Ezekieli 21:25 - KITABU KITAKATIFU

²⁵ “Ivi mwimiliri muchamu wa vandu va Isiraeli, lidiku liilio lizaa, ing'inga yukumalirika yooyo yokohevwa mageri.

Ezekieli 21:25 ပူးပေါင်းရင်းမြစ်များ

2 Kyetsinyinga 36:13

Zedekia yibaala ku mwami Nebukadineza, uwaali naamunigi yisuhi mu lieta lia Nyasaye ndi alava musuuvirifu kuye. Kigira kirage chiche ya suraa kwiganira kandi kwirana ku Yahova Nyasaye wa Isiraeli.

Zaburi 37:13

Navuzwa Yahova asekeliza avandu vadamanu, kigira, vaveeye ahimbi kuduuka ku lidiku liu kudivizwa.

Zaburi 48:13

Heenzi vulahi ku madigi galio, kandi muhenzerizi zimbinga zialio, kunangwa muladuuki kovoolera likula lizaa ndi:

Zaburi 7:9

Ivi Nyasaye oveeye mulungi, kandi umanya zing'anagani zietu ziosi ni likayirwa lietu. Heriza uvudamanu vwa vandu vadamanu kandi uhaane madanyi malahi ku valungi.

Jeremia 24:8

“Navuzwa Zedekia mwami wi Ivuyuda, harara na avatumikiri veve, kandi na avandu vandi vosi avatigara mu Jerusalemi, avamenyi mukivala yiki anoho avaazia mukivala cha Egebeti, Inzi Yahova ndavakora vosi kuva kuli amakuyu gaveeye amadamanu ligali yaga, agatanyala kuliivwa mba.

Jeremia 49:1

Yaga nigo aga Yahova yavoola kigira avandu va Amoni: “Avasaza va Isiraeli vaveeye hayi? Avulaho mundu kali mulala unyala kukinga kivala chavo? Kigira ki valeka avandu vasigamira Moleki kuvugura kivala chihiiri ya Gadi nokomenya yo?

Jeremia 49:2

Navuzwa ing'inga yiza lwa nangore avandu vi lidaala linene lia Raba kuhulira liyoga liu vulwani, kandi lilava hazwa na amadara gayo galasambwa. Maku avandu va Isiraeli valavugula kivala chavo kutura ku avandu vaali nivakivugura.

Jeremia 51:13

Kivala yicho keveeye ni migera minyingi kandi amaviikiru guvutugi, navuzwa ing'inga yacho imali kuduuka, kandi livamwoyo liacho limali kohera.

Jeremia 52:2

Mwami Zedekia yakola uvwoni imbiri wa Yahova, kuli mwami Jehoyakimu yakola.

Ezekieli 17:19

Kulwayago, Yahova Wuvunyali avoora, “Ligali Inzi kuli mbeeye Nyasaye omenya, ndahaana mageri kuye kigira umali kuvunaga lilagana liayisuuha ku lieta liange.

Ezekieli 21:12

Uliri kandi usiome, Mwana wu Mundu; kivavi yiki keveeye ho kulwa vandu vange, kandi ku vimiliri vosi va Isiraeli. Vazizaa kwitwa harara na vandu vange vandi vosi. Kunangwa ulava novovereri vunyingi ligali.

Ezekieli 21:24

Yaga nigo aga Inzi, Yahova Wuvunyali, mboraa: Uvwoni vwinyu vuvikiywi havulavu. Mahiolo ginyu gamanyikani ku vuli mundu. Mumanyia uvwoni vwinyu mu vuli kindu choosi chamukolaa. Gamuduukira mukalagilwi, kandi inzi ndamuviika ku vasigu vinyu.

Ezekieli 21:29

Malola aga munyi muloraa gaveeye aguvugaadi, kandi vusigitiri vwinyu voveeye ovovehi. Munyi muveeye avandu vachamu kandi vadamanu. Lidiku lienyu liukumalirika kohevwa mageri lizaa. Inzi ndamwita ni kivavi.

Ezekieli 25:5

Ndaza ngirung'anyie lidaala linene lia Raba kuva havundu hukutugira zing'amia, kandi kivala choosi cha Amoni kuva havundu hukutugira magondi, kunangwa munyi namumanye ndi inzi mbeeye Yahova.

Ezekieli 30:3

Lidiku liveeye ahimbi, lidiku lwa Yahova alakahaane mageri. Lidiku lia malesi kandi liu kutihiza ku zihiiri.

Ezekieli 35:5

“Munyi mwali avasigu kazozo ku vandu va Isiraeli, kandi mwaleka avandu nivaviita mu ing'inga yi kivi, ing'inga yu kumaliriza kuhaana mageri kigira uvwoni vwavo.

Ezekieli 7:2

Yavoola, “Mwana wu Mundu,” yaga nigo aga inzi Yahova Wuvunyali mbolera vandu va Isiraeli: Yili nilimalilika lie kivala choosi!

Ezekieli 7:3

“Isiraeli, keheri kimali kuduuka ku munyi. Ndava nu vutima ni munyi, kigira nziza kumukalagira ku agamumali kokora. Ndamukalagira kolondekana ku likora lienyu kandi ndamutunga ku miyinzi jinyu josi jukuvihiliriza.

Ezekieli 7:6

Keheri kiduuki! Keheri kimali kuduuka ku munyi. Munyi mumali kudiva!

Amosi 1:14

Kunangwa ndatuma muliru ku madiji gi lidaala linene lia Raba na gulasamba zimbinga zialio. Lirira linene lilavaho mu madiku gu vulwani ni lifuliana kuli kihuzuzi.