Ezekieli 2:4 - KITABU KITAKATIFU

⁴ Vaveeye avahindagirizi kandi sivambezaa luyali mba. Kunangwa ngutumaa uvavoolere aga inzi, Yahova Wuvunyali mboraa kuvo.

Ezekieli 2:4 ပူးပေါင်းရင်းမြစ်များ

1 Avami 22:14

Navuzwa Mikaya yativura, “Ngwisuuhiraa ku Yahova oveeye mwoyo, ndi inzi ndavoora cha Yahova yambolera mbore.”

2 Kyetsinyinga 30:8

Mutava avamagoti madinyu kuli navo vaali mba, navuzwa muhuliri Yahova. Hambi mu Litembeli mu Jerusalemi, ilia Yahova Nyasaye winyu umali kulikola live litakatifu mihiga ni mihiga. Mutumikiri Yahova Nyasaye winyu, kunangwa avuli kuva nu vutima ni munyi.

2 Kyetsinyinga 36:13

Zedekia yibaala ku mwami Nebukadineza, uwaali naamunigi yisuhi mu lieta lia Nyasaye ndi alava musuuvirifu kuye. Kigira kirage chiche ya suraa kwiganira kandi kwirana ku Yahova Nyasaye wa Isiraeli.

Zaburi 95:8

“Mutadinyia magoti ginyu mba, kuli avaguuga vinyu vaakora ha Meriba, kuli vaali ku lidiku yilio muchangalangwe na Maasa.

Tsing'ano 21:29

Vandu valungi visuuvirizaa, navuzwa vandu vachamu vekola kuva valahi.

Isaya 48:4

Inzi ndaamanya ndi munyi mulaloreka kuva avahindagirizi, kandi avi mitwi midinyu kuli kivia kandi mugasa.

Jeremia 1:7

Navuzwa Yahova yambolera, “Utavoola oveeye mwana mukekeeke mba, navuzwa zia ku avandu vangutumaa ku na uvavoolere goosi aga inzi nokovora.

Jeremia 3:3

Yiki nicho chagira imbura nivula kukuba kandi imbura ying'inga yilisembera nivula kuuza. Kali muheezaa kuli avataveeye avasuuvirifu; muvura zisoni.

Jeremia 36:21

Maku mwami yatuma Jehudi azie koleta ikaratasi ilingiywi kutura mu keng'oze cha Elishama. Jehudi yaleeta ikaratasi ilingiywi, naagesoma imbiri wu mwami harara na avanene, vosi avaari ni vasingiyi ahimbi nu mwami.

Jeremia 5:3

Gaveeye agiligali ndi Yahova ahenzaa vusuuvirifu. Yamuha amageri, navuzwa si mwenya kuhulira mba; yaamuduvulanyia, navuzwa mwasuura kwiga. Mwaali nikilage kuli ligina kandi mwasura kwiganira uvwoni vwinyu.

Jeremia 6:15

Vaali nizisoni kigira vakora ivindu viukuvihiliriza yivi? Awa, sivali nizisoni kali hakuzu mba; sivaheendaku mwoyo mba. Kulwayago valagwa kuli avandu vandi vamali kugwa; lwanambahe amageri, yilio nalive limaliriza liavo. Inzi Yahova, mali, kovora.”

Jeremia 8:12

Avandu vange, mwaali ni zisoni kigira mwakora vindu viukuvihiliriza yivi? Awa, simwali nisoni mba sivahendaa mioyo jaavo kali hakuzu mba; si mwamanya kali lwa mwaali mu zisoni mba. Kulwayago, mulagwa kuli avandi vamali kugwa. Lwa mbana amageri ku munyi, yicho kilava keheri chienyu. Inzi Yahova mali kovora.

Ezekieli 3:11

Uzie kalunu ku vandu vi kivala chienyu avaveeye mu lihaminywa ma omolome kuvo kandi. Uvavoolere, ndi Inzi Yahova Wuvunyali mboraa kuvo, kali niiva valahulira anoho valasura kuhulira.”

Ezekieli 3:27

Maku, ndamoloma na ivi kandi ndakuha zungulu komoloma, ulavavolera aga inzi, Mwami munene Yahova, mboraa. Valala kuvo valahulira, navuzwa avandi valakuchaya, kigira eveeye ihiiri ya vandu vu kwibaala.”

Ezekieli 3:4

Maku Nyasaye yavoola, “Mwana wu Mwundu, zia ku vandu va Isiraeli kandi uvavoolere aga ngovolera.

Ezekieli 3:7

Navuzwa siaveeye ho kali mulala ku vandu va Isiraeli uwaza avugiliri kukuhulira mba; kali si vanyara ku mbulira mba. Vosi vaveeye avahindagirizi kandi avataveeye vahuliri.

Amosi 7:15

Navuzwa Yahova yambugura kutura ku miyinzi jange kuli umwayi wi mitugu kandi yambolera, nzie koporofeta ku avandu veve Isiraeli.

Zekaria 7:12

kandi vaakora mioyo jaavo kuva midinyu kuli lwanda. Ndaali nu vutima ligali kigira sivali vanyara kuhulira miigizu gandatuma kuvitira mu vaporofeti vaali ho kale mba.

Matayo 10:16

“Mutumaa kuli amagondi hagati hi vivwi. Muve no vogeri kuli vwi zinzoka, na avahoma mu mioyo jinyu kuli amakuulu.

Kwidzulitsa 10:16

Kunangwa kutura kalunu muve avahuliri ku Yahova kandi mutava vikirage mba.

Kwidzulitsa 31:27

Manya kirage chavo nuvwibaali vwavo. Henza, niiva vibaara ku Yahova ing'inga ya ngikiri mwoyo harara navo, navalandi inyima wi likuva liange!