Ezekieli 20:20 - KITABU KITAKATIFU

²⁰ Mukore lidiku lie Lisabato kuva Litakatifu, kunangwa liduuki kuva kelolero cha lilagana lia ndaalomba nimunyi, kandi galamwizuliza ndi, Inzi mbeeye Yahova Nyasaye winyu.

Ezekieli 20:20 ပူးပေါင်းရင်းမြစ်များ

Kutwula 20:11

Ku madiku sita Inzi, Yahova, ndalomba lirova, ni ligulu, zinyanza, kandi vindu viosi viveeye mulio, navuzwa kulidiku lia saba ndaasosa. Yiki nicho chagira inzi, Yahova, ningaasiza lisabato nindikola litakatifu.

Kutwula 20:8

“Mwizurizi lidiku lie Lisabato nukulilinda kuva litakatifu.

Isaya 56:2

Ndagasiza ligali yavo avalindaa Lisabato na sivaliononyiaa mba. Ndagasiza yavo avatakola uvudamanu.”

Isaya 58:13

Yahova avoora, “Niiva ulakola lidiku lie Lisabato kuva litakatifu, na uvuli kunyagulira agayaanziza ivi mwene ku lidiku litakatifu liange yilio; niiva ulaleka miyinzi jijo umwene nukuliha uluyali ku livula kuzia ku zing'endo, kuvula kuyinzira, anoho ku livula komolomela amakuva ga vuzwa,

Jeremia 17:22

anoho vataginga kindu kali kilala kutura mu zinyumba zienyu ku lidiku lie Lisabato mba. Vatakola muyinzi gwosi ku lidiku lie Lisabato mba; navutswa valikole kuva Lidiku Litakatifu, kuli ndaalaga avaguuga vaavo.

Jeremia 17:24

“Volera avandu yava ndi, gavadukiraa vatie amalago gange goosi. Vatageriza kuginga musigo gwosi kuvitira mu virivwa vie lidaala linene ku lidiku lie Lisabato mba. Gavadukiraa valikole kuva Lidiku Litakatifu kandi vatakola muyinzi gwosi kali hakuzu mba.

Jeremia 17:27

Navuzwa kuduuka vatie nu kulinda. Lidiku lie Lisabato kuva Litakatifu, kandi sigavaduukira kuginga misigo nu kwingira mu virivwa via Jerusalemi ku lidiku lie Lisabato mba. Ni vakora ndio ndahambiza muliru nu kusamba virivwa vie lidaala linene, kandi gulasamba zinyumba ziu vwami ziosi zia Jerusalemi kandi si gunyala kusiminywa mba.”

Ezekieli 20:12

Kandi ndaavaha lidiku liange lie Lisabato live kuli kelolero hagati haavo ninzi; kunangwa vaduuki kwizuliza ndi Inzi Yahova, ndaavakora kuva avatakatifu.

Ezekieli 20:26

Ndaaleka veyonogonye ni vihaanwa viavo, kandi nivahaana vana vaavo vayaayi vukutanga kwivulwa kuva kisiuviriru. Ndaakola yaga kunangwa vaduuki konyoora mageri kandi vaduuki kumanya ndi inzi mbeeye Yahova.

Ezekieli 22:8

Munyi mumali kolegeriza ivindu viange vitakatifu kandi mwayonogonyia lisabato liange.

Ezekieli 44:24

Lwa vandu vava mu lihangalizana kandi lihing'ana, avasaalisi valahaana likalaga lirungi hagati haavo kolondekana na malago gange. Valagumira malago gange kandi miima jange mu masavo gange goosi, kandi kokora lidiku lie Lisabato liange kuva Litakatifu.