Ezekieli 20:39 - KITABU KITAKATIFU

³⁹ Yahova Wuvunyali avoora, “Kalunu munyi mwosi avandu va Isiraeli, muzie mundu mulala samulala atumikiri vifananyi vivie! Navuzwa mwiganihizaa ndi, inyima wa yaga, mulatia Inzi kandi mulalekera kwonogonyia lieta liange litakatifu nu kuhaana vihaanwa ku vifananyi vienyu.

Ezekieli 20:39 ပူးပေါင်းရင်းမြစ်များ

2 Avami 3:13

Elisha yavolera mwami wa Isiraeli, “Kigira ki ngokonye? Zia uteeve avaporofeti yavo ava baba na mama woovo vateeva.” Navuzwa Joramu mwami wa Isiraeli yativura, “Awa! Yahova niyie uviiki kunyi avami vavaga hasi hi zinguru ziu mwami wa Moabu.”

Zaburi 81:12

Kunangwa ndaavaleka vazie mu zinzira ziavo zie kilage, Nokolonda zing'anagani ziavo aveene.

Tsing'ano 21:27

Yahova siayanzilira visiuviliru via vandu vachamu mba, siaviyanzilira ligali niiva valahaana niliiva liu vudamanu mba.

Isaya 66:3

“Avandu vakora kuli vayaanza. Gaveeye malala meere kuvo, niiva vita igiriki kuli kisiuviriru anoho vavunanyie ligoti lie imbwa; niiva valahaana kihanwa chuvuswage anoho vahane masahi gi inguruvi; vahaana kimuli anoho vasaale ku kifananyi gaveeye malala meere kuvo. Yee, vasangalira mu zinzira ziavo ziukusigamira zielivihiliriza.

Ezekieli 43:7

yambolera, “Mwana wu Mundu, hano ni havundu he ndeve yange yu Vwami. Ndamenya havundu yaaha nu kwamiiha vandu vange Isiraeli mihiga ni mihiga. Avandu va Isiraeli, anoho avami vaavo si valonogonyia lieta liange litakatifu nu kusigamira avanyasaye anoho kuyavira miviri mikuzu ja vami vaavo havundu hano mba.

Hosea 4:17

Avandu va Isiraeli vayanzizwa nivifananyi ligali. Muvaleke vave.

Amosi 6:10

Na niiva umwiko usambaa miviri alaza kujiginga kutura munyumba, na ateeve woosi uva nachivisi munyumba, “Wundi mundu akikiri mu harara niivi?” Na avoole, “Awa!” Maku alavoora; “Shii! Kiring'ana! Kutala vuzwa lieta lia Yahova.”

Matayo 6:24

“Si haali nu mundu unyala kutumikira avami vaviri mba; kigira aladunyira mulala, na ayaanze wundi; anoho alava musuuvirifu ku mulala na achaye wundi. Si munyala kutumikira Nyasaye harara nu vutugi mba.

Vikolwa 7:42

Kunangwa Nyasaye yagirung'ana kutura hagati haavo, na avaleka vasigamiri zing'ereng'ani ziu mwigulu, kuli gang'odwa mu kitabu cha vaporofeti: ‘Munyi avandu va Isiraeli! Siaveeye inzi wa mwitira zinyama no kondetera visiuviliru mihiga arubaini mwigendanyama!

2 Vatesalonike 2:11

Nyasaye avaleeteraa zinguru zie ligota kuyinzira muvo ku valomba vasuuviri agaveeye go vovehi.

Joshua 24:15

Niiva simwenya kutumikira Yahova, mutovole kalunu ndi ni munyasaye ki wa vanyasaye va avaguuga vinyu vasigamira mu Mesopotamia na vanyasaye va vandu va Amori vasigamira mu kivala cha mumenyi mu kalunu. Navuzwa inzi harara na vandu vinyumba yange, kumali kotovola kutumikira Yahova.”

Vakalagi 10:14

Tuli muzie kwanira vanyasaye vamwatovola. Muleke vanyasaye vene yavo vamukonye lwa muduuka mu vudinyu.”