezekieli 13:8

Kunangwa Yahova Wuvunyali avavoolera, “Amakuva ginyu sigaveeye gagiligali mba, kandi malola ginyu gaveeye gu vugadi. Mbeeye nu vusigu nimunyi; kandi

Ezekieli 14:17

“Anoho niiva ndaleta iliihi ku kivala yiki nukutuma iviugi viu kudiviza vandu, harara ni zinyama,

Ezekieli 14:21

Yaga nigo agu Mwami Munene Yahova avoora: “Ndahaana mageri malulu haali kane ku Jerusalemi; ndaleta iliihi, inzara, zinyama ziu muvulimu kandi uvulwaye vudamanu kudiviza vandu ni zinyama.

Ezekieli 21:19

Yavoola, “Mwana wu Mundu uviiki vilolero kuzinzira ziviri ziu mwami wa Babiloni naavitiri mu ni kivavi chiche. Viombi vitangiri mu kivala kilala chere. Kandi olombe kelolero ukiviiki mu vwavukaniru vwi zinzira mu lidaala linene.

Ezekieli 24:9

Yaga nigo ga Yahova Wuvunyali avoora: “Kivi keveeye ku lidaala linene lia valumindi! Inzi mwene ndavungiza zinganya zie zingu!

Ezekieli 26:3

“Kalunu yaga nigo aga Inzi, Mwami Munene Yahova, mboraa: munyi avandu va Tiro, Inzi mbeeye musigu winyu. Ndaleta zihiiri zinyingi kumwingilira, kandi zilaza kuli viguvuli vie inyanza.

Ezekieli 29:10

Inzi mbeeye musigu woovo kandi musigu wumugera gwa Naili. Ndakora kivala cha Egebeti choosi kuva mang'anye, kutura ku lidaala linene lia Migidoli ku lovega lwa Ivaale kuduuka ku lidaala linene lia Aswani kulovega lwi Isavaalu, kuduuka ku zinzako zia Ezopia.

Ezekieli 5:12

Kedonye chu kutanga cha vandu vovo valakuza kigira vulwaye kandi inzara mu lidaala; kedonye kindi cha kaviri valitirwa mu vulwani ichova wi Lidaala, Kedonye cha kavaga chu kumaliriza ndakisalanyia mu imbuza kandi ndavakunga ni kivavi.

Ezekieli 5:8

Kulwayago, Inzi Mwami Munene Yahova muvooleraa ndi, mbeeye musigu winyu. Ndahaana likalaga ku munyi imbiri wi zihiiri ziosi.

Kyavalevi 26:25

Ndaleta vulwani kumuha mageri kuvanza kisaalia kigira livunaganyia lilagana lietu, kandi kali nimuvunga mu madaala manene ginyu kwirukira mirembe, ndatuma zinguzu hagati hinyu zitahonaa mba na galamuniga mwihaane munyi aveene ku avasigu vinyu.

Kyavalevi 26:33

Ndaleta vulwani ku munyi nokumusalanyia muvivala vigeni. Kivala chienyu kilang'anywa na madaala manene ginyu galatigala mang'anye.

Amosi 5:6

Mwenye Yahova, na mulahono. Nimutenya Yahova, aliika hasi ku vandu va Isiraeli kuli muliru. Na muliru gulasamba vandu va Bezeli, nu mundu kali mulala sialagusiminya mba.

Amosi 7:4

Ndaali na malola gandi kutura ku Yahova Nyasaye Wanyala Viosi. Mu malola yago Nyasaye yetegekaa kuha avandu veve amageri nu muliru. Muliru zana gwakaminya inyanza enene isi wi lirova kandi nigutanga lisaamba kivala choosi.

Nahum 2:13

Yahova Wuvunyali avoora, “Inzi mbeeye musigu winyu! Ndakasambe magare ginyu gu vulwani. Avasikari vinyu valakitirwi mu vulwani, kandi ndakavuguli vuli kindu choosi cha mwavugula kutura ku vasigu vinyu. Lienya lia vatumwa vinyu sililakahuliriki kandi mba.”

Nahum 3:5

Yahova Wuvunyali avoora, “Ndakahaane mageri ku munyi avandu va Nineve, ndakamunavuuli na ndakaleke zihiiri zilole viahonyo vienyu mu zisoni.

Zefania 2:12

Yahova alakiti avandu va Ezopia ni kivavi.

Zekaria 13:7

Yahova Wuvunyali avoora, “O, kivavi, vuka ulwaane mwayi wange! Oveeye ahimbi ni Inzi! Kuya mwayi uyu, na magondi galasalanywa. Inzi ndalwaana vimeme viago.