Ezekieli 19:14 - KITABU KITAKATIFU

¹⁴ Kitinya chu muzabibu yigu chaali nu muliru, muliru gwasamba zisia ziagwo na makuyu gagwo. Zisia si zilakave nizinguru kandi mba, si zilakave imbimbu yizingulu yu vwami kandi mba. Yilu nulwimbu lwovovereri; lumali kwimbwa haali kanyingi.

Ezekieli 19:14 ပူးပေါင်းရင်းမြစ်များ

Litanga 49:10

Yuda alava ni imbimbu yu vwami, visukululwi vivie vilamiiha kazozo. Zihiiri zilaleta uvusuru kuye, kandi zihiiri zilinama imbiri weve.

2 Avami 24:20

Yahova yavihilirwa ligali na vandu va Jerusalemi ni Ivuyuda, na yavatuliza imbiri weve. Zedekia yibaala ku mwami Nebukadineza wa Babiloni.

2 Kyetsinyinga 36:13

Zedekia yibaala ku mwami Nebukadineza, uwaali naamunigi yisuhi mu lieta lia Nyasaye ndi alava musuuvirifu kuye. Kigira kirage chiche ya suraa kwiganira kandi kwirana ku Yahova Nyasaye wa Isiraeli.

Nehemia 9:37

Kigira uvwoni vwitu, ligesa linyingi lie kivala yiki lizizaa ku avami va ivi wavika ku kunyi vakwamihi. Vamiiha kunyi kandi mitugu jietu, kuli vayanzi. Kunyi koveeye mu liverera linene ligali!”

Zaburi 110:2

Yahova alavambalaliza uvwami vuvwo vwi zinguru kutura Ziyoni. Yavoola, “Ulamiha ku vasigu vovo vosi.”

Zaburi 79:7

Zihiiri yizi zimali kwita avandu vovo Isiraeli, kandi vamali kudiviza kivala cha avandu vovo.

Jeremia 38:23

Maku ndaameeda kovora, “Avakali vovo vosi kandi avana vovo vosi valahirwa ku avandu va Babiloni, na ivi mwene siulahononoka kutura kuvo mba. Mwami wa Babiloni alakokola kuva umuhambe, kandi lidaala linene yili lilasambwa nu kudivizwa ligali.”

Jeremia 52:3

Yahova yaali nu vutima ligali navandu va Jerusalemi ni Ivuyuda, na yavakunga kutura imbiri weve. Zedekia yibaala ku mwami Nebukadineza wa Babiloni,

Lisyoma lya Jeremia 4:20

Avasigu viitu vagumira uwaali kuli kisinukiru chi livamwoyo lietu, umwami wa Yahova yaali natovoye, kandi wakwali kwamusuvira alakukinga kutura ku avasigu viitu.

Ezekieli 15:4

Loveeye vuzwa lulahi mulifanila umuliru. Unyala kolomba ku kindu lwa lumali kusambwa ma lugwiyi amanda?

Ezekieli 17:10

Yee, muzabibu yigu gwatagwa, navuzwa gulamenya kandi guviruki? Sigulaniara lwi imbuza yu kudiviza kutura Ivugwi ihuuzaa? Si gulaniara kali hagwasimikwa?”

Ezekieli 19:1

Yahova yambolera nyimbiri aviimiliri vaviri vavandu va Isiraeli lwimbu lwovovereri yilu:

Ezekieli 19:11

Zisia ziagwo ziali nizinguru, kandi gwaviruka nigugwa kuli imbimbu yu vwami. Muzabibu gwaviruka nigutambiha kuduuka mu malesi; kandi vuli mundu yalora kuli gwaali mutambi na matu manyingi.

Ezekieli 20:47

Ovolere avandu visavalu vahuliri aga inzi Yahova Wuvunyali mboraa: Henza! Ndahambiza muliru, kandi gulasamba nukudiviza vuli musaala muvisi kandi vuli musaala mwumu. Muliru yigu sigulakasiminywi mba, gulakalande kutura Isavaalu kuduuka Ivaale, na gulakasambe vuli mundu.

Ezekieli 20:48

Avandu vosi valakalore ndi Inzi Yahova mali kuhambiza muliru, na siaveeye ho mundu unyala kugusiminya mba.”

Ezekieli 26:17

Valakamwimbiri lwimbu lwi lisioma yilu: Lidaala linene liamanyikana limali kudivizwa! Zimeri zialio zimali kutulizwa mu zinyanza. Avandu vi lidaala linene yili vamiiha kivala keveeye ahimbi ku inyanza, kandi vatihiza vosi avamenyi ahimbi ku inyanza.

Hosea 10:3

Maku avandu yava valavoora, “Kunyi si koveeye nu mwami mba kigira si kwatia Yahova mba. Navuzwa kali niiva kwakaveeye nu umwami yakakokoleye kindiki?”

Hosea 3:4

Mu liiva kuli yili avandu va Isiraeli valakamenye ku ing'inga indambi vugira avami anoho aviimiliri, vugira visiuviliru anoho magina gizitiilu matakatifu, vugira vifananyi viu kutumikira ku vusigitiri.

Amosi 9:11

Yahova avoora, “Lidiku liizaa ndilanyia uvwami vwa Daudi, avoveeye kuli inyumba yaisasuguka nu kugwa. Ndilana kwumbaka vuhia amadigi gayo nu kugakola gave kuli gaali ku maziambiri.

Luka 19:41

Lwa yaduuka ahimbi Jerusalemi yalora lidaala zana, nalililira,

Yohana 19:15

Navo vahanzuka, “Mu mwiti! Mu mwiti!” Pilato yavateva “Inzi mbambe mwami winyu?” Avasaalisi vanene vativura, “Kunyi sikoveeye nu mwami wundi natali Kaisari!”

Vakalagi 9:15

Ulutavati lwavoolera imisaala, ‘Niiva mwenya Inzi mwamihi, nyenya munyi muuzi kwigama muchiriri change. Nigataveeye ndio, umuliru gwaduki mu lutavati lwange kandi gusambe imidalangwa ja Lebanoni.’