Ezekieli 20:3 - KITABU KITAKATIFU

³ “Mwana wu Mundu, moloma ku vimiliri va Isiraeli na uvavoolere aga inzi Yahova Wuvunyali mboraa: Munyi muuzi ku inzi kwenyeleriza vulaliri vwange? Kuli inzi mbeeye ligali Nyasaye omenya, sindavugilira munyi kondeeva kindu kali kilala mba. Inzi Mwami Munene Yahova mali kovora.

Ezekieli 20:3 ပူးပေါင်းရင်းမြစ်များ

Tsing'ano 15:8

Yahova ayaanzizwa nilisaala lia vandu valahi, navuzwa adunyiraa visiuviliru viletwaa na vandu vachamu.

Tsing'ano 21:27

Yahova siayanzilira visiuviliru via vandu vachamu mba, siaviyanzilira ligali niiva valahaana niliiva liu vudamanu mba.

Tsing'ano 28:9

Niiva siulatia malago ga Nyasaye, sialavugilira lisaala liilio mba.

Isaya 1:12

Nivwaha omuteevi mundeetere vindu yivi viosi lwa muzaa kusigamira? Nivwaha omuteevi kuduvaga mu mugizi gwange?

Isaya 1:15

“Lwa mugingaa makono ginyu igulu mu lisaala, sindamuheenza mba. Kali ni musaala kuli ndi, inzi sindahuliriza kali hakuzu mba, kigira amakono ginyu gizuyi amasahi.

Isaya 58:2

Vuli lidiku vazaa ukusigamira. Vakayilangwa kumanya zinzira ziange, kuli yavo vaveeye ihiiri ekolaa uvulungi kandi itiviliraa malago ga Nyasaye wavo. Vatevaa inzi likalaga lirungi, kandi valoreka kuva nuvuha ukwisunda ahimbi ninzi, Nyasaye wavo.”

Ezekieli 14:1

Valala ku vimiliri va Isiraeli vaza ku inzi kwenyeleriza zing'anagani kigira lienya lia Yahova.

Ezekieli 20:2

Maku Yahova yambolera,

Ezekieli 20:31

Kali kalunu muhaanaa vihaanwa vilala viere kandi mweyonogonyia munyi aveene ni vifananyi vilala viere nu kuhaana vana vinyu avayaayi kuvio mu muliru. Maku munyi avandu va Isiraeli mukizizagiliraa koteeva ndi lienya liange liveeki? Inzi ligali kuli mbeeye Mwami Munene Yahova, mbeeye Nyasaye omenya, si ndavugilira munyi kondeeva kindu mba.

Ezekieli 33:30

Yahova yavoola, “Mwana wu Mundu, avandu vovo vamoloma kigira ivi lwa vavuganira mu madigi gi lidaala linene anoho mu zinzira zie kiliango chi zinyumba ziavo. Vavolerana mulala nu wundi ‘Leki kuzie kuhulira likuva limali kutura ku Yahova kalunu.’

Amosi 8:12

Avandu valagendagenda nokoyeyema kutura Ivugwi kuduuka Imadioli, na kutura Ivaale kuduuka Isavaalu valanyagula kuzia yaaha na yaaha nivenyereriza likuva liange, navuzwa sivalalinyoola mba.

Mika 3:7

Avaloli valava muzisoni; kiyira ligutwa liavo. Vosi valakunika minwa jaavo, kigira Nyasaye sialavativulira mba.”

Matayo 3:7

Navuzwa lwa Yohana yalora Vafarisayo na Vasadukayo vanyingi ni vazaa kuye avabatizi, yavavolera, “Munyi avana vi zinzoka! Nivwaha uwaamugerihiza mwiruki vutima vwa Nyasaye vuzaa?

Luka 3:7

Kunangwa Yohana yavolera viduma via avandu vaza kuye avabatizi, “Munyi avana vizinzoka! Nivwaha wa mugerihiza mwiruki vutima vwa Nyasaye vuzaa?

Yohana 4:24

Nyasaye ni Roho, nayavo vamusigamira gavadukiraa vamusigamiri mu Roho nu mu agiligali.”

1 Samweli 28:6

Yateeva Yahova cha anyala kokora. Navuzwa Yahova siyaamutivulira kali hakuzu, ku maloto kinga ku litumikira Urimu na Zumimu anoho ku avaporofeti mba.