Ezekieli 20:42 - KITABU KITAKATIFU

⁴² Lwa ndakamwiranye mu kivala cha Isiraeli, ichandisuuha kuhaana ku vaguuga vinyu, mulakamanye ndi Inzi mbeeye Yahova.

Ezekieli 20:42 ပူးပေါင်းရင်းမြစ်များ

Jeremia 24:7

Ndavakora vave nuvuha vwu kumanya ndi inzi mbeeye Yahova. Maku valava avandu vange, na inzi ndava Nyasaye wavo, kigira valirana ku inzi ni mioyo jaavo josi.

Jeremia 30:3

kigira ing'inga yiza lwananziranyie avandu vange va Isiraeli na Ivuyuda. Inzi ndakaviranyiri mukivala chandaahana ku avaguuga vaavo, kandi na vavuguli imiandu jiacho. Inzi, Yahova mali kovora.”

Jeremia 31:34

Siaveeyeho kali mulala waza wigizi wache kumanya Yahova, kigira vosi valakamanye inze, kutura kumukekeeke kuduuka kumunene. Inzi ndakasamihi vwoni uvwavo kandi sindakizulizi uvudamanu vwavo mba. Inzi, Yahova, mali kovora.”

Ezekieli 20:15

Kandi ndavisuuhira mwigendanyama ndi, sindavahila mu kivala chandaali nindavaha mba, kivala kenoru kandi kigunamu ligali, kivala chaali kilahi ligali kuvita vivala vindi viosi.

Ezekieli 20:38

Ndatuliza hagati hinyu yavo avaveeye vukwibaara kandi avoni nu kuvahila ihale ligali. Ndavatuliza muvivala viavamenyimu kalunu, navuzwa si ndaleka viirane mu kivala cha Isiraeli mba. Maku mulamanya ndi Inzi mbeeye Yahova.”

Ezekieli 20:44

Mulakamanye ndi Inzi mbeeye Yahova, lwa namukolere vulahi kigira lieta liange. Sinangole ndio kolondekana nu vudamanu vwinyu, anoho uvuchamu vwinyu mba, O, munyi avandu va Isiraeli.” Mwami Munene Yahova umali kovora.

Ezekieli 20:6

Ku lidiku yilio lwa ndaavalaga ndi ndavatuliza mu kivala cha Egebeti nu kuvahila mu kivala cha ndaali nimbatovoleye, kivala kenoru kandi kigunamu ligali, kivala chaali kilahi ligali kuvita vivala vindi viosi.

Ezekieli 24:24

Maku ndakave kelolero ku munyi; na mulakakole vuli kindu choosi cha mali kokora. Yahova avoora ndi, lwa yaga galakekoleke, mulakamanye ndi aveeye Yahova.”

Ezekieli 26:13

Ndaheriza zinyimbu zienyu zieliyoga, kandi zinyimbu zienyu ziuvukana; si zilahulirika kandi mba.

Ezekieli 34:13

Nangatulizi muvivala vigeni, nukugavungiza harara, kandi nangalete mu kivala chago ageene. Ndakagimiliri kuzia mu vigulu kandi mu togera twa Isiraeli kandi na ngayizi mu vwayiru vulahi.

Ezekieli 37:21

Maku uvavoolere ndi, Inzi Yahova Wuvunyali, nziza kuvugura vandu vange kutura mu zihiiri wa vaali nivamali kuzia, ndavavungiza harara, kandi ndaviranyia mu kivala chavo.

Ezekieli 37:25

Valakamenye mu kivala cha ndahaana ku mutumikiri wange Yakobo, kivala cha vaguuga vaavo vamenyamu. Valakamenyeyo mihiga ni mihiga harara na vana vaavo kandi ni visukululwi viavo viosi. Mwami kuli mutumikiri wange Daudi alakavamiihi mihiga ni mihiga.

Ezekieli 38:23

Munzira kuli yiyi, namanyie zihiiri ziosi ndi, inzi mbeeye munene kandi mbeeye mutakatifu. Valakamanye ndi inzi mbeeye Yahova.”

Yohana 17:3

Livamwoyo litahera mba liveeye kovora limanya ivi, Nyasaye wiligali yeng'ine, kandi kumanya Yeso Kristo, uwa ivi watuma.

1 Yohana 5:20

kandi kumanyi vulahi Mwana wa Nyasaye umali kuuza kandi umali kukuha limanyiriza ku kuduuki kumanya Nyasaye wiligali. Kunyi komenyi muvuhambani na Nyasaye wiligali muvuhambani nu Mwana weve Yeso Kristo. Uyu niyie Nyasaye wiligali kandi yili nilio livamwoyo litahera mba.