Ezekieli 21:22 - KITABU KITAKATIFU

²² Kalunu! Mukono gwigwe mulungi goveeye nu vuta vwang'odwa ku ‘Jerusalemi!’ Vumuvooleraa azie asingilizi viugi viukusambula kuvilivwa, yumbake vitumi, kandi yumbake minaara jukukumbiliza.

Ezekieli 21:22 ပူးပေါင်းရင်းမြစ်များ

2 Avami 25:1

Mu muhiga gwa tisa gwi liamiiha liu mwami Zedekia, mu mweli gwi likomi, ku lidiku lie likomi; Nebukadineza mwami wa Babiloni yaza harara na vasaza vi liihi lilie vosi kwingilira Jerusalemi, ni valikumbiriza, ni vumbaka amahema gu vulwani ku zinduru zia Jerusalemi.

Ayubu 39:25

Vuli ing'inga, lwi kisiriva kikubangwa, zivoolaa, Aha! Zifunyiriza uvulwani kali nizikikiri ihale, kandi zihulira vanene nivahanzuka kuhaana malago.

Jeremia 32:24

“Avandu va Babiloni vamali kwumbaka vitumi kukumbiriza lidaala linene kandi kuligumira nu kulingilira. Liihi, inzara enene kandi vulwaye vilalomba lidaala linene yili kuva mu zinguru zia avandu va Babiloni. Goosi aga walaga gamali kuduukizwa.

Jeremia 33:4

Inzi Yahova Nyasaye wa avandu va Isiraeli, mboraa ndi, ndasambura zinyumba ziosi zia Jerusalemi kandi ni zinyumba ziu vwami zie Ivuyuda lwa avandu va Babiloni vavakumberiza kandi vavingilira.

Jeremia 4:16

Vamali kuuza kwiganihiza izihiiri kandi kovoolera avandu va Jerusalemi ndi avasigu vazaa kutura mukivala chi ihale. Avasigu yava valahanzuka nu mwoyo mululu ku madaala gi Ivuyuda

Jeremia 51:14

Yahova Wuvunyali umali kwisuuha mwene ndi, alaleeta avasaza avanyingi kwingilira Babiloni kuli muganda gwi zisigi, na valava ni lihanzuka lie liguuta.

Jeremia 52:4

kunangwa Nebukadineza yaza harara navasaza vi liihi lilie vosi kwingilira Jerusalemi ku lidiku lie likomi mu mweli gwi likomi ku muhiga gwa tisa gwiliamiha lia Zedekia. Vumbaka amahema gu vulwani ichova wi lidaala, vumbaka madigi agu kukumbiriza lidaala nukulikinga,

Ezekieli 26:8

Avandu avamenyi mu madaala ku kivala kenene na vitilwi mu vulwani. Musigu alayava malina nukwumbaka vitumi, kandi alumbaka lidigi lidinyu lie inguuva ku munyi.

Ezekieli 26:9

Valakaduyi mu madigi ginyu ni kindu chukusambula nukutuura hasi minaara jinyu ni viugi.

Ezekieli 4:2

Maku, wetegeke kwingilira lidaala yili, olombe zimbinga kulio, olombe kitumi kenene imbiri walio, wumbake mahema imbiri walio, kandi uviiki viduyiru viukusambula kukumberiza lidaala yili.

Ezekieli 5:12

Kedonye chu kutanga cha vandu vovo valakuza kigira vulwaye kandi inzara mu lidaala; kedonye kindi cha kaviri valitirwa mu vulwani ichova wi Lidaala, Kedonye cha kavaga chu kumaliriza ndakisalanyia mu imbuza kandi ndavakunga ni kivavi.

Ezekieli 5:13

“Maku uvutima vwange uvululu vulava ku munye kuduuka lwa neminywa mwoyo. Lwayaga goosi gakolekaa, mulamanya ndi Inzi, Yahova, mali komoloma ku munyi kigira mbeeye nu vutima na munyi mulivula kuva avasuuvirifu.

Amosi 1:14

Kunangwa ndatuma muliru ku madiji gi lidaala linene lia Raba na gulasamba zimbinga zialio. Lirira linene lilavaho mu madiku gu vulwani ni lifuliana kuli kihuzuzi.

Joshua 6:10

Navuzwa Joshua yaali nalagi avandu, “Mutakuba luku lwi liihi, mutavooli likuva kuduuka lidiku lia ndimuvoolera mukore ndio kunangwa mulahanzuki!”

Joshua 6:20

Kunangwa avasaalisi vaakuba visiliva. Nonoho lwa vasaza zana vahulira mwoyo gwi visiliva, nigukuba ku lohono, vahaanzuka nu mwoyo munene ligali, na amadigi gulugaga gaagwa hasi. Maku iliihi liosi lia Isiraeli vanigira kiguru vulungi nokwingira mu lidaala linene nivaligumira.

1 Samweli 17:20

Daudi yavuka mumavwevwe lidiku lialonda ku naleka mwayi wundi amulindili amagondi, navugura chukulia, kandi nazia kuli Jese yaali naamuvoleeye. Yaduuka ahokososa ing'inga ya Avaisiraeli vaali nivaturaa kuzia kuvugura vwiyangu vwi liihi liavo, nivahanzuka uluku lwuvulwaani.