Ezekieli 20:13 - KITABU KITAKATIFU

¹³ Navuzwa avandu va Isiraeli vibaara ku Inzi mwigendanyama. Sivagumira lilago liange mba, kandi vasuura malago gange agaleetaa livamwoyo ku mundu woosi wegehiza kugo. Vamali kwononyia lidiku liange lie Lisabato. Ndavika kuva nu vutima vwange vululu mwigendanyama kandi ndavadiviza ligali.

Ezekieli 20:13 ပူးပေါင်းရင်းမြစ်များ

2 Samweli 12:9

Kigira ki nuchaya amalago gange? Kigira ki nokora inguuva ndamanu yiyi? Ivi walaga Uria yiitirwi muvulwani. Waleka vandu va Amoni vamwiti; ma nuvugula mukali weve!

2 Kyetsinyinga 30:7

Mutava kuli avaguuga vinyu kandi kuli Avaisiraeli vache mba avavura kuva avasuuvirifu ku Yahova Nyasaye wavo. Kuli munyala kolola, yavaha mageri malulu ligali.

Nehemia 13:17

Ndagondokera aviimiliri va Vayuda nimbora, “Heenzi ku uvudamanu vwa mukoraa! Munyi mukoraa lisabato kuva ilitali litakatifu.

Kutwula 32:10

Kalunu, utageriza kungaya mba. Mbeeye nu vutima navo ligali kandi nziza kuvadiviza. Maku ndaakola ivi harara ni visukululwi vivio kuva ihiiri enene.”

Kutwula 32:8

Vamali koleka inzira ya ndaavalaga kolonda ku: vamali kwelombera kifananyi chi igiriki kutura ku izahabu isialulukiziywi nukugisigamira, nukuhaana kucho visiuviliru. Vavoola ndi oyo numunyasaye wavo, uwavatuliza mu kivala cha Egebeti.

Tsing'ano 1:25

Mumali kusura miigizu gange, kandi si muveeye ni livugilira lieganihiza liange mba.

Tsing'ano 13:13

Mundu uchayaa amigizu malahi yeleeteraa lidivizwa, navuzwa oyo wegehizaa ku malago alakanyoole madanyi.

Isaya 56:6

Kandi Yahova avoora ku avageni yavo aviihambanyiaa ku vandu veve, avamuyanzaa nukumutumikira, avalindaa Lisabato nukulinda Lilagana lilie nu vusuuvirifu vwosi:

Isaya 63:10

Navuzwa vibaara nokovereriza Roho weve Mutakatifu; Kunangwa Nyasaye yaavikiruka nukugwa musigu wavo kandi nalwaana navo.

Jeremia 7:24

Navuzwa si venya kutia anoho kuhulira inzi mba. Mu vogono vwene yivwo, vaakora goosi agavaganaganaa mu mioyo jaavo kokora amadinyu kandi amadamanu. Vaagwa avadamanu ligali havogono hukuva avalahi ligali.

Ezekieli 20:11

Ndaavaha malago gange kandi mimbigiza lilago liange, agaleetaa livamwoyo ku mundu woosi vegehiza kugo.

Ezekieli 20:14

Navuzwa si ndaakola ndio mba, kigira yaga gaali ganyala kwikiza luyali lwange hagati hi zihiiri zialola ninyimiliraa avandu va Isiraeli kutura mu kivala cha Egebeti.

Ezekieli 20:16

Inzi ndalomba lilagana kigira vaali nivasuyi lilago liange kandi vasuyi kugumira malago gange kandi nivononyia lidiku liange lie Lisabato. Kunangwa vayanzilira kusigamira vifananyi viavo.

Ezekieli 20:21

“Navuzwa vana vaavo vibaara ku Inzi; vaavunanyia lilago liange kandi sivagumira malago gange agaleetaa livamwoyo ku mundu woosi wegehiza kugo mba. Vonogonyia Lidiku liange lie Lisabato. Ndaaganagana kuva nu vutima vululu kuvo mu changalangwi nu kuviita vosi.

Ezekieli 20:24

Ndaakola yaga kigira vaali nivavunamyi lilago liange kandi nivasuyi amalago gange, kandi vaali nivononyi lidiku liange lie Lisabato, kandi nivasigamiri vifananyi vilala viere via vaguuga vaavo vaasigamira.

Ezekieli 20:36

Kalunu ndamukalagira kuli ndakalagira avaguuga vinyu muchangalangwe cha Sinai,” Yahova Wuvunyali avoora.

Ezekieli 20:8

Navuzwa vibaara ku inzi kandi sivenya kumbulira mba. Si venya koleka anoho kusiuva ihale vifananyi viukuvihiliriza viavo anoho koleka vanyasaye va Egebeti avavaali ni vayaanza mba. Mu vutima vwange uvululu, inzi ndaatovora kuhaana mageri ku vandu va Isiraeli mu kivala cha Egebeti.

Ezekieli 22:8

Munyi mumali kolegeriza ivindu viange vitakatifu kandi mwayonogonyia lisabato liange.

Ezekieli 23:38

Si gaveeye yago geng'ine ga vaakora mba, navuzwa vonogonyia Litembeli liange kandi vaavunaga lidiku liange lie Lisabato, lia Inzi mwene ndaviikaho.

Kyavalevi 18:5

Mulonde likora kandi malago ga Inzi muheezaa. Mulahonyia livamwoyo lienyu mu likora ndio. Inzi mbeeye Yahova.”

Kyavalevi 26:15

Niiva mulasuura kuhulira malago gange ni lilagana liange lia ndalomba nimunyi,

Kyavalevi 26:43

Navuzwa avandu valaleka kivala zana, kandi kesoose nokusangalira masabato lwa chaali king'anye, vugira yavo. Ing'inga yeyo vahevwa mageri kigira vwoni uvwavo, kigira vasuura malago kandi vachaya miigizu gange.

Amosi 2:4

Yahova avoora, “Avandu vi Ivuyuda vamali uvwoni haali kanyingi, na kigira yaga ndavaha amageri ligali. Vamali koleka kolegeriza amigizu gange kandi vavuli kugumira amalago gange. Vamali kogotizwa na vanyasaye vuvugadi valala vere ava avavaguuga vaavo vasigamira.

Livalidza 14:22

siaveeyeho mundu kali mulala ku vandu yava uliduuka mu kivala yiki mba. Vamali kolola uvukumi vwange kandi vilolekizu viange via ndaakola mu Egebeti kandi mu changalangwi, navuzwa vamali kogeliza liekuzira liange haali kanyingi kandi vasuyi kumbulira.

Livalidza 14:29

Munyi vosi mulakuza na miviri jinyu jilasalanywa mu changalangwi yiki. Kigira mumali komoloma makuva madamanu ku inzi, siaveeyeho kali mulala ku munyi kutura ku mihiga 20 kuzizagilira uliduuka mu kivala yiki;

Livalidza 16:45

“Singira ihale kutura ku vandu yava, na ndavadiviza lwene yilu!” Vombi vinama hasi, nu vweni vwavo vwaduuka kumalova,

Livalidza 26:25

Avandu vosi vaavalizwa vaali 64,300.

Varumi 10:5

Musa yang'oda kigira likolwa mulungi ku lihulira Lilaga, ndi, “Mundu uhulira amalago gi Lilaga, alava mwoyo.”

Kwidzulitsa 31:27

Manya kirage chavo nuvwibaali vwavo. Henza, niiva vibaara ku Yahova ing'inga ya ngikiri mwoyo harara navo, navalandi inyima wi likuva liange!

Kwidzulitsa 9:7

“Mwizurizi yaga kandi mutivilira kuli mwavihiliriza Yahova Nyasaye winyu muchangalangwe mba. Kutura ku lidiku liamwatula mu kivala cha Egebeti kuduuka lidiku lia mwaduuki hano, mwayibaala ku Yahova ligali.

Kwidzulitsa 9:8

Kali ha kiguru cha Sinai, mwavihiliriza Yahova, kandi Yahova yavihiliriza munyi ligali kali niyenya avadivize.

1 Vatesalonike 4:8

Kunangwa, uyu usuulanga amigizu yaga siasuraa mundu, navuzwa asuraa Nyasaye, uhaanaa kumunyi Roho weve Mutakatifu.

1 Samweli 8:8

Kutura nimbatuliza mu kivala cha Egebeti vagirung'ana kutura ku inzi nukusigamira vanyasaye vandi; na kalunu vakora ku ivi aga vaangolera ma vakengoleraa.