Ezekieli 21:24 - KITABU KITAKATIFU

²⁴ Yaga nigo aga Inzi, Yahova Wuvunyali, mboraa: Uvwoni vwinyu vuvikiywi havulavu. Mahiolo ginyu gamanyikani ku vuli mundu. Mumanyia uvwoni vwinyu mu vuli kindu choosi chamukolaa. Gamuduukira mukalagilwi, kandi inzi ndamuviika ku vasigu vinyu.

Ezekieli 21:24 ပူးပေါင်းရင်းမြစ်များ

Isaya 3:9

Lihenza lie zimoni ziavo lilorekiza kuva liu kuhing'ana. Vamali kokora uvwoni havulavu, kuli lidaala linene lia Sodoma. Vamali kudiva! Vamali kwivika mu vudamanu aveene.

Jeremia 15:2

Lwa vakoteeva wavanyala kuzia, uvavoolere ndi inzi malikovoola: Valala kuvo valakuza kigira vulwaye, wene yeyo niyio wavalizia! Avandi valakuzira muvulwani wene yeyo niyio wavalizia! Avandi valakuza kigira inzara! Na avandi valahirwa kuli avahambe wene yeyo niyio wavalizia!

Jeremia 2:34

Mumali kwita vandu vadaka avataveeye nimbala; si mwavanyoola ni vaveeye a viguliri kandi a vivi mba. “Navuzwa mu likora yaga goosi, muvooraa,

Jeremia 3:2

Henza kuzindongozi zivigulu. Haveeye kuho nahavundu handi hamukikiri kuva avasuuvirifu? Mulindiliraa avayaanze kunzira kuli Muharabu alindiliraa avasigu muchangalangwe. Mumali kwononyia kivala nukuvula kuva avasuuvirifu.

Jeremia 6:15

Vaali nizisoni kigira vakora ivindu viukuvihiliriza yivi? Awa, sivali nizisoni kali hakuzu mba; sivaheendaku mwoyo mba. Kulwayago valagwa kuli avandu vandi vamali kugwa; lwanambahe amageri, yilio nalive limaliriza liavo. Inzi Yahova, mali, kovora.”

Jeremia 8:12

Avandu vange, mwaali ni zisoni kigira mwakora vindu viukuvihiliriza yivi? Awa, simwali nisoni mba sivahendaa mioyo jaavo kali hakuzu mba; si mwamanya kali lwa mwaali mu zisoni mba. Kulwayago, mulagwa kuli avandi vamali kugwa. Lwa mbana amageri ku munyi, yicho kilava keheri chienyu. Inzi Yahova mali kovora.

Ezekieli 21:23

Avandu va Jerusalemi vasuuvira yaga mba, kigira lilagana lia vamali kolomba. Navuzwa lievuula yili lilavizuliza uvwoni vwavo kandi kuviganihiza ndi valakagumilwi.

Ezekieli 21:25

“Ivi mwimiliri muchamu wa vandu va Isiraeli, lidiku liilio lizaa, ing'inga yukumalirika yooyo yokohevwa mageri.

Ezekieli 23:23

Ndaleta avandu va Babiloni vosi, kandi avandu va Kalideli, avasaza kutura Pekodi, Shoa na Koa, kandi na avandu va Asiria vosi. Ndavungiza harara vasoleri vosi avanene vi ligondi lilahi ligali kandi avamihi, avasikari na vanene vandi vosi vi zibarasi avaveeye nu luyali.

Ezekieli 24:7

Avandu va Jerusalemi vaaluminda vandu vataveeye nimbara mu lidaala linene. Sivaveeye avanyala kali kukunika masahi gasunduka ku lirova nuluguki mba.

Hosea 4:2

Valomba malagano kandi sivatwekizaa mba. Vavoola vovehi, vita, viva, kandi vakora voheyi. Zimbi ziamedeka, kandi iliitana liveeye linyingi ligali.