Ezekieli 20:11 - KITABU KITAKATIFU

¹¹ Ndaavaha malago gange kandi mimbigiza lilago liange, agaleetaa livamwoyo ku mundu woosi vegehiza kugo.

Ezekieli 20:11 ပူးပေါင်းရင်းမြစ်များ

Tsing'ano 6:23

Amalago gaavo gaveeye kuli ling'ereng'ana liu vulavu ku ivi, amigizu gaavo galakumanyia limenya.

Ezekieli 18:9

Mundu kuli uyu atizaa lilaga kandi agumiraa malago gange, aveeye mulungi kandi alamenya ligali.” Yahova Wuvunyali avoora.

Ezekieli 20:13

Navuzwa avandu va Isiraeli vibaara ku Inzi mwigendanyama. Sivagumira lilago liange mba, kandi vasuura malago gange agaleetaa livamwoyo ku mundu woosi wegehiza kugo. Vamali kwononyia lidiku liange lie Lisabato. Ndavika kuva nu vutima vwange vululu mwigendanyama kandi ndavadiviza ligali.

Ezekieli 20:21

“Navuzwa vana vaavo vibaara ku Inzi; vaavunanyia lilago liange kandi sivagumira malago gange agaleetaa livamwoyo ku mundu woosi wegehiza kugo mba. Vonogonyia Lidiku liange lie Lisabato. Ndaaganagana kuva nu vutima vululu kuvo mu changalangwi nu kuviita vosi.

Ezekieli 33:15

kandi, niiva alilanyia kindu chayahaana kigira ligovi anoho yiranye icha yiva, kandi alekele kokora uvwoni, ma alonde lilaga lihaana livamwoyo, sialakuza mba, navuzwa alava mwoyo.

Ezekieli 33:16

Ndasamiiha uvwoni vwamali kokora, kandi alava mwoyo kigira umali kokora agaveeye malungi kandi malahi.

Kyavalevi 18:5

Mulonde likora kandi malago ga Inzi muheezaa. Mulahonyia livamwoyo lienyu mu likora ndio. Inzi mbeeye Yahova.”

Luka 10:28

Yeso yamuvolera, “Utivuuyi vulahi. Kola ndio, na ulanyora livamwoyo litahera mba.”

Varumi 10:5

Musa yang'oda kigira likolwa mulungi ku lihulira Lilaga, ndi, “Mundu uhulira amalago gi Lilaga, alava mwoyo.”

Varumi 3:2

Yee, koveeye ho nu vukala ligali mu goosi. Kutanga, Nyasaye yahaana ku Avayuda uvulindi vwi likuva lilie.

Vagalatia 3:12

Navuzwa siaveeye nu vuhambani hagati hi Lilaga ni Lisuuvira mba, nitali Mang'oda Matakatifu gavoora, “Uyu okolaa goosi agi Lilaga lienyaa, alava mwoyo.”

Kwidzulitsa 30:19

Inzi kalunu muheezaa litovola hagati hi livamwoyo ni likuza, hagati hu vugasu vwa Nyasaye ni kilaamo cha Nyasaye, kandi nangaa ligulu ni lirova kololekiza litovola lia mulomba. Tovoli livamwoyo kunangwa munyi harara ni visukululwi vienyu muduuki kuva mwoyo.

Kwidzulitsa 4:1

Maku Musa yavolera avandu, “Muhuliri amalago goosi ga mwigizaa; na mulamenya kandi mwidikiri mu kivala cha Yahova, Nyasaye wa avaguuga vinyu amuhezaa.

Kwidzulitsa 4:5

“Henza, inzi mali kumwigiza amalago goosi kuli Yahova Nyasaye wange yandaga ngole. Mugalonde mu kivala cha muveeye ahimbi kwingira nokukivugula.

Kwidzulitsa 4:8

Sihaveeye ho ni hiiri yindi, kali neveeye enene ndi, eveeye na malago ni likalaga agaveeye amalungi kuli yaga aga mali kumwigiza kalunu.