Ezekieli 20:12 - KITABU KITAKATIFU

¹² Kandi ndaavaha lidiku liange lie Lisabato live kuli kelolero hagati haavo ninzi; kunangwa vaduuki kwizuliza ndi Inzi Yahova, ndaavakora kuva avatakatifu.

Ezekieli 20:12 ပူးပေါင်းရင်းမြစ်များ

Litanga 2:3

Nyasaye yagasiza lidiku lia saba kandi nalikora kuva litakatifu, kigira ku lidiku yili yasosa ku miyinzi jije josi ja yaali naakori.

Nehemia 9:14

Ivi wavigiza kulinda lisabato liilio litakatifu limanyikane kuvo; kandi nuvaha malago, imiima namigizu kuvitira mu mutumikiri.

Kutwula 16:29

Mwizurizi ndi Inzi, Yahova mali kuhaana ku munyi lidiku liokososa, na nicho kigira ku lidiku lia sita ndamuha iviukulia vimuduuka ku madiku gaviri. Kunangwa mundu woosi alava vuzwa ahaveeye kulidiku lia saba vugira kutura hango hehe.”

Kutwula 35:2

Munyi muveeye na madiku sita gokokola miyinzi jinyu, navuzwa lidiku lia saba, mulikole kuva litakatifu, liveeye lisabato lio kohonga ku Inzi, Yahova. Mundu woosi okola miyinzi ku lidiku yilio, aliitwa.

Isaya 56:2

Ndagasiza ligali yavo avalindaa Lisabato na sivaliononyiaa mba. Ndagasiza yavo avatakola uvudamanu.”

Jeremia 17:22

anoho vataginga kindu kali kilala kutura mu zinyumba zienyu ku lidiku lie Lisabato mba. Vatakola muyinzi gwosi ku lidiku lie Lisabato mba; navutswa valikole kuva Lidiku Litakatifu, kuli ndaalaga avaguuga vaavo.

Ezekieli 20:20

Mukore lidiku lie Lisabato kuva Litakatifu, kunangwa liduuki kuva kelolero cha lilagana lia ndaalomba nimunyi, kandi galamwizuliza ndi, Inzi mbeeye Yahova Nyasaye winyu.

Ezekieli 20:26

Ndaaleka veyonogonye ni vihaanwa viavo, kandi nivahaana vana vaavo vayaayi vukutanga kwivulwa kuva kisiuviriru. Ndaakola yaga kunangwa vaduuki konyoora mageri kandi vaduuki kumanya ndi inzi mbeeye Yahova.

Ezekieli 37:28

Lwa ndakaviiki Litembeli liange wene yeyo kuva harara navo mihiga ni mihiga, maku zihiiri zilakamanye ndi, inzi Yahova mali kotovola vandu va Isiraeli kuva vandu vange.”

Ezekieli 44:24

Lwa vandu vava mu lihangalizana kandi lihing'ana, avasaalisi valahaana likalaga lirungi hagati haavo kolondekana na malago gange. Valagumira malago gange kandi miima jange mu masavo gange goosi, kandi kokora lidiku lie Lisabato liange kuva Litakatifu.

Kyavalevi 20:8

Mugumiri malago gange nokugakola. Inzi mbeeye Yahova, umutakasaa.”

Kyavalevi 21:15

Nigataveeye ndio, avana veve vaduukana vave avatakatifu; vatava avadamanu kolondekana ni miima mba. Inzi mbeeye Yahova, wamuvikaa halovega kuli Musaalisi Munene.”

Kyavalevi 21:23

Navuzwa kigira aveeye novolema ku muviri gwigwe, atiisunda himbi ni suka indakatifu mba kandi atiisunda himbi nuvwaali mba. Atonogonyia ivindu ivitakatifu viange mba; kigira Inzi mbeeye Yahova uvikolaa kuva ivitakatifu.”

Kyavalevi 21:8

Kuduuka avandu vavuguli musaalisi kuva aveeye umutakatifu, kigira ahaanaa vihaanwa vie viukulia ku Inzi; Inzi Yahova mbeeye mutakatifu kandi ngolaa avandu vange kuva avatakatifu.

Kyavalevi 23:24

avolere avandu va Isiraeli ndi: “Ku lidiku liukutanga liu mweli gwa saba mulava ni lidiku liokososa, lie livugana litakatifu, ilizuliza mu likuba ivisiliva.

Kyavalevi 23:3

Muveeye namadiku sita gamukolera mu miyinzi; navuzwa lidiku lia saba liveeye Lisabato liveeye lidiku liokososa lidiku yili. Mutakoli muyinzi kali mulala mba; navuzwa muvugane harara kusigamira inzi Yahova. Lisabato liveeye lia Yahova hoosi ha muva nimumenyi.

Kyavalevi 23:32

Kutura hamugorova gwi lidiku lia tisa kuduuka hamugorova gwi lidiku lielikomi liumweli zana, mulaliinda lidiku yili kuli lidiku lidukiru liokososa. Ing'inga yiyi, umundu atalia ikindu choosi mba.”

Kyavalevi 23:39

Lwa muva m'mwakagesa milimi jenyu, mulava ni lisavo liange ku madiku saba, kutangira ku lidiku lie likomi na gatano liu mweli gwa saba. Lidiku liukutanga lilava lidiku ilitakatifu liokososa.

Kyavalevi 25:4

Navuzwa muhiga gwa saba gulava muhiga gwi lisosa liekivala, muhiga gwaviikwa ku makono kigira Lisabato liange. Mutataaga milimi jinyu kandi mutahalulira mizabibu jinyu mba.

Vakolosai 2:16

Kunangwa mutaleka mundu woosi amukalagiri kigira viukulia anoho viukunwa anoho ku lidiku lie lisavo, anoho kulilonda mweli muhia, anoho lisabato mba.

1 Vatesalonike 5:23

Nyasaye mwene ahaanaa mirembe ku kunyi amutakase ligali; kandi roho winyu, mioyo ni miviri jinyu jive milavu vugira imbara kuduuka ku liza liu Mwami wiitu Yeso Kristo.

Yudasi 1:1

Inzi Yuda, mutumikiri wa Yeso Kristo, kandi amwavo Yakobo Ng'oderaa munyi avalangwa na Nyasaye, avamenyaa mu vuyanzi vwa Nyasaye Baba, kandi mu likingwa lia Yeso Kristo.