Ezekieli 20:40 - KITABU KITAKATIFU

⁴⁰ Mu kivala yicho, ku kiguru change kitakatifu, kiguru cha Isiraeli kitambi, munyi mwosi avandu va Isiraeli mulakasigamiri. Ndakamuvugiliri kandi ndaakayanzwi ni munyi koleta ku Inzi visiuviliru vienyu, Isadaka yinyu indahi ligali kandi vihaanwa vienyu vitakatifu.

Ezekieli 20:40 ပူးပေါင်းရင်းမြစ်များ

2 Samweli 24:23

Arauna yaaluhaana lwosi ku mwami namuvolera, “Yahova Nyasaye woovo avugiliri kihanwa chicho.”

Zaburi 2:6

Yahova avoora, “Mali kwamiihiza mwami wandatovola, ku Ziyoni, kiguru change kitakatifu.”

Isaya 56:7

“Ndamuleeta muduuki mu Ziyoni, kiguru change Kitakatifu, ndamuha uvusangari munyumba yange yilisaala, kandi ndavugilira visiuviliru vienyu via muhaanaa ku vwali vwange. Litembeli liange lilalangwa inyumba yilisaala ku vandu vi zihiiri ziosi.”

Isaya 60:7

Chayo cha amagondi goosi ga Keda kandi Nebaiozi; galaletwa ku munyi kuli visiuviliru, kandi galahaanwa ku vwali kuyaanziza Yahova. Yahova alalomba Litembeli lilie kuva liu vukumi ligali kuvita maziambiri.

Isaya 66:20

Valaleta avamwavo vinyu vosi kutura mu zihiiri ziosi vave kuli kihanwa ku inzi. Valaletwa ku kiguru change kitakatifu mu Jerusalemi, ni vagingiywi ku zibarasi, amagare gu vulwani, zibunda, zisukiri, kandi zing'amia, kuli avandu va Isiraeli valeta uvuswage mu viju ivilahi kuli kihanwa mu litembeli liange.

Isaya 66:23

Ku vuli lilia liu mweli muhia, kandi ku vuli lisabato, avandu vosi vi ihiiri valaza kusigamira mu lidaala linene lia Jerusalemi,” Yahova avoora.

Jeremia 31:12

Valakaze kandi valakimbi nuvusangali ku kiguru cha Ziyoni kandi valayanzilira vihaanwa viange - vihaanwa viu vuzwage ni iwaini na maguta, vihaanwa via amagondi ni zing'ombe. Navave kuli mulimi gwa samwa vulahi; valanyora vuli kindu choosi cha venya.

Ezekieli 17:22

Yaga nigo ga Yahova Wuvunyali avoora: “Inzi mwene ndavugura esonga yu mudaragwa mutambi na; ndavunaga esonga endoto kutura kulusia; ndagisimika ku kiguru kitambi ligali.

Ezekieli 17:23

Ndagusimika kukigulu cha Isiraeli kitambi ligali. Gulasivuka zisia kandi gulama makuyu gulava mudaragwa mulahi ligali. Zinyama zing'ano ziosi zilamenya isi wagwo, kandi amanyonyi zing'ano ziosi zilalomba zinyumba mu zisia ziagwo.

Ezekieli 28:14

Ndaatovora engelosi yukutihiza ningekola kuva mulindi woovo, wamenya ku Kiguru change kitakatifu. Kandi wagenda hagati ha magina gu muliru.

Ezekieli 40:2

Mu malola, Nyasaye yambira mu kivala cha Isiraeli ma niyaambika ku kiguru kitambi. Ndaalora zinyumba imbiri wange zialoleka kuli Lidaala linene.

Ezekieli 43:12

Yili ni lilago lie Litembeli: Havundu hi Litembeli yili, kosonga yi kiguru, halava Hatakatifu.”

Ezekieli 43:27

Lwa madiku yaga gamalilika, maku kutura ku lidiku lia munane, avasaalisi valahaana ku vwali vihaanwa viu kusambwa kandi vihaanwa vie mirembe. Maku inzi ndavavugilira. Inzi Yahova Wuvunyali mali kovora.”

Obadia 1:16

Avandu vange vamali konyoora mageri amalulu ligali ku kiguru change kitakatifu. Zihiiri ziosi ziveeye ahimbi zilanyoola mageri, zilazizagilira konyoora mageri malulu ligali. Ziosi zilanyoola mageri goosi nukudiva ligali.

Zefania 3:11

Ing'inga yene yeyo avandu vange sivalakave mu zisoni ziu kuganagana ndi vayibaala kuinzi mba. Ndakadivizi vuli mundu woosi oveeye ni liegingira kandi lielola. Simulakibaale kuinzi kukigulu change kitakatifu kandi mba.

Malaki 1:11

Avandu kutura kundulu kwi kivala kuduuka kundulu vahaana luyali ku inzi. Vasambira vuli havundu hoosi kimuli, kandi vahaana visiuviliru vivugilikaa ku inzi. Vosi vahaana luyali ku inzi!

Malaki 3:4

Maku vihaanwa via vandu vi Ivuyuda na Jerusalemi valeta ku Yahova, vilakave viu kumuyanziza kuli vialaange mu madiku ga kale.

Varumi 8:23

Si viveeye vindu viosi vienyine ivikenyaa nilizunwa; navuzwa kali kunyi ava koveeye na Roho oveeye kuli vihaanwa via Nyasaye viukutanga. Kokenya aveene musi, nikulindirira Nyasaye akokole avana veve, kandi akovoholore mu liiva lietu liosi.

Vahebraina 13:15

Gendi kuvitiri mu Yeso, kuhaane ku Nyasaye kisiuviriru chi lizominya lietu kazozo, agaveeye kovora, kisiuviriru kihaanangwa ni minwa jiyama lieta lilie kuli Mwami.

1 Petro 2:5

Munyi muveeye, kuli amagina ga veeye mwoyo, agumbakiywi kuva Litembeli Litakatifu, kuva avasaalisi vatakatifu, avahaana ivihaanwa via Roho, ivivugilirwa imbiri wa Nyasaye mu Yeso Kristo.

Likunula 12:1

Kelolekizu kenene chokogenyia chaloreka mwigulu. Yaali ho numukali wi inguvu yeeye yaloleka kuli liuva, numweli gwaali isi wi virenge vivie. Kandi yavikwa itaji yi zing'ereng'ani likomi na ziviri kumutwi gwigwe.

Likunula 21:10

Ndaali kandi mu Roho, na engelosi yang'inga nimbila mu kiguru kenene kandi kitaambi. Yamanyia Jerusalemi, Lidaala Litakatifu likaa kutura mwigulu ku Nyasaye.