Ezekieli 2:7 - KITABU KITAKATIFU

⁷ Ivi kuduuka ulavavolera amakuva gange, kali niiva valahulira anoho valasura kuhulira, kigira vaveeye avandu vibaali.

Ezekieli 2:7 ပူးပေါင်းရင်းမြစ်များ

Kutwula 6:29

Yavoola, “Inzi mbeeye Yahova. Volera mwami wa Egebeti ivindu viosi via ngovolera.”

Jeremia 1:17

Wetegeke Jeremia, uzie na ovoolere avandu va Isiraeli goosi agaamali kukulaga kovora. Utavatia mba, gase ndakokola ove umuti imbiri wavo.

Jeremia 1:7

Navuzwa Yahova yambolera, “Utavoola oveeye mwana mukekeeke mba, navuzwa zia ku avandu vangutumaa ku na uvavoolere goosi aga inzi nokovora.

Jeremia 17:20

Ovolere avami kandi avandu vosi vi Ivuyuda kandi vuli mundu woosi omenyi mu Jerusalemi kandi avingiraa mu virivwa yivi, vahulirize ku aga inzi mboraa.

Jeremia 23:28

Muporofeti oveeye namaloto avoole yaga namaloto vuzwa, navuzwa muporofeti uhuliyi likuva liange gamuduukira alandizi likuva yilio muvusuuvirifu. Nivulahiki ovoveeye mu mukuuzi nogeranyia niingano?

Jeremia 26:2

Yahova yambolera, “Singira mumugizi gwi Litembeli na ulandizi amakuva gamali kukulaga ovoole ku avandu vaza kutura mu madaala gi Ivuyuda kusigamira Yahova. Utaleka kindu kali kilala mba.

Jeremia 34:6

Maku ndaavoolera mwami Zedekia makuva yaga mu Jerusalemi

Jeremia 36:14

Maku avanene vaatuma Jehudi mwana wa Nezania, mwisukulu wa Shelemia kandi kisukururwi cha kushi azie kovoolera Baruki aleete ikaratasi ya makuva gasomi imbiri wavandu. Kunangwa, Baruki yaahira ikaratasi yaali nilingiywi.

Jeremia 42:21

Na kalunu mali kovoolera munyi, navuzwa si muhulira amakuva goosi aga Yahova Nyasaye wiitu yaandumi kumuvolera mba.

Jeremia 44:20

Maku ndaavoorela avandu vosi avasaza na avakali avaari nivahaani amativuli gaavo ku inzi kuli ndi,

Jeremia 6:28

Vaveeye vosi avibaali vahindagirizi, avadinyu kuli mugasa nikivia. Vosi vaveeye avuvwoneku vazizaa yiyi nayiyi nivalandiza vovehi.

Jeremia 7:27

“Kunangwa, Jeremia, ulamoloma amakuva yaga goosi ku avandu vange, navuzwa si valakuhulira mba; ulavalanga navuzwa si valakutivulira mba.

Ezekieli 11:25

kandi ndavolera vandu vaali muvuhambe vuli kindu cha Yahova yaali niyamanyi.

Ezekieli 12:2

Yavoola, “Mwana wu Mundu, ivi omenya na vandu vukwibaara. Vaveeye ni zimoni, navuzwa si valora kindu mba; vaveeye na matu, navuzwa si vahulira mba kigira vaveeye avandu vukwibaara.

Ezekieli 2:5

Kali niiva avandu vibaali yavo valakuhulira anoho valasura kukuhulira, valakamanye ndi muporofeti yaali harara navo.

Ezekieli 20:27

“Maku kalunu, Mwana wu Mundu, ovoolere avandu va Isiraeli aga Inzi Yahova Wuvunyali mboraa. Yili ni liiva lindi lia vaguuga vaavo vaanyegera mu likora uvugadi.

Ezekieli 3:10

Nyasaye yaazizagilira kovora, “Mwana wu Mundu, uhulirizi ligali ma wizulizi vindu viosi viangovoolera.

Ezekieli 3:17

Yavoola, “Mwana wu Mundu, Inzi ngokoraa musikari ku ihiiri ya Isiraeli. Ivi ulavavolera amiganihizu gangovolera.

Ezekieli 3:4

Maku Nyasaye yavoola, “Mwana wu Mwundu, zia ku vandu va Isiraeli kandi uvavoolere aga ngovolera.

Ezekieli 33:7

“Kalunu, Mwana wu Mundu, ngokora kuva musikari ku ihiiri ya Isiraeli. Kuduuka uvavoolere lieganihiza lia ngovolera.

Ezekieli 40:4

Mundu oyo yambolera, “Mwana wu Mundu ohenze vulahi. Huliriza vulahi ligali, kandi uviiki zing'anagani zizio ku vuli kindu choosi changumanyia, kigira yiki nicho kivuni chagira nengoleta hano; kunangwa kuduuki kovolere avandu va Isiraeli goosi aga ololaa.”

Amosi 3:13

Muhuliri kalunu, ma mwiganihizi visukululwi via Yakobo.” Yahova Nyasaye Wanyala Viosi avoora.

Jona 3:2

Yavoola, “Zia Nineve, lidaala linene yilio, wilwaziri avandu zana likuva liamali kukuha.”

Matayo 28:20

muviigizi kolonda ivindu viosi via mali kumulaga. Na ndava harara ni munyi madiku goosi; kuduuka ku keheri chi ing'inga.”