Ezekieli 20:19 - KITABU KITAKATIFU

¹⁹ Inzi mbeeye Yahova Nyasaye winyu. Mutie kandi mugumiri amalago gange.

Ezekieli 20:19 ပူးပေါင်းရင်းမြစ်များ

Zaburi 105:45

Kunangwa avandu veve vaduuki kuhulira malago geege, nukolonda malago geege. Mwizominye Yahova!

Zaburi 119:4

O, Yahova, ivi umali kukuha malago googo, kandi wakovolera kugahuliri nu vusuuvirifu vwosi.

Kutwula 6:7

Ndamukora muve avandu vange, kandi ndava Nyasaye winyu. Mulamanya ndi Inzi mbeeye Yahova, Nyasaye winyu ulwa mala kumukola avavoholore kutura mu vutugwa mu Egebeti.

Ezekieli 11:20

Maku valakalonde malago gange muvusuuvirifu vwosi valakave avandu vange na inzi ndakave Nyasaye wavo.

Ezekieli 36:27

Ndaviika Roho gwange mu munyi, kandi ndamukora mugumiri lilago liange kandi mulonde amalago gange goosi agaamali kumuha.

Ezekieli 37:24

Mwami kuli mutumikiri wange Daudi naave mwami wavo. Vosi valakave nu mwami mulala kandi navatie malago gange Mu vusuuvirifu.

Kyavalevi 18:4

Kuduuka mulonde malago gange kandi mukore ga Inzi mulagaa. Inzi mbeeye Yahova Nyasaye winyu.

Kwidzulitsa 11:1

“Muyanze Yahova Nyasaye winyu, kandi mulonde malago geege goosi kazozo.

Kwidzulitsa 12:1

“Yaga nigo malago agadukanaa mulonde muhuliri madiku goosi ga muveeye mwoyo mu kivala cha Yahova Nyasaye wa vaguuga vinyu amuhezaa mugalonde.

Kwidzulitsa 4:1

Maku Musa yavolera avandu, “Muhuliri amalago goosi ga mwigizaa; na mulamenya kandi mwidikiri mu kivala cha Yahova, Nyasaye wa avaguuga vinyu amuhezaa.

Kwidzulitsa 5:1

Musa yalanga harara avandu vosi va Isiraeli navavoolera, “Avandu va Isiraeli, muhuliri amalago goosi aga muheezaa kalunu. Mugiingi kandi mulole ndi mugalondi.

Kwidzulitsa 5:32

“Avandu va Isiraeli, mugelihi mulindi mukore goosi aga Yahova Nyasaye winyu amali kumulaga. Mutavula kuhulira lilago liosi ku malago geege mba.

Kwidzulitsa 5:33

Mugalonde goosi kunangwa vindu viosi viduuki kuva vulahi ku munyi kandi kunangwa muzizagiliri komenya madiku manyingi mu kivala cha muzizaa kuvugura.

Kwidzulitsa 6:1

“Yaga nigo malago, ga Yahova Nyasaye winyu yandaga mwigizi. Mugalonde mu kivala cha muveeye ahimbi kwingira mu kandi kukivugula.

Kwidzulitsa 6:2

Lwa muva nimukikiri mwoyo, munyi harara ni visukululwi vienyu, kuduuka muhaane luyali ku Yahova Nyasaye winyu kandi mulonde malago geege goosi aga inzi muheezaa, kunangwa muduuki komenya mu kivala kila ku ing'inga indambi.

Kwidzulitsa 8:1

“Muhuliri amalago goosi aga mali kuhaana ku munyi kalunu, kunangwa muduuki komenya, nokomedeka kuva vanyingi, kandi muvuguli kivala cha Yahova yasuuviriza avaguuga vinyu.

Kwidzulitsa 8:2

Mwizurizi kuli Yahova Nyasaye winyu yamwimilira kologendo lutambi kuvitira mu changalangwe ku mihiga arubaini jimali kuvita, namuleetera uvudinyu vwosi no kumugeriza, kunangwa aduuki kumanya agaveeye mu mioyo jinyu, kandi niiva mulahulira malago geege.