Ezekieli 20:38 - KITABU KITAKATIFU

³⁸ Ndatuliza hagati hinyu yavo avaveeye vukwibaara kandi avoni nu kuvahila ihale ligali. Ndavatuliza muvivala viavamenyimu kalunu, navuzwa si ndaleka viirane mu kivala cha Isiraeli mba. Maku mulamanya ndi Inzi mbeeye Yahova.”

Ezekieli 20:38 ပူးပေါင်းရင်းမြစ်များ

Zaburi 9:16

Yahova umali kwiivula umwene ku likalaga lilie lirungi, na avachamu vamali kuhambwa mu vikolwa viavo vidamanu.

Zaburi 95:11

Kunangwa ndisuuha mu vutima vwange nimbora, ‘Sivalingira mu kivala cha ndakavaheye vweremerizi mba.’ ”

Jeremia 29:32

Kunangwa, ndahaana amageri kuye harara ni visukululwi vivie. Sialakaveho mundu kali mulala ulimenya hagati ha avandu yava ulilola uvulahi vwa ndakakolele avandu vange, kigira amali kwibaala ku inzi Yahova.”

Jeremia 44:14

Sialakaveho nu mundu kali nulala ku avandu vaatigara Ivuyuda kandi avaazia komenya Egebeti ulihononoka anoho ulihona mba. Sialakaveho nu mundu kali mulala kuvo ulirana nitali vataveeye vakekeeke ku avahaalirayo.”

Ezekieli 11:21

Navuzwa nambane amageri ku vandu vayaanza kusigamira ivifananyi viukuvihiliriza vifunya vugundu. Ndakavahe mageri kigira agavamali kokora.” Yahova Wuvunyali amali kovora.

Ezekieli 13:9

mbeeye himbi kuhaana mageri ku munyi, avaporofeti avaveeye na malola gataveeye gagiligali kandi avaveeye nu voporofeti vwu vugadi. Sinamuve harara nu muganda gwa vandu vange, anoho simulang'odwa harara namita ga vandu va Isiraeli mba, anoho simulakilane mu kivala cha Isiraeli mba. Maku mulakamanye ndi, inzi mbeeye Yahova Wuvunyali.

Ezekieli 15:7

ma nambahe mageri. Vamali kohononoka mumuliru mulala, navuzwa kalunu muliru gundi gulavasamba ligali. Lwa nambahe mageri, ivi waza umanye ndi Inzi mbeeye Yahova.

Ezekieli 20:15

Kandi ndavisuuhira mwigendanyama ndi, sindavahila mu kivala chandaali nindavaha mba, kivala kenoru kandi kigunamu ligali, kivala chaali kilahi ligali kuvita vivala vindi viosi.

Ezekieli 20:16

Inzi ndalomba lilagana kigira vaali nivasuyi lilago liange kandi vasuyi kugumira malago gange kandi nivononyia lidiku liange lie Lisabato. Kunangwa vayanzilira kusigamira vifananyi viavo.

Ezekieli 20:34

Ndamumanyia vutima vwange kandi zinguru ziange lwa muvungiza harara nukumwiranyia kutura muvivala viosi uwa mwaali ni mwasalanyirwa.

Ezekieli 23:49

Ndahaana mageri ku munyi kigira uvudamanu vwinyu kandi uvwoni vwinyu vwu kusigamira vifananyi. Maku mulakamanye ndi Inzi mbeeye Yahova Wuvunyali.”

Ezekieli 6:7

Avandu valitwa havundu hoosi, kandi yavo avalihononoka valakamanye ndi, Inzi mbeeye Yahova.

Malaki 3:3

Alakaze kukalaga kuli mundu atulaa kandi aselezaa ifeza. Mutumwa wa Yahova alakatakase vasaalisi kuli muturi atulaa ifeza ni izahabu kunangwa vaduuki koletera Yahova vihaanwa viduukana.

Matayo 3:12

Aveeye ne kesesero chiche mumukono gwigwe. Kandi alalaviza oloze lwilwe ligali, nuvuswage alateera mu kedeera, navuzwa umukuzi alagusaamba nu muliru gutasimikaa.”

1 Vakorintho 10:5

Kali ndio avanyingi kuvo sivayaanziza Nyasaye, na miviri jaavo mikuzu jasalanywa mwigendanyama.

Vahebraina 4:3

Kunyi avakumali kusuuvira, konyoora vosoosi zana yivwo, vwa Nyasaye yasuuviriza. Gaveeye kuli yavoola, “Ndaali nu vutima ma ninomba lisuuviriza lie liesuuha ndi, ‘Sivalakingiri mu kivala cha ndakavaheye vosoosi vwange mba!’ ” Yavoola yaga kali niiva miyinzi jije jaali nijatwekizwa kutura lwa yalomba lirova.

Vahebraina 4:6

Yavo avatanga kwilwazirwa makuva malahi gi Ivangeri, sivanyoola vosoosi yivwo mba, kigira sivasuuvira mba. Kunangwa, vaveeye ho na valala vavugilirwa konyoora vosoosi yivwo.

Yudasi 1:5

Kigira kali niiva mwamanya yaga goosi, nyenya kumwizuliza kuli Mwami yahonyia avandu veve Isiraeli avaatura mu kivala cha Egebeti, navuzwa lwa inyima naadiviza yavo avavura kusuuvira.