Ezekieli 2:3 - KITABU KITAKATIFU

³ “Mwana wu Mundu, ngutumaa ku avandu va Isiraeli. Vamali kwibaala nukugirung'ana kutura ku inzi, kandi vakikiri avibaali kuli avaguuga vaavo vaali.

Ezekieli 2:3 ပူးပေါင်းရင်းမြစ်များ

2 Avami 17:14

Navuzwa sivali vanyara kulihulira mba; vaali ava magoti madinyu kuli vaguuga vaavo, avavura kusuuvira Yahova, Nyasaye wavo.

2 Avami 17:15

Vasuura kuhulira amigizu geege, sivalinda lilagana lia Yahova yalomba na vaguuga vaavo mba, kandi vachaaya lieganihiza lilie. Vasigamira misambwa gitakonya kindu kandi ni vaagwa veene avatakonya kindu choosi, no kolonda likora lie zihiiri zia vakumbiriza, ni vavura kuhulira lilaga lia Yahova ndi vavuli kokora kuli vo.

Ezara 9:7

Kutura mu madiku ga vaguuga viitu kuduuka lero, kunyi avandu vovo, kwakora uvwoni vonene ligali. Kigira uvwoni vwitu, kunyi harara na vami viitu kandi avasaalisi viitu kumali kuvikwa mu zinguru zia vami vi vivala vigeni. Kumali kwitwa, kunuurwa kandi kuhilwa ihale kuli avahambe. Kumali kuvikwa mu zisoni ligali kali kuduuka na lero.

Nehemia 9:26

“Navuzwa avandu vovo vibaara kandi nivavula kukuhulira vasuura kuhulira Lilaga liilio. Vita avaporofeti avaviganihiza, avavavolera viirane ku ivi vaanyega ivi vuli ing'inga.

Zaburi 106:28

Avandu va Nyasaye viiyunga mu lisigamira Baali ha Peori; kandi nivalia visiuviliru viahaanwa ku vanyasaye vaakuza.

Isaya 30:1

Yahova umali kovora, “Kivi keveeye ku yavo avamiiha Ivuyuda kigira vamali kwibaala ku inzi. Valonda liloohiza lia inzi mburi kolomba, kandi valomba livugilizana liavo vugira inzi, nivameeda uvwoni ku vundi.

Jeremia 1:7

Navuzwa Yahova yambolera, “Utavoola oveeye mwana mukekeeke mba, navuzwa zia ku avandu vangutumaa ku na uvavoolere goosi aga inzi nokovora.

Jeremia 3:25

Gakuduukiraa kogone hasi muzisoni kandi koleke lileganywa lietu likukuniki. Kunyi navaaguuga viitu kumali kwakora uvwoni ku Yahova Nyasaye wiitu haali kanyingi. Sikwatia malago geege mba.”

Jeremia 36:2

“Vugula ikaratasi ilingiywi na ong'ode ku amakuva goosi agaamali kokovoolera kigira avandu va Isiraeli na avandu vi Ivuyuda kandi ni zihiiri ziosi. Ong'ode amakuva goosi agandakovolera kutura ing'inga ya ndamoloma ku ivi mulitanga, lwa Josia yaali mwami kuduuka lero.

Jeremia 44:20

Maku ndaavoorela avandu vosi avasaza na avakali avaari nivahaani amativuli gaavo ku inzi kuli ndi,

Jeremia 44:21

“Visiuviliru via mwahaana harara na avaguuga vinyu, avami kandi aviimiliri vinyu, kandi na avandu vi kivala mu madaala gi Ivuyuda kandi nu muzinzira zia Jerusalemi, muganaganaa Yahova si yavula kuvimanya anoho yaavivilira?

Jeremia 7:2

“Zia usingili mu vwingiliru vwi kirivwa chi Litembeli ma ulandizi likuva yili: Muhuliri Likuva lia Yahova, munyi vosi avandu vi Ivuyuda avingiraa mu virivwa yivi nu kusigamira Yahova.

Ezekieli 17:12

“Oteeve avandu vukwibaara yava ndi: munyi mwamanya lugano yilu chalovoolaa? Uvavoolere ndi, Mwami wa Babiloni yaza Jerusalemi ma navugura Mwami harara navatumikiri veve navahira Babiloni.

Ezekieli 24:3

Ovoole lugano yilu ku vandu vange avamali kwibaala, ulwa Inzi Yahova Wuvunyali mali kovora kigira yavo; Uviiki inyingu kumahiga ma witimu amazi gizuri mu du.

Ezekieli 40:4

Mundu oyo yambolera, “Mwana wu Mundu ohenze vulahi. Huliriza vulahi ligali, kandi uviiki zing'anagani zizio ku vuli kindu choosi changumanyia, kigira yiki nicho kivuni chagira nengoleta hano; kunangwa kuduuki kovolere avandu va Isiraeli goosi aga ololaa.”

Amosi 7:15

Navuzwa Yahova yambugura kutura ku miyinzi jange kuli umwayi wi mitugu kandi yambolera, nzie koporofeta ku avandu veve Isiraeli.

Malaki 3:7

Munyi mwaleka malago gange, kandi mwasuura kugagumira kuli vaguuga vienyu va kale. Mwirane ku inzi, na inzi ndamwiranira. Navuzwa muteeva, ‘Kokora ki kuduuki kwirana ku ivi?’

Livalidza 20:10

Musa na Haruni vavungiza vandu imbiri wu lwanda, na Musa yavavolera, “Huliri munyi vahing'ani! Kunyala kutuliza mazi kutura mu lwanda yilu kigira munyi?”

Vikolwa 7:51

Sitefano yaazizagilira kovora “Munyi ava amagoti gadinya! Mioyo jinyu na amatu ginyu gaveeye kuli aga yavo avatamanyi Nyasaye. Munyi muveeye kuli avaguuga vinyu: Munyi kandi muhingiraa Roho Mutakatifu amadiku goosi.

Varumi 10:15

Valilwaza ndi nivatatumiywi? Kuli Mang'oda Matakatifu gavoora, “Voveeye vulahi ki kuliiza lia vatumwa valeta nukwilwaza amakuva malahi!”

Kwidzulitsa 9:24

Kutura nimumanya, mwayibaala ku Yahova.

Kwidzulitsa 9:27

Wizulizi avatumikiri vovo, Aburahamu, Isaka na Yakobo. Utahenza uvuchamu vwa avandu yava anoho uvudamanu vwavo, anoho uvwoni vwavo mba.